space Studies
italian
english
space Fonti Date Indici Soggetti1 Soggetti2 Reference Testi
DOCUMENTO: o0201076.026avedi immagine  
I. Trascrizione testo e dati essenziali
stairDATA: stair1419 ottobre 24
stairREGESTO: stairTermine di pagamento al Comune di Pisa per debito di grazie con obbligo di pagare al ragioniere la percentuale.
FONTE:
AOSMF stairII 1 76 stairc. 26-27 a deliberazioni
stairTESTO:
    In Christi(1) nomine amen. Anno ab eiusdem(2) salutifera incarnatione millesimo quadringentesimo decimo nono secundum cursum florentinum, indictione tredecima die vero vigesima quarta mensis octobris.
    Prudentes et discreti viri operarii Operis Sancte Marie del Fiore maioris cathedralis ecclesie Florentie insimul in dicto Opere et loco eorum solite residentie pro dicto eorum officio exercendo in numero sufficienti more solito collegialiter adunati advertentes ad quamplures et plures gratias, tassationes et compositiones dudum per opportuna consilia Populi et Communis Florentie factas Communi civitatis Pisarum comitatus Florentie et per ipsum Commune civitatis Pisarum ab ipso Communi Florentie et vigore privilegii et beneficii per ipsum Commune Florentie et vigore consiliorum, Populi et Communis Florentie receptis de factionibus et muneribus tam debitis quam debendis per ipsum Commune civitatis Pisarum ipsi Communi Florentie; et considerantes quod dictum Commune civitatis Pisarum pro dictis gratiis sic a Communi Florentie receptis est et de tempore in tempus erit debitor dicti Operis pro denariis sex pro qualibet libra totius quantitatis quam solvere deberet et seu debuisset dictum Commune civitatis Pisarum ipsi Communi Florentie si ipsam et seu ipsas gratias non recepisset et seu non fecisset in maxima florenorum auri et pecunie quantitate; et auditis pluribus et pluribus oratoribus, procuratoribus et sindicis dicti Communis civitatis Pisarum et maxime ultimo loco auditis Leopardo alterius ser Leopardi de Vecchiano et Pazino Pieri Balbi sindicis et procuratoribus substitutis dicti Communis civitatis Pisarum, ut de eorum substitutione publice constat manu ser Antonii condam ser Nochi notarii de Lavaiano pisani civis sub die quinto mensis octobris anno millesimo quadringentesimo vigesimo more pisanorum indictione tertia decima, et de principali mandato, cuius vigore dicta substitutio emanavit, constat manu dicti ser Antonii notarii ut coadiutoris providi viri ser Laurentii Francisci Andree notarii florentini et notarii tunc Priorum dicti Communis Pisarum et ipsius Communis sub die vigesima secunda martii anno millesimo quadringentesimo decimo nono more pisanorum indictione duodecima, dicentibus et qui oratores ultra multa alia super predictis per eos coram ipsis operariis alias allegata pro parte et in favorem dicti Communis Pisarum duo, videlicet unum, quod iniuxtum eis videtur solvere denarios sex pro qualibet libra totius quantitatis debite, videlicet etiam eius quantitatis que Communi Florentie solvitur; et quod si debetur vigore statutorum Communis Florentie, quod ipsi non credunt sic fuisse statuentis intentionem, sed solum quod debeantur de quantitate remissa dicti sex denarii pro qualibet libra, aliud quod dato quod deberentur de tota summa de rigore iuris et dicti statuti, quod non tamen credunt, ipsi intendunt recurrere ad illum vivum fontem misericordie qui nichil unquam humiliter et honeste(3) petentibus denegavit, videlicet ad magnificos et potentes dominos dominos Priores artium et Vexillifer iustitie Populi et Communis Florentie etc. et ab eis super predictis gratiam aliquam postulare quam sperant indubie eorum considerata misericordia reportare. Et considerantes dicti operarii quod ad dictam dominationem recurrere non potest nec debet per aliquod officium Communis Florentie alicui denegari et sic ipsis sindicis, licet non darent dicti