space Studies
italian
english
space Sources Dates Indices Topics1 Topics2 Reference Texts
DOCUMENT: o0201074.012vbview image  
I. Transcription of text and essential data
stairDATE: stair1418 agosto 31
stairSUMMARY: stairSentence to reduce the new gabelles imposed against the Commune of Castiglione Fiorentino, in virtue of the authority attributed to the wardens to examine the protest of immunity advanced by the men of said Commune.
SOURCE:
AOSMF stairII 1 74 stairc. 12v-16 b resolutions
stairTEXT:
    In Christi nomine, amen. Nos ...(1) operarii Operis Sancte Marie del Fiore(2) maioris cattedralis ecclesie florentine insimul in dicto Opere(3) in loco nostre solite residentie pro dicto nostro officio exercendo(4) more solito omnes collegialiter adunati, advertentes ad quandam reformationem editam per opportuna consilia Populi et Communis Florentie de mense decembris 1416 et seu alias quandocumque, per quam disponitur quod omnis iurisditio atque potestas olim per quecumque ordinamenta dicti Populi et Communis Florentie quomodolibet attributa et seu concessa officialibus novarum gabellarum Communis Florentie super executione et exactione dictarum novarum (gabellarum) et aliis de quibus in dictis ordinamentis fit mentio, et postea per opportuna consilia dicti Populi et Communis Florentie devoluta ad officium regolatorum introitus et expensarum Communis Florentie, vigore dicte reformationis intelligatur esse et sit concessa et attributa atque devoluta dicto et ad dictum(5) nostrum officium operariorum;
    Et advertentes ad quandam impositionem dictarum novarum gabellarum factam Communi Castilionis Florentini et ipsius Communis et in dicto Communi habitantibus hominibus et personis, tam pro bocchiis sive macinatus, quam super bonis inmobilibus et eorum fructibus et redditibus, quam etiam super bestiis mandrialibus, pro quibus omnibus et singulis gabellis pro omnibus tribus annis pro quibus dicte nove gabelle fuerunt imposite fuit dicto Communi Castilionis et ipsius Communis et in dicto Communi habitantibus hominibus et personis,(6) omnibus summis ad unam reductis, imposita quantitas florenorum trium milium trecentorum auri vel circa;
    Et advertentes ad expositionem coram nobis querelanter factam pro parte dicti Communis Castilionis per plures et varios et diversos oratores dicti Communis Castilionis ac etiam per alios de dicto Communi(7) Castilionis in effectum dicentes quod dictum Commune Castilionis vel ipsius Communis et in dicto Communi habitantes homines et persone vel aliquis //(c. 13) eorum non tenentur nec obligati sunt nec de iuri cogi possunt ad solutionem dictarum gabellarum vel alicuius earum multis rationibus et causis et maxime infrascriptis. Et primo quia dicte nove gabelle saltim macinatus et bonorum non fuerunt eis imposite per earum impositores; secundo quia si etiam essent et seu fuissent eis imposite, etiam non tenerentur nec cogi possent ad eas solvendas, obstantibus maxime pactis et capitulis dicto Communi Castilionis et ipsius Communis et in dicto Communi habitantibus hominibus et personis concessis per Commune Florentie et seu per alium a dicto Communi Florentie auctoritatem habentem tempore submissionis dicti Communis Castilionis facte dicto(8) Communi Florentie et maxime sexto et duodecimo capitulis dictorum capitolorum; et demum dicentes quod, licet etiam dictas gabellas solvere deberent, non tamen deberent solvere summam eis impositam, sed longe minorem, rationibus et causis infra descriptis et notatis et prout inferius continetur; et finaliter concludentes quod dictum Commune Castilionis et ipsius Communis homines et persone et quilibet eorum se remictunt et remictere atque commictere volunt in dictum nostrum(9) officium(10) operariorum et nostre(11) discretioni atque cuilibet declarationi sive determinationi stare, petere et obbedire, et(12) quidquid per(13) nos et seu nostrum officium(14) iudicabitur seu deliberabitur solvere promictentes.
