TEXT:
|
Operaii(1) prelibati intellecto qualiter coram eorum offitio publice expositum fuit pro parte hospitalari hospitalis Sancte Marie Nove de Florentia cum querela qualiter cotidie per nuptios et exactores dicte Opere facte sunt certa pignora et gravamenta contra(2) bona dicti hospitalis et gravati sunt multa eorum personalia, domus et alia pro testamentis, gratiarum et novarum ghabellarum(3) et pro aliorum debitorum(4) dicte Opere; et considerantes quod dictum hospitale et eius bona sunt stabiles et cotidie inveniuntur in civitate Florentie hac(5) etiam quod hospitalis predictus(6) est locus pius et misericordie ac etiam quod in dicto hospitale firmiter invenitur camerarius dicti hospitalis qui prontus et paratus est semper solvere recipere debentes a dicto hospitale quibuscumque de causis;(7) et aliis pluribus visis et consideratis que circa predicta videnda et consideranda fuerunt, et volentes piis locis etiam in quantum possibile est conservare et dictis gravamentis et vexationibus obviare, vigore cuiuscumque auctoritatis, potestatis et balie eisdem per quecumque ordinamenta Populi et Communis Florentie ac etiam universitatis Artis Lane concesse et atribute et omnique modo, via, iure et forma quibus magis et melius //potuerunt, providerunt, ordinaverunt et deliberaverunt quod hospitale Sancte Marie Nove de Florentia et eius hospitalari, familiari, factores, laboratores, inquilini, colini aut fictaiuoli non possint aut valeant de cetero modo aliquo capi, cogi, gravari, pignorari, detineri, impediri aut inquietari(8) vel modo aliquo(9) molestari personaliter vel in bonis per aliquem offitialem, nuptium vel exactorem dictorum operariorum vel alium deputatum vel deputandum per dictos operarios vel alios in offitium successores occaxione, causa vel(10) pretextu quarumcumque prestantiarum primi, secundi et tertii annorum ad scomputandum in novis ghabellis nec non quorumcumque bonorum inpositorum pro dictis novis ghabellis ad scomputandum in dictas prestantias et vel occaxione quorumcumque testamentorum, codicillorum et ultimarum voluntatum(11) olim factorum seu conditorum vel in futurum facturorum et conditorum per quemcumque personam de civitate, comitatu vel desctrictu Florentie aut aliunde, de quibus testamentis, codicillis et ultimis voluntatibus(12) devenire(13) deberet(14) aliquam quantitatem pecunie in manibus camerarii Opere predicte aut occaxione, causa vel pretextu quorumcumque aliorum(15) debitorum dicte Opere quibuscumque de causis(16) ad quem vel quas dictus hospitalis vel eius aliqua bona per ipsum hospitale vel alium pro dicto hospitale(17) possessa quomodolibet teneretur vel obligatus esset aut esse diceretur Opere predicte usque in presentem diem(18) et seu in futurum quandocumque, sub pena et ad penam arbitrii dictorum operariorum cuilibet tali(19) nuptio,(20) exactori vel offitiali gravanti vel facienti contra predicta et cassationis offitii ad quod deputatus esset vel(21) in futurum deputaretur, nisi primo fuerit servatus ordo et forma infrascripta, videlicet quod talis nuptius, exactor vel offitialis, qui gravare voluerit dictum hospitalem vel hospitalarios, offitiales, laboratores, inquilinos, fictaiuolos, familiares, pensionarios et seu bona eorumdem teneatur notificare hospitalario dicti hospitalis vel eius sindicho vel procuratori, quod infra otto dies proxime futuros ab die notificationis debeat solvisse vel concordasse talem debitum et seu creditum pro quo dictum tale gravamentum facere voluerit, et elapsis dictis otto diebus etiam debeat habere licentiam ab proposito tunc existente in dicto offitio operariorum faciendi talem exactionem et gravamentum, de quibus notificationem et licentiam constare debeat per acta notarii dicti offitii pro tempore existente, alioquin dictus talis nuptius, exactor vel offitialis, qui dictus hospitalis, laboratores, inquilinos, fictaiuolos et seu familiares et seu bona eorumdem gravaverint, pignoraverint vel inquietaverint non servata forma supradicta intelligatur ipso facto incurrisse et incurrat in penis, de quibus supra fit mentio,(22) et in super intelligatur esse et sit ipso facto capsus ab dicto offitio in quo positus vel deputatus esset.(23)
|
Et ultra predicta omne gravamentum et pignora quod fieret contra preter formam supra traditam et contentam in ea(24) non valeat et non teneat et de facto reddi et restitui debeat dicto hospitali et cuicumque alii gravato absque aliqua solutione propterea fienda per dictum hospitalem vel hospitalarium et absque alia deliberatione vel solepnitate servanda, nisi solum presenti deliberatione, et in super dicti tales nuptii, exactores vel familiares gravantes non servata forma predicta teneantur conservare dictum hospitalem indepnem ab dicto gravamine, non obstante quibuscumque in contrarium disponentibus, mandantes predicta omnia ab omnibus observari.(25)
|
|