operarii licentiam expressam, dicti recursus tamen nullo modo eis negaverunt, set considerantes quod iam diu dictum Commune Pisarum //(c. 26v) fecit dictum recursum ad dictam dominationem et, licet nondum fuerit obtentum, tamen vigore ipsius recursus et dicto recursu obstante(4) de dicto debito, licet de magna parte fuerint termini iam diu elapsi, dictum Commune Pisarum adhuc nichil solvit dicto Operi pro predictis. Et volentes dicti operarii predicta taliter terminare quod liceat dicto Communi Pisarum ad dictam dominationem recurrere, et nichilhominus quod de tempore in tempus prout denarios eget Opus suprascriptam certam quantitatem dicte summe recipiat a Communi Pisarum suprascripto, credentes indubie et se certos reddentes quod, dato quod gratia aliqua per dictum Commune Pisarum a dictis Dominis super predictis reportetur, non(5) tamen in totum cassabitur debitum suprascriptum, ymo certessime remanebit debitor Commune(6) Pisarum suprascriptum dicti Operis in non modica quantitate, licet nesciant ad presens in quanta, omni modo etc. providerunt, deliberaverunt et ordinaverunt quod dictum Commune Pisarum et seu alius quicumque pro eo possit ac etiam teneatur et debeat quolibet suo prioratu et tempore cuiuslibet sui prioratus, videlicet quibuslibet duobus mensibus de mensibus proxime futuris initiandis de mensibus novembris et decembris proxime futuris et postea sequendo subcessive de duobus mensibus in duos menses, dare, solvere ac tradere camerario dicti Operis tam presenti quam qui pro tempore fuerit saltim in fine quorumlibet dictorum duorum mensium et cuiuslibet dicti bimensis florenos centum viginti auri conii Communis Florentie usque ad integram solutionem et satisfactionem et consumationem totius debiti per dictos operarios a dicto Communi Pisarum ut supra dicitur petiti. Et quod dictus camerarius tam presens quam futurus teneatur et debeat ponere et scribere super quaterno quem tenet et seu tenebit pro dicto et in dicto suo officio camerariatus dictum Commune Pisarum creditorem et recipere debere a dicto Opere omnem quantitatem pecunie et florenorum auri quam sic receperit, nec aliter ad introitum mictere nisi solum si et quando tantum esset dictum creditum quantum est et seu erit debitum suprascriptum, ita quod quantum debitum et creditum erunt equalia tunc camerarius et notarius teneantur et debeant ipsum creditum, videlicet ipsam quantitatem de qua appareret ipsum Commune Pisarum sic creditorem mictere ad introitum pro Opere; et notarius etiam teneatur tunc cancellare dictum debitum vigore dicti crediti et introitus dicti crediti etc.
    Et si contingeret aliquando antequam dictum creditum esset equale cum dicto debito et antequam ut supra dicitur dictum creditum dicti Communis Pisarum micteretur ad introitum, ipsum Commune Pisarum a dictis dominis et Communi Florentie super predictis gratiam aliquam recipere vel habere, quod tunc et eo casu et habita dicta gratia omne id quod tunc reperitur dictum Commune Pisarum vel alius pro eo sic dedisse et tradidisse dicto camerario dicti Operis uni vel pluribus ponatur et mictatur per dictos camerarium et notarium pro tempore existentes ad introitum dicti Operis pro parte eius quod habita dicta gratia solvere deberet dicto Operi seu eius quod deliberaretur per dicta consilia Populi et Communis Florentie ipsum Commune Pisarum ipsi Operi pro predictis //(c. 27) et notarius registrare penes partitam dicti debiti illam partem que sic ad introitum miserit, et ab inde supra dictum debitum quod restaret solvi debeat per dictum Commune Pisarum dicto Operi prout et quemadmodum et sicut per dicta consilia deliberabitur; et non facta declaratione aliqua per dicta consilia de modo et tempore dicte solutionis, solvi debeat prout deliberabitur per operarios dicti Operis qui pro tempore fuerint et eorum officium.
