space Studies
italian
english
space Fonti Date Indici Soggetti1 Soggetti2 Reference Testi
DOCUMENTO: o0201077.034avedi immagine  
I. Trascrizione testo e dati essenziali
stairDATA: stair1420 aprile 16
stairREGESTO: stairElezione dei provveditori della cupola con salario stabilito e elezione di maestri muratori.
FONTE:
AOSMF stairII 1 77 stairc. 34-34v a deliberazioni
dei consoli e degli operai
stairTESTO:
    Nobiles et prudentes viri consules Artis et universitatis Artis Lane civitatis Florentie una cum officio operariorum Opere Sancte Marie del Fiore et officio(1) quattuor officialium cupole maioris dicte ecclesie, considerantes qualiter super novi operis dicte cupole costructione fuit multotiens in diversis temporibus per ipsos officiales cupole cum quampluribus ipsius Operis intelligentibus magistris et aliis hedificatoribus praticatum et cum diligentia discussum et super ipso opere quamplures modelli et alia quamplura facta et ordinata et super ipso pluribus conclusionibus quamplurium intelligentium intellectis, volentes circa predicta prout ad presens convenire cognoscunt providere et ipsi constructioni fiende aliquale principium ordinare, premisso et facto inter ipsos omnes invicem in palatio dicte Artis(2) more solito in sufficientibus numeris congregatos solepni et secreto scruptinio ad fabas nigras et albas et obtento partito secundum ordinamenta providerunt, deliberaverunt atque eligerunt infrascriptos:
    Filippum ser Brunelleschi
    Laurentium Bartolucci et
    Batistam Antonii(3)
in provisores dicti operis cupole construende et ad providendum, ordinandum et construi,(4) ordinari, fieri et hedificari(5) faciendum a principio usque ad finem ipsam maiorem cupolam et hedifitium illis hedifitiis, magisteriis, muramentis, modis, formis et condictionibus(6) et illis sumptibus et aliis quibuscumque de quibus et prout et sicut eisdem videbitur convenire et expedire iudicabunt predicta eorum intelligentie atque prudentie commictentes usque ad ipsius cupole perfectionem et complementum, cum salario florenorum trium auri pro quolibet eorum quolibet mense eisdem et cuilibet eorum persolvendo de pecunia dicte Opere per camerarium Opere supradicte faciendo solutionem de tempore in tempus eo modo et forma prout operariis dicte Opere videbitur et placebit.
    Eo tamen expresso et intellecto quod salarium ipsorum(7) Filippi, Laurentii et Batiste incipiat deberi et solvi posse quando operariis dicte Opere vel duabus partibus ipsorum videbitur et placebit et non primo.
    Et quod provisio florenorum duorum(8) auri quolibet mense promissa et constituta(9) alias atque debita dicto Batiste tamquam vice caputmagistro firma maneat et perduret usque incipiet salarium provisionis ipsorum trium provisorum solvi debere et non ulterius.
    Et quod die qua incipiet salarium ipsorum trium provisorum pro ipsa cupola intelligatur pro tempore tunc a dicta die in antea secuturo provisio ipsorum duorum florenorum dicti Batiste revocata nec ulterius deberi vel solvi posse.
    Hoc tamen expresso et intellecto quod salarium soldorum viginti sibi constitutum et promissum pro magistro seu scarpellatore ultra provisionem predictam quolibet die firmum maneat et perduret et ultra provisionem predictam sibi persolvi possit et debeat, predictis non obstantibus.
    Item eligerunt ut supra loco unius(10) ex dictis tribus provisoribus primo deficientis(11) renuntiantis vel ab ipso exercitio quolibet removendi prudentem virum:
    Iulianum Arrigi pictorem vocatum Pesello.
    //
    Ac etiam modo et forma predictis eligerunt loco secundi ex dictis tribus provisoribus(12) vacantis, renuntiantis, non acceptantis, mortui vel aliter quomodolibet removendi prudentem virum:
    dominum Iohannem Gherardi de Prato
cum salario, officio, exercitio et aliis quibuscumque ipsis Iuliano et domino Iohanni debendo et attributo tunc postquam officium seu exercitium predictum ad eos ut predicitur pertinebit et non primo, cum quibus ad presens electi sunt predicti Laurentius, Filippus et Batista.