    Et visa dicta balia(15) nobis et dicto nostro officio concessa per dicta opportuna consilia Populi et Communis Florentie(16) et auditis dictis oratoribus et aliis pro dicto Communi Castilionis dicere volentibus, et visa dicta commissione et remissione in nos et dictum nostrum officium(17) super et de predictis et occaxione predictorum et dictarum novarum gabellarum factam die XVIII presentis mensis augusti per prudentem virum ser Petrum ser Iohannis ser Petri de Castilione Florentino sindicum et procuratorem et sindicario et procuratorio nomine dicti Communis Castilionis Florentini habentem ad id specialiter(18) a dicto Communi Castilionis, ut in dicta commissione publice scripta manu(19) ser Laurentii Pauli ser Guidonis Gilii notarii nostri et dicti Operis latius continetur et adnotatum est,(20) et omnibus et singulis in dicta remissione et commissione contentis, visis(21) et considerantis et volentes predictis finem imponere,(22) omnes unianimes et concordes et nemine discrepante vigore nostri officii et auctoritatis, potestatis et balie nobis in dicto nostro officio concesse et attribute per quecumque statuta, ordinamenta, provisiones et reformationes Populi et Communis Florentie et seu universitatis Artis Lane civitatis predicte et vigore dicte commissionis et remissionis nobis et in nos et dictum nostrum officium facte per dictum ser Petrum sindicum et sindicario nomine suprascripto et omni modo, via et iure quo et quibus magis et melius possumus et debemus, providemus, deliberamus et ordinamus atque declaramus et volumus omnia et singula infrascripta et prout et sicut inferius continetur et scriptum est.
//(c. 13v)
    Im primis(23) namque advertentes ad primam partem dicte expositionis(24) pro parte dicti Communis Castilionis facta tam(25) coram nobis et nostris in officio precessoribus quam etiam coram aliis officialibus reperitoribus dictarum novarum gabellarum ut supra dictum est, videlicet(26) quod dictum Commune Castilionis non potest cogi ad solutionem dictarum novarum gabellarum(27) tam quia non fuerunt sibi imposite et tam quia(28) sibi imponi non poterant obstantibus capitulis de quibus supra fit mentio; et visis dictis impositionibus dictarum novarum gabellarum et visis dictis pactis et capitulis ac etiam visum quod super predictis fuit alias consultum et demum secundum formam consilii et seu consiliorum super hiis redditorum et tam super prima parte, videlicet utrum(29) fuerint eis imposite, quam super secunda, videlicet utrum(30) imponi sibi potuerint, fuit per tunc officiales et executores dictarum novarum gabellarum iudicatum et sententiatum ac declaratum(31) quod eis imposite fuerunt et imponi potuerunt, et omnibus et singulis in predictis et circa predicta visis et considerantis que videnda et consideranda fuerunt, declaramus(32) vigore quo supra: dictas novas gabellas fuisse per dictos earum impositores dicto Communi Castilionis Florentini et ipsius Communis hominibus et personis et cuilibet eorum impositas et indictas et dicta capitula de quibus supra fit mentio non defendere et non excusare dictum Commune Castilionis et seu ipsius Communis homines et personas vel aliquem eorum a solutione(33) dictarum novarum gabellarum vel alicuius earum(34), et propterea ipsum Commune Castilionis et ipsius Communis homines et personas dictas novas gabellas et quamlibet earum(35) solvere teneri et debere et ipsum ad solvendum cogi posse(36) de iure et secundum formam ordinamentorum dictarum novarum gabellarum et cuiuslibet earum.
