II 1 79: 6v: o0201079.006ve

DOCUMENTO:

o0201079.006ve

vedi immagine

I. Trascrizione testo e dati essenziali

DATA:

1421 luglio 16 (1)

REGESTO:

Allogagione per la custodia dei pegni con indicazioni riguardo al luogo dove tenerli, ai furti, alla vendita e ai diritti.

FONTE:

AOSMF

II 1 79

c. 6v-7

malleverie

TITOLO:

Locatio pignorum

TESTO:

Item intellecto qualiter necesse et utile est de novo custode pignorum que pro dicta Opera pignorantur //providere et intellecta postulatione et oblatione facta per Carolum infrascriptum de quantitate solvenda pro retentione et custodia predicta et nullo alio reperto melius et utilius offerente et recepta fide digna de moribus dicti Caroli deliberaverunt quod locetur dicta custodia ac etiam locaverunt Carolo Iohannis populi Sancte Lucie Omnium Sanctorum de Florentia presenti et conducenti custodiam pignorum pignorandorum ad istantiam dicte Opere et officii quibuscumque de causis in uno anno proxime futuro hodie initiando cum pactis, modis, condictionibus et tenoribus infrascriptis, videlicet:
Debent dicti operarii locum ydoneum in dicta Opera pro tenendo et mictendo ipsa pignora consignare.
Si furto perderentur dicta pignora in totum vel pro parte ob defectum loci non fortis vel ydonei, ipse Carolus ad emendationem dapni(2) minime teneatur, sed pro predicta causa conservetur totaliter a dicta Opera illesus; et utrum ob talem causam pignora deperdita fuerunt vel non, stetur et stari debeat declarationem officii operariorum pro tempore existentium.
Debent etiam dicti operarii et officium pignora pignoranda in fine quorumcumque sex mensium statim vendi et distrahi facere, sed cui vel quibus voluerint.(3)
Et e converso dictus Carolus teneatur et debeat in ipsa Opera et non in alio loco ipsa pignora et quodlibet eorum retinere et de consignando ea et debite restituendo et legalem(4) reddere rationem ydonee sadisdare per fideiussores approbandos per officium operariorum.
Possit autem et sibi liceat dicto Carolo pro custodia cuiuslibet pignoris a pignoratis vel super pignore quando venderetur soldos duos petere, percipere et habere et sibi sic concessum intelligatur.
Debeat autem exactoribus de eorum debito super pignoribus et sumptibus ipsorum pignorum ad eorum requisitionem integre satisfacere secundum taxationem fiendam per notarium dicte Opere prout moris est.
Et pro dicta custodia habenda et utilitate predicta percipienda dare et solvere teneatur dicte Opere et camerario Opere predicte pro ipsa Opera recipienti ipse Carolus in dicto anno suis propriis sumptibus et expensis libras viginti f.p.
Presente dicto Carolo et predictis omnibus consentiente, ratificante et approbante; qui Carolus promixit mihi notario infrascripto(5) pro dicta Opera et quorum interest vel posset interesse recipienti predicta omnia in omnibus et per omnia observare; pro quo Carolo et eius precibus et mandatis Giandonatus Cecchi Giandonati et Franciscus Tomasii Bartoli populi Sancte Lucie predicti et quilibet eorum in solidum et in totum fideiusserunt etc., promixerunt etc., obligaverunt etc., renunptiaverunt per guarentigiam etc.