II 1 86: 73: o0201086.073c

DOCUMENT:

o0201086.073c

view image

Referenced in:

Becattini, Selva
Terenzi, Maestranze

I. Transcription of text and essential data

DATE:

1425 giugno 6

SUMMARY:

Guaranty for supply of white marble for the external ribs of the cupola.

SOURCE:

AOSMF

II 1 86

c. 73

guaranties

TEXT:

Bertinus Pieri scharpellator populi Sancte Marie de Septignano comitatus Florentie constitutus coram me Bartolomeo notario infrascripto(1) occaxione cuiusdam conductionis per eum una cum Iohanne Benozii dicti loci facte ab operariis prelibate Opere ad fovendum(2) ad conducendum(3) unum milionem cum dimidio alterius milionis marmoris albi boni recipientis et acceptabilis a chava Carrarie usque ad Operam pro fiendis crestis maioris cupole dicte Opere secundum mensuram et modenum eis traditum per caputmagistrum prefate Opere pro pretio librarum septem et soldorum decem f.p. pro quolibet miliari omnibus sumptibus et expensis dictorum Bertini et Iohannis et cuiuslibet ipsorum in solidum, cum pacto quod prefati operarii tenerentur mutuare dictis Bertino et socio florenos auri ducentos scomputandos in ultima conducta dicti marmoris, de qua quidem locatione et instrumento dicte locationis vidi constare publico instrumento manu ser Pieri Laurentii del Chatellaccio notarii florentini tunc notarii dicte Opere, prout apparet in quodam eius quaterno deliberationum et locationum in dicta Opera existenti a c. 30;(4) et occaxione florenorum auri centum quos dictus Bertinus fuit confessus et contentus a prefata Opera habuisse et recepisse de dicta summa florenorum auri ducentorum eisdem promissorum in dicta(5) locatione et conductione, et occaxione omnium et singulorum in dicta locatione et instrumento dicte locationis contentorum et insertorum, promisit et solempni stipulatione convenit mihi Bartolomeo notario publico et nunc notario dicte Opere pro dicta Opera recipienti dictum marmorem et quantitatem marmoris conducere modo et forma in dicta locatione et instrumento dicte locationis contentis et in ultima conducta(6) schomputare dicte Opere dictos florenos auri ducentos et omnia et singula facere et observare que tenetur vigore et occaxione dicte locationis et instrumenti dicte locationis; et propterea obligavit se ipsum et eius heredes et bona, renumptiavit etc. Et eius precibus et mandatis et pro observatione omnium predictorum fideiusserunt et fideiussores extiterunt Niccolaus quondam Salvadoris scharpellator populi Sancte Marie de Septignano comitatus Florentie et Bastianus Iusti scharpellator dicti populi, qui promiserunt etc., obligaverunt etc., renumptiaverunt etc.

Et hec acta fuerunt in prefata Opera presentibus ser Benedicto Filippi de Sancto Miniate notario florentino et Taddeo Iohannis populi Sancti Anbroxii de Florentia testibus etc.

NOTES:

¹ Si tratta di ser Bartolomeo del maestro Antonio notaio dell'Opera.

² "ad fodendum" corretto nell'interlinea su "de uno" depennato.

³ Aggiunto nell'interlinea e depennato "et f-".

⁴ "de qua quidem ... c. 30" aggiunto in margine con richiamo nel testo.

⁵ Segue depennato "conduction-".

⁶ Segue depennato "rest-".

LINKS:

L'allogagione cui si fa riferimento è nel bastardello di deliberazioni:

O0201084.030va.

BIBLIOGRAPHY:

Saalman 1980, n. 194-4, trascrizione parziale, fideiussione fraintesa per contratto.