    Item secundo advertentes ad impositionem gabelle macinatus eis imposite super eorum bocchiis sive personis, videlicet pro bocchiis sive personis quattuor milibus existentibus tempore impositionis dictarum novarum gabellarum in dicto Communi Castilionis et tam in terra Castilionis quam eius comitatu et villis et pro tribus annis quibus duraverunt dicte nove gabelle, et considerantes quod dictus numerus nec tantus numerus boccarum sive personarum erat in dicto Communi Castilionis; et etiam considerantes quod per opportuna consilia Populi et Communis Florentie dicta gabella macinatus fuit comitatinis et extimo(37) comitatus florentini allibbratis pro duobus(38) ultimis annis dictorum trium annorum ablata; et quod propterea dicta gabella macinatus numquam fuit ab aliquo pro dictis duobus ultimis annis exacta; ac etiam considerantes quod etiam(39) in dicto primo anno dictarum novarum gabellarum dicta gabella macinatus fuit per dicta opportuna consilia Populi et Communis Florentie //(c. 14) ablata allibbratis et incameratis in soldis sex vel ab inde infra et in minori quantitate; et viso quod dicta gratia fuit solum concessa respectu pauperum comitatinorum et illorum qui pro sola testa essent allibbrati et quod, licet homines et persone dicti Communis Castilionis non sint allibbrati in dicta Camera nec de rigore iuris comprehendantur in dicta reformatione et sub dicta gratia, nichilhominus in dicto Communi Castilionis sunt de pauperibus et miserabilibus personis et non paucis, et attento etiam quod aliis comitatinis non allibbratis in dicta Camera Communis Florentie fuit de dicta gabella macinatus sive de summa pro dicta gabella macinatus eis imposita(40) respectu(41) pauperum et miserabilium personarum et loco habentium de extimo soldos sex vel minus, detracta quarta pars totius summe eis principaliter imposite; et volentes dictum Commune Castilionis et eius homines non peius set ob eorum merita erga Commune Florentie melius quibuscumque aliis tractare,(42) propterea(43) declaramus vigore quo supra primo et principaliter in dicto Communi Castilionis Florentini non fuisse tempore impositionis dicte gabelle tot boccas sive dictum numerum quattuor milium boccarum set minorem et ipsum numerum reduxamus,(44) ut infra in summam continetur; et etiam dictum Commune Castilionis vel eius homines et personas vel aliquem eorum non esse gravandum nec cogi debere ad solvendum dictam gabellam macinatus pro dictis duos ultimis annis dictarum novarum gabellarum, sed pro uno anno tantum, prout solverunt alii comitatini comitatus Florentie; et etiam de dicta summa eis imposita pro dicta gabella macinatus detrahendam esse et detrahi debere dictam quartam partem vere gabelle macinatus primi anni respectu dictarum miserabilium personarum et prout detracta fuit de summa aliorum communium(45) et populorum non allibbratorum in Camera Communis Florentie, et solvere debere solum et dumtaxat dictas tres quartas partes vere gabelle dicti macinatus primi anni pro summa inferius descripta.
    Item tertio advertentes ad impositionem gabelle bonorum inmobilium sive ad summam dicto Communi Castilionis impositam pro gabella bonorum inmobilium, videlicet florenorum quadringentorum quinquaginta auri pro quolibet anno dictorum trium annorum; et viso quod dicta gabella fuit eis imposita, tam super bonis inmobilibus ex quibus et super quibus fructus recolliguntur quam etiam et super domibus que (per) proprios possessores habitantur pro quibus in veritate nulla debet solvi gabella, quin ymo, viso quod qui dictam summam(46) florenorum quadringentorum quinquaginta auri annuatim pro dicta gabella dicto Communi Castilionis imposuit se in dicta impositione fundavit super catasto extimi dicti Communis Castilionis et non consideravit quod extimus etiam imponitur super domibus ac etiam super testis et personis(47) hominum dicti Communis ac etiam super bonis inmobilibus hominum dicti Communis(48) extra dictum Commune in alio comitatu florentino existentibus, //(c. 14v) pro quibus in veritate alibi est Communi Florentie dicta gabella soluta et in dicto Communi solvi non debet secundum ordinamenta dictarum gabellarum, declaramus dictis de causis vigore quo supra dictam summam florenorum quadringentorum quinquaginta auri annuatim impositam dicto Communi Castilionis pro dicta gabella bonorum inmobilium minuendam esse et ipsam minuimus(49) et minuendo reducimus(50) ut infra in summa continetur.