    Et hec presentibus et predictis omnibus et singulis consentientibus et ea omnia et singula sic fieri volentibus et petentibus dicti Leopardo et Pazino sindicis suprascriptis et dicto sindicario nomine promictentibus dictum Commune Pisarum suprascripta(7) omnia et singula bene et bona fide observare et effectui demandare in omnibus et per omnia et prout et sicut supra continetur et per suprascripta vel aliquod eorum dictum Commune Pisarum obligatum est, renuntiantes etc. obligantes pro observantia omnium suprascriptorum et cuiuslibet eorum dictum Commune Pisarum et eius bona etc.
    Item modo et forma predictis deliberaverunt etc. operarii suprascripti(8) quod dictum Commune Pisarum det et solvat Antonio Tommasi Mazetti rationerio dicti Operis qui partem dicti debiti invenit ad rationem(9) soldorum duorum pro qualibet libra sibi pro sua rata debitorum a dicto Communi Pisarum pro dicta summa debiti quod invenit hiis terminis, videlicet quolibet prioratu dicti Communis Pisarum initiando de mensibus novembris et decembris proxime futuris ut supra florenos decem auri usque ad integram satisfactionem totius eius quod sibi solvere debet secundum ordinamenta dictorum operariorum; et deficiente in altera(10) solutionum suprascriptarum aliquo dictorum terminorum quod dictus Antonius rationerius possit sibique liceat gravari facere dictum Commune pro tota summa quam tunc restaret habere etc.
NOTE: 1 In margine: "Ista deliberatio cadit retro in isto a c. 23".
2 Segue depennato "salus".
3 Corretto nell'interlinea su "hiuxte" depennato.
4 Segue parola illeggibile su macchia d'inchiostro, forse "vero".
5 Segue parola illeggibile su macchia d'inchiostro.
6 Segue depennato "suprascriptum".
7 Corretto su "predicta".
8 Segue depennato "quod" con segno di abbreviazione depennato.
9 Segue depennato "s-".
10 Segue depennato "solutionum" corretto su "solutionem".
stairRAPPORTI: stairUn riferimento ad una postilla di questo si trova nello stesso bastardello: stairO0201076.022vd.
Trascrizione: gb
II. Analisi del documento
Indici
stairNOMI E QUALIFICHE:  - stairoratori di Pisa
 - stairprocuratori di Pisa
 - stairsindaci di Pisa
stairLeopardo di ser Leopardo da stairVecchiano  - stairsindaco sostituto di Pisa
stairPazzino di Piero stairBalbi  - stairsindaco sostituto di Pisa
stairAntonio di ser Nocchio da stairLavaiano, ser   - stairnotaio
stairLorenzo di Francesco d'Andrea, ser   - stairnotaio dei Priori del Comune di Pisa
 - staircamarlingo
 - stairnotaio dell'Opera
stairAntonio di Tommaso stairMazzetti  - stairragioniere
 - stairPriori delle arti
 - stairGonfaloniere di giustizia
stairLUOGHI: stairPisa
stairFirenze, contado
stairISTITUZIONI: stairComune di Firenze
stairComune di Pisa
stairconsigli del Popolo e del Comune di Firenze
stairPriori delle arti e Gonfaloniere di giustizia
Ricerca guidata
stairFINANZE:
stairgrazie
stairPERSONALE:
staircompensi - occasionali
stairAntonio di Tommaso stairMazzetti, ragioniere - diritti di 2 soldi per lira
Riferimenti
stairDOCUMENTARI: stairQuaderno del camarlingo
Analisi: gb
top of page left Codice right left Data right Ritorna guida Contatto home
© 2015 Opera di Santa Maria del Fiore