|
Item dictis anno et indictione et die quinto mensis aprilis. Actum in audientia operariorum Opere prelibate, presentibus Massaiozo Gilii Gilii cive et capsore florentino et Batista Antonii magistro caputmagistro dicte Opere testibus ad infrascripta vocatis et habitis. Nobiles et prudentes viri
|
|
Iohannes Gianozi de Vettoriis
|
|
Bernardus Vannis de Vecchiettis
|
|
Franciscus Taddei Giani Gherardini
|
|
Iohannes Ghezi della Casa et
|
|
Filippus Andree de Salviatis
|
|
cives honorabiles florentini operarii Opere(1) Sancte Marie del Fiore civitatis Florentie invicem in loco eorum audientie more solito pro eorum officio exercendo in sufficienti numero congregati, absente tamen Pagnozo de Ridolfis eorum collega, servatis tamen primo solepnitatibus opportunis secundum ordinamenta omni modo etc. locaverunt et concesserunt
|
|
Meo Cecchini
|
|
Dominico Giusti et
|
|
Francisco Marci
|
|
scarpellatoribus de Settignano comitatus Florentie presentibus et conducentibus pro se et eorum heredibus et sociis ad fodiendum, cavandum et incidendum ...(2) lapides de macigno seu macignos pro cupola maiori dicte ecclesie in podio Vincigliate et loco dicto Trassinaia de infrascriptis mensura, qualitate et forma et cum infrascriptis pactis et infrascriptis pretiis, videlicet:
|
|
Debent namque dicti conductores dictos macignos fodere, incidere, gubernare, subiare a la grossa et bene quadrare et ipsos macignos reducere ad mensuram bracchiorum quattuor longitudinis et latitudinis a qualibet facie(3) 3/4 bracchii et facere eos de galazone vel de falda grossa seu falda gentile et pro sexta parte ipsos facere possint de lapideo masso, et ipsos conducere et seu conduci //facere