    Item quarto advertentes ad gabellam bestiarum mandrialium sive ad summam pro gabella bestiarum mandrialium hominibus dicti Communis Castilionis et eius comitatus et in ipso Communi et eius comitatu habitantibus impositam, et considerantes quod habiliter vel sine maximis expensis et incomodis dictorum hominum et personarum quibus imposita est et seu fuit dicta gabella exigi non posset, maxime quia quilibet pro solvendo venire cogeretur a dicto Communi seu a loco dicti Communis Castilionis usque ad civitatem Florentie ex quo dampna, expensas et incomoda substineret, et volentes predictis iuxta posse nostrum obviare et eorum commoditatibus et utilitatibus salubriter(51) providere, deliberamus et declaramus vigore quo supra: dictum Commune Castilionis Florentini teneri et obligatum esse ad solvendum et solvere debere omnem et quamlibet et quamcumque summam suis hominibus et personis et in suo Communi habitantibus super dictis bestiis mandrialibus impositam pro dictis tribus annis ipsamque summam super bestiis mandrialibus impositam, cum infrascripto tamen regressu et de quo infra fit mentio, in infrascripta summa et quantitate intercludimus(52) et venire et venisse volumus, intellegimus et declaramus; et omnibus et singulis visis, consideratis et diligenter examinatis in predictis et circa predicta et quodlibet predictorum que videnda, consideranda et examinanda fuerunt, et auditis dictis oratoribus et aliis pro dicto Communi Castilionis dicentibus et a dictis oratoribus et aliis suprascriptis demum percepto quod in terra Castilionis sunt quingenti homines et non ultra et in eius comitatu et villis sunt ducenti homines et non ultra, ita quod in totum dictum Commune Castilionis facit et habet septingentos homines et non ultra, et existimantes nos operarii suprascripti quemlibet hominem habere quattuor boccas in sua familia sua computata et sic septingenti homines faciunt et habent duo milia octingentas boccas sive personas, et detracta quarta parte respectu quo supra,(53) remanent duo milia centum que solvere debent ad rationem soldorum 12 f.p. pro qualibet earum, in totum libras mille ducentas sexaginta f.p.
    Ac etiam ab eisdem oratoribus et aliis suprascriptis percepto quod dictum Commune Castilionis sive ipsius Communis et in ipso Communi habitantes, homines et persone non recolligunt nec percipiunt //(c. 15) ex fructibus eorum bonorum inmobilium tam in dicto Communi Castilionis quam alibi existentium annuatim summam florenorum novem milium auri, super qua est eis posita dicta nova gabella bonorum et pro dicta nova gabella bonorum summam florenorum quadringentorum quinquaginta auri ad rationem florenorum quinque auri pro quolibet centunario, sed longe minorem, et quod ipsi omnibus summis ad unam reductis annuatim recolligunt et ex dictis fructibus percipiunt summam florenorum quinque milium quadringentorum auri vel circa, et sic pro dicta gabella annuatim solvere deberent ad rationem florenorum quinque auri pro quolibet centunario dicte summe florenos ducentos septuaginta auri vel circa que summa in tribus annis ad unam reducta ascendit ac quantitatem florenorum octingentorum decem auri vel circa; et demum considerata summa eis imposita annuatim pro dicta gabella bestiarum mandrialium et considerata qualitate ipsarum bestiarum et omnibus suprascriptis bene examinatis et demum nos fundantes super narratis, dictis et petitis per dictos oratores dicti Communis Castilionis et aliis pro dicto Communi Castilionis dicentes, et finaliter volentes predicta omnia et singula decidere et ad unam conclusionem et summam reducere vigore quo supra providemus, deliberamus et ordinamus atque declaramus, iudicamus et sententiamus et taxamus dictum Commune Castilionis pro omnibus et singulis suprascriptis gabellis et ipsarum gabellarum omnibus summis ad unam reductis solvere debere et teneri camerario dicti Operis pro dicto Opere recipienti florenos mille ducentos auri; et sic et pro tot(54) dictum Commune Castilionis et ipsius Communis Castilionis homines et personas et quemlibet eorum ad solvendum cogi posse infrascriptis temporibus et terminis, videlicet florenos ducentos auri hinc ad per totum mensem octobris proxime futuri cum infrascripta compensatione et de qua infra fit mentio. Et quod de sic solvendo et dicto termino dictam primam pagam florenorum ducentorum auri cum dicta compensatione debeat ac teneatur hinc ad per totum mensem septembris proxime futuri ydonee ac sufficienter penes(55) notarium(56) nostrum et dicti Operis et pro dicto Opere recipienti satisdare, ita quod ex inde publica fiat scriptura manu dicti notarii; et alios florenos mille auri in decem annis proxime futuris initiandis die prima novembris proxime futuri(57) faciendo solutionem de anno in annum prout tangit pro