II 1 77: 17v: o0201077.017vb

DOCUMENTO:

o0201077.017vb

vedi immagine

I. Trascrizione testo e dati essenziali

DATA:

1419/20 febbraio 7

REGESTO:

Autorizzazione a debitori poveri e luoghi pii a pagare scontando il pagamento per prestanze da quello per gabella dei beni.

FONTE:

AOSMF

II 1 77

c. 17v-18

deliberazioni

TITOLO:

Solvant gabellam sine pena

TESTO:

Item intellecto qualiter quamplures sunt dicti officii et Opere debitores pro novis(1) gabellis bonorum et aliis occasione predicta emergentibus et secundum ordinamenta sunt in certam penam incursi, quia intra tempora debita non solverunt et tamen fuit hactenus consuetum non obstante cursum temporis absque pena veram sortem a solventibus recipere et admictere; et quod quare(2) solventes sunt pauperrime p(erson)e et pia loca et volentes in predictis cum discretione procedere, habito respectu maxime ad observantiam preteriti providerunt et deliberaverunt quod omnes et singuli debitores ipsius Opere occasione ipsarum novarum gabellarum possint et debeant dicte Opere solvere veram sortem sine pena et sic recipi et ad introytum poni possit et debeat per camerarium dicte Opere presentem et futurum et per eum et me notarium infrascriptum(3) ad introytum poni et registrari in quibuscumque libris et registris opo(rtun)i(s) penes dictam Operam existentibus licite et inpune.
//
Et quod omnes et singuli alii debitores dicte Opere aliis quibuscumque de causis qui in aliquam penam incursi forent pro eo quod infra debita tempora non solvissent seu non solverent, si volunt solvere cum penis sic recipiatur ab eis; si autem sine pena solvere vellent non admictatur solummodo absque deliberatione operariorum Opere predictorum et sic per camerarium et notarium dicte Opere possit et debeat effectualiter observari, et illi qui solverunt prestantias scomputetur gabella bonorum primo soluta et etiam postea; et sic recipiatur et actetur licite et inpune.