 TESTO:
|
|
In Cristi nomine, amen. Nobiles, prudentes et discreti viri
|
|
Iacobus Francisci de Guasconibus
|
|
Bartolomeus Niccolai Taldi Valoris
|
|
Lapus Iohannis Niccolini
|
|
Pierus Iohannis Andree Nerii Lippi et
|
|
Filippus Octi de Sapitis
|
|
cives honorabiles florentini et tunc pro universitate Artis Lane civitatis florentine(1) et operarii Operis Sancte Marie del Fiore de Florentia, una cum Sandro Iohannis de Baroncellis eorum collega licet tunc absente,(2) insimul in dicto Opere Sancte Marie del Fiore et loco(3) eorum solite residentie pro ipsorum officio exercendo, more solito, collegialiter adunati, advertentes ad querelam coram eis factam per Mannum Menchi Potestarie Ripefratte et qui pro dicta Potestaria sive pro denariis quos dicta Potestaria Ripefratte solvere(4)restat(5) Operi prelibato(6) pro novis gabellis bonorum captus fuit et detemptus ad petitionem ipsorum operariorum et dicta de causa in carceribus Stincarum Communis Florentie stetit nonaginta quinque diebus, et quod licet ipsi operarii ter iam(7) scripserint Potestati ipsius loci et Potestarie Ripefratte quod cogere deberet certos homines(8) ipsius Potestarie(9) potentes, et inter alios quendam Antonium Catani qui fuit camerarius dicte Potestarie ad exigendum dictas novas gabellas et qui camerarius ut dicitur exegit et habet dictos denarios, ad comparendum coram ipsis operariis ad hoc ut darent modum solvendi dictos denarios, et quod(10) dictus Mannus relapsaretur, nullus tamen ipsorum venit vel saltim comparuit coram dictis operariis, et undecumque procedat ipse Mannus(11) non relapsetur et Operi non solvitur et dicte littere omnino fuerunt habite in contemptum et vilipendium vel saltim non fuerunt executioni misse prout debebant; et audito et clare percepto quod dictus Potestas semper cum vidit litteras dictorum operariorum statim(12) voluit ipsis litteris dare prontam et expeditam executionem, set illud facere non potuit quia ser Micael ser Nerii ser Marcovaldi notarius florentinus et tunc notarius officialis ipsius Potestatis non permisit, ymo semper taliter operatum fuit quod dicti homines vel aliquis eorum non veniret(13)et sic mandata ipsorum operariorum propter malam operationem dicti ser Micaelis officialis predicti executionem non habuerunt; et considerantes quod si ab omnibus sic negligerentur Operi, eis commiss(is)(14) perfectionem umquam dare non possent;(15) et volentes(16) sibi ser Micaeli et aliis quibuscumque inobbedientie materiam totaliter tollere, et ut ipse ser Micael de predictis non valeat gloriari, sed eius pena(17) aliis inobbedientibus et obbedire non promictentibus(18) traseat in exemplum, dictum ser Micaelem ser Nerii ser Marcovaldi notarium florentinum(19) in libris quinquaginta f.p. dandum et solvendum(20) camerariis Camere Communis Florentie pro ipso flor(entino) recipientibus in pecunia numerata(21) ad unum mensem(22) a die presentis late sententie, condempnationis et multe proxime(23) secuturum sub pena quarti pluri, cum hoc tamen salvo, excepto et declarato, quod si hinc ad per totam diem septimam presentis mensis(24) iunii dictus ser Micael comparuerit coram dictis operariis et eorum mandatis paruerit ad plenum, ita quod per ipsos operarios vel eorum officium declaratum fuerit ipsum paruisse eorum mandatis,(25) ipse ser Micael a presenti condempnatione et multa tunc et eo casu sit et esset intelligatur(26) liber et absolutus et possit et debeat per notarios actores Camere Communis Florentie et quemlibet eorum licite et impune a presenti condempnatione et multa super quibuscumque libris et registris dictorum operariorum et Communis Florentie penes eos in dicta Camera existentibus cancellari,(27) visa solum et dumtaxat //declaratione per ipsos operarios vel eorum officium fiendos publica scripta manu ipsorum et dicti Operis notarii et scribe et non alias vel alio modo, in hiis scriptis sententialiter multaverunt(28) et condempnaverunt.(29) Latum etc.(30) per dictos operarios ut supra pro tribunali sedentes in dicto Opere et loco eorum solite residentie, cui(31) Operi ab uno latere est dicta ecclesia Sancte Marie del Fiore de Florentia, ab aliis lateribus sunt vie publice, dicta die secunda mensis iunii 1418, indictione XI, presentibus Corso Bartolomei et Iacobo Ugolini nuntiis dicti Operis(32) testibus etc.
|
|