rata, videlicet quolibet anno saltim(58) in fine anni solvendo florenos centum auri. Et de sic observando et de dictis terminis solvendo debeat etiam dictum Commune de anno in annum, videlicet in principio anni, et facta solutione unius anni incontinenti satisdare ut et ubi et quo supra, videlicet quolibet anno pro paga unius anni, ita quod continue in dictis decem annis sit dicta fideiussio de florenis centum auri. //(c. 15v) Cum hoc etiam quod deficiente altera dictarum fideiussionum vel solutionum dictis temporibus vel non satisdandum et solvendum dictum Commune Castilionis temporibus et ut supra ordinatum est, possit dictum Commune Castilionis et eius homines et persone et quilibet ipsorum in persona et bonis pro tota summa quam tempore talis defectus restaret solvere de suprascripta summa florenorum mille ducentorum auri per operarios dicti Operis qui pro tempore fuerint et eorum officium et eorum et dicti eorum officii quemcumque et seu quoscumque commissos et exactores gravari et ad ipsam summam que tunc solvi restaret solvendum cogi et omnibus remediis opportunis compelli non obstante termino suprascripto et seu terminis suprascriptis; cum hac tamen compensatione(59) et salvo quod si reperiretur per aliquem et seu aliquos homines vel personas laicas et seculares, ita quod non intelligatur pro clericis vel pro bonis ecclesiasticis sed pro laicis et secularibus et eorum bonis tantum, fuisse solutam aliquam quantitatem pecunie pro gabella aliquorum bonorum inmobilium alicuius et seu aliquorum dictorum hominum vel personarum dicti Communis Castilionis Florentini et seu in dicto Communi Castilionis Florentini habitantium, existentium et que bona essent in aliquo loco,(60) comitatu et seu districtu Florentie extra dictum Commune Castilionis et eius curiam dicto Communi Florentie et seu alicui camerario dicti Communis et seu pro dicto Communi Florentie recipienti pro dicta nova gabella bonorum, quod dicta quantitas et summa sic ut supra dicitur soluta et que vere soluta reperiretur ut supra dictum est computetur et compensetur in dicta quantitate et summa florenorum mille ducentorum auri et detrahi debeat de dicta prima paga florenorum ducentorum auri, ita quod illud quod solutum reperiretur pro dicta gabella ut supra dictum est solvi debeat minus in dicta prima paga florenorum ducentorum auri;(61) comprehenduntur enim dicta bona in cataxto extimi dicti Communis super quo se fundavit qui dictam novam gabellam posuit ut supra dictum est et inconveniens esset et iniustum super eisdem bonis binam gabellam(62) ponere sive exigere.
    Item ultimo advertentes quod per nos supra dispositum et deliberatum est quod gabella bestiarum mandrialium et seu super bestiis mandrialibus imposita hominibus dicti Communis Castilionis et in dicto Communi et eius territorio habitantibus solvi debeat per dictum Commune Castilionis rationibus et causis supra adnotatis et in capitulo dicte deliberationis insertis, et considerantes quod //(c. 16) iuri(63) consonum est quod domini et possessores dictarum bestiarum solvant dictam gabellam eis impositam et non Commune Castilionis pro eis, quoniam non habens bestias pro eis solvere non debet gabellam et multi sunt in dicto Communi Castilionis bestias non habentes, et volentes iustitiam unicuique equo pondere ministrare providemus etc. quod dictum Commune Castilionis per se et alium et seu alios quos ad predicta deputaverit,(64) si et in quantum voluerit, possit sibique liceat ab omnibus et singulis hominibus et personis de dicto Communi Castilionis et ibidem habitantibus descriptis super dictis libris novarum gabellarum in dicto Opere existentibus pro debitoribus pro dicta gabella petere et exigere, consequi et habere omnem quantitatem pecunie in qua scripti essent debitores et pro debitoribus Communis Florentie et dicti Operis pro dicta gabella, singula singulis referendo, ita quod a dicta declaratione et deliberatione supra per nos facta circa solutionem gabelle dictarum bestiarum fiendam per dictum Commune Castilionis, dictum Commune Castilionis si voluerit penitus remaneat inlesum et quod dictam gabellam finaliter solvant qui eam principaliter et ante presentem deliberationem solvere debebant, et non qui bestias non habent et ad ipsam solvendam ante presentem deliberationem obligati non erant; et residuo vero dicte summe et quantitatis dicto Communi Castilionis et suis hominibus imposite suprascriptis de causis, salvis predictis et in presenti deliberatione contentis, ipsum Commune Castilionis et eius homines et personas et quemlibet eorum absolvimus et liberamus et pro maiori summa suprascripta gravandum non esse(65) vel gravari debere vel posse(66) omni modo, via, forma et iure quibus magis et melius possumus et debemus, declaramus et deliberamus.