    Item modo et forma predictis eligerunt infrascriptos magistros et quemlibet eorum, videlicet:
    Ricchum Iohannis
    Tuccium Iohannis de Senis
    Filippum Iohannis
    Niccolaum Benozi
    Bertum Bartholomei
    Gerium Antonii Ciofi
    Blaxium ...(13) qui laborat cum Francisco della Luna
    Gherardum ...(14) Belacqua
et quemlibet eorum solum et dumtaxat in magistros ad murandum et conducendum ipsam cupolam eo modo et forma quibus et prout conveniens est et requiritur secundum modum et formam ordinandam per ipsos suprascriptos provisores, non contra faciendo propterea ordinamentis de predictis disponentibus, pro tempore initiando, durando et finiendo et cum salario eis constituendo de quibus et prout et sicut et quando operariis dicte Opere et seu(15) duabus partibus eorum videbitur convenire.
    Et loco non acceptantis, renuntiantis vel quomodolibet removendi operarii predicti et due partes eorum provideant de successore.
NOTE: 1 Segue depennato "a".
2 Segue depennato "in".
3 Segue depennato "magistrum".
4 Segue depennato "et".
5 Segue depennato "far-".
6 Segue depennato "de quibus et prout et sicut".
7 Segue depennato "Oper-".
8 Parola corretta su "duobus".
9 Segue piccola depennatura.
10 Segue depennato "primi" aggiunto nell'interlinea con richiamo nel testo.
11 Desinenza corretta da "deficientibus".
12 Segue depennato "primo".
13 Spazio bianco per il patronimico.
14 Spazio bianco per il patronimico.
15 Parola corretta da "sueu" con prima "-u-" depennata.
stairBIBLIOGRAFIA: stairGuasti 1857, n. 71.
Trascrizione: gb
II. Analisi del documento
Indici
stairNOMI E QUALIFICHE:  - stairconsoli dell'Arte della Lana
 - stairufficiali della cupola maggiore
 - stairmaestri
stairFilippo di ser Brunellesco  - stairprovveditore della cupola
stairLorenzo di Bartoluccio  - stairprovveditore della cupola
stairBattista d'Antonio  - stairvice capomaestro provveditore della cupola
 - staircamarlingo
stairGiuliano d'Arrigo stairPesello  - stairpittore provveditore della cupola sostituto
stairGiovanni di Gherardo da stairPrato, messer   - stairprovveditore della cupola sostituto
stairRicco di Giovanni  - stairmaestro
stairTuccio di Giovanni da stairSiena  - stairmaestro
stairFilippo di Giovanni  - stairmaestro
stairNiccolò di Benozzo  - stairmaestro
stairBerto di Bartolomeo  - stairmaestro
stairGeri d'Antonio stairCiofi  - stairmaestro
stairBiagio  - stairmaestro che lavora con Francesco Della Luna
stairFrancesco stairDella Luna
stairGherardo stairBelacqua  - stairmaestro
 - stairoperai
stairLUOGHI: stairFirenze
stairFirenze, palazzo dell'Arte della Lana
stairISTITUZIONI: stairArte della Lana
Ricerca guidata
stairPERSONALE:
stairincarichi - interni
GRUPPO -
GRUPPO -
stairincarichi - maestranze
GRUPPO -
staircompensi - interni
GRUPPO -
GRUPPO -
stairBattista d'Antonio, vice capomaestro provveditore della cupola - salario e provvisione
stairaltre menz. - interni
stairBattista d'Antonio, vice capomaestro provveditore della cupola - conferma di salario e provvisione
stairDESTINAZIONI:
stairDuomo - cupola/tamburo
cupola maggiore
stairOGGETTI:
stairmodelli/disegni
modelli per la cupola
Analisi: ls
top of page left Codice right left Data right Ritorna guida Contatto home
© 2015 Opera di Santa Maria del Fiore