    De gabella(67) autem imposita clericis et locis ecclesiasticis et piis dicti Communis Castilionis et eius territorii(68) et seu super eorum vel alicuius eorum bonis in presenti deliberatione nulla facimus(69) in honere nec per presentem deliberationem aliquod deliberamus vel disponimus, ita quod remanent prout erant ante presentem deliberationem.
    Facta et fuerunt omnia et singula suprascripta per dictos operarios ut et ubi supra sedentes et cohadunati die trigesima prima augusti MCCCC decimo octavo, indictione undecima,(70) presentis Simone Francisci de Filicaria provisore et Iohanne Ambroxii capomagistro Operis et aliis testibus etc., mandantes mihi Laurentio notario infrascripto quatenus de predictis publicum conficere instrumentum subscripsi.
NOTES: 1 Spazio bianco per circa 5 lettere.
2 Segue depennato "de Florentia".
3 "in dicto Opere" aggiunto nell'interlinea con richiamo nel testo.
4 Segue depennato "omnes".
5 "ad dictum" parola corretta.
6 Segue depennato "imposita".
7 Segue depennata abbreviazione di parola illeggibile.
8 Aggiunto nell'interlinea con richiamo nel testo.
9 "in dictum nostrum" aggiunto in margine.
10 Segue depennato "dictorum".
11 Corretto nell'interlinea su "eorum" depennato.
12 Segue depennato "quod".
13 Segue depennato "eos".
14 "et seu nostrum officium" aggiunto in margine.
15 Segue depennato "eis"; "nobis ... officio" aggiunto nell'interlinea con richiamo nel testo.
16 Aggiunto nell'interlinea con richiamo nel testo.
17 Segue depennato "factam".
18 Segue parola su macchia di incerta lettura, forse "et generaliter".
19 Segue depennato "mei".
20 In margine: "Nota remissum in isto a c. 48".
21 Parola di lettura incerta, potrebbe anche essere "ius".
22 Segue depennato "Et dictum Commune Castilionis et eius homines et personas a molestia sibi pro predictis iam diu illata".
23 Segue depennato "nqam".
24 "ad ... expositionis" aggiunto in margine con richiamo nel testo; segue depennato "quod".
25 Aggiunto nell'interlinea.
26 "ut ... videlicet" aggiunto parte nell'interlinea e parte in margine con richiamo nel testo.
27 Aggiunto nell'interlinea con richiamo nel testo.
28 Segue depennato "si fuissent sibi imposite".
29 Corretto nell'interlinea su "quod non" depennato.
30 Corretto nell'interlinea su "quod non fue-" depennato.
31 Segue depennato "ipsum Commune Castilionis".
32 Corretto su "declaraverunt".
33 Segue depennato "a solutione".
34 "Vel ... earum" aggiunto nell'interlinea con richiamo nel testo.
35 Aggiunto nell'interlinea con richiamo nel testo.
36 Segue depennato "et debere".
37 Aggiunto nell'interlinea di mano più tarda:"ord-".
38 Segue lettera depennata, forse "l".
39 Aggiunto nell'interlinea con richiamo nel testo.
40 Segue depennato "detracta".
41 Segue depennata lettera illeggibile.
42 "Et ... tractare" aggiunto nel margine con richiamo nel testo.
43 Segue depennato "vigore".
44 "-amus" corretto su "-erunt" depennato.
45 Aggiunto nell'interlinea con richiamo nel testo.
46 Segue depennato "pro dicta".
47 Aggiunto nell'interlinea con richiamo nel testo.
48 Segue depennato "et".
49 "-imus" corretto su "-erunt" depennato.
50 "-imus" corretto su "-sserunt" depennato.
51 Aggiunto nell'interlinea con richiamo nel testo.
52 "-dimus" corretto su "-ferunt" depennato.
53 "respecu ... supra" aggiunto nell'interlinea con richiamo nel testo.
54 Segue depennato "cogi".
55 In margine: "Nota prorogationem termini prime paghe et fideiussionem in isto a c. 21".
56 Segue depennata parola illeggibile su macchia d'inchiostro.
57 "initiandis ... futuri" aggiunto in margine con richiamo nel testo.
58 Aggiunto nell'interlinea con richiamo nel testo.
59 In margine: "Nota quod non debet fieri ista compensatio ut constat in isto a c. 21".
60 Segue depennato "et s-".
61 Segue depennato "est enim eis".
62 Segue depennato "ponere".
63 Parola di incerta lettura, sembrerebbe "iuris" con "-s" depennata.
64 Depennato il segno di abbreviazione per la "-n-".
65 Segue depennato "vel debere".
66 Segue depennato "declaramus et deliberamus".
67 In margine: "Nota quod gabella ista clericorum etiam est inclusa in summa ut constat in isto a c. 21".
68 "dicti ... territorii" aggiunto nell'interlinea con richiamo nel testo.
69 Corretto nell'interlinea su "fit" depennato.
70 Segue depennato "die".
stairLINKS:stairLa fideiussione relativa si trova nella sezione apposita dello stesso bastardello: stairO0201074.048a; la proroga al primo termine di pagamento si trova nello stesso bastardello: stairO0201074.021va.
Transcription: gb
II. Analysis of document
Indices
stairNAMES AND ROLES:  - stairoperai
 - stairPodestà
 - stairufficiali delle nuove gabelle
 - stairregolatori di entrata e uscita del Comune di Firenze
 - stairabitanti di Castiglione Fiorentino debitori
 - stairambasciatori del Comune di Castiglione Fiorentino
stairPiero di ser Giovanni di ser Piero da stairCastiglione Fiorentino, ser   - stairprocuratore del Comune di Castiglione Fiorentino
stairLorenzo di Paolo di ser Guido stairGigli, ser   - stairnotaio dell'Opera
 - staircamarlingo
 - stairclero di Castiglione Fiorentino
stairSimone di Francesco da stairFilicaia  - stairprovveditore testimone
stairGiovanni d'Ambrogio  - staircapomaestro testimone
stairPLACES: stairCastiglione Fiorentino
stairINSTITUTIONS: stairPopolo e Comune di Firenze
stairCamera del Comune di Firenze
stairComune di Castiglione Fiorentino
Guided research
stairFINANCES:
stairgabelles
bestie mandriali - riduzione di tassa
bestie mandriali - distribuzione degli oneri tra i proprietari
stairgabelle - property
immobili, case d'abitazione - esenzione
immobili su cui si raccolgono frutti - riduzione di tassa
clero
gabella dei luoghi ecclesiastici e pii
stairgabelle - milling
bocche - riduzione per povertà
stairgabelles - new
riduzione per sentenza degli operai
stairgraces - gabelles
macinato del primo anno
stairPERSONNEL:
stairother ments. - intern.
GRUPPO - testimone
stairNOTEWORTHY THINGS:
stairother
popolazione e rendite erariali di Castiglione Fiorentino - calcolo
References
stairDOCUMENTARY: stairRiformagione di dicembre 1416 su esazione nuove gabelle
stairCHRONOLOGICAL: 1416 dicembre
Analysis: gb
top of page left Code right left Date right Return Help Contact home
© 2015 Opera di Santa Maria del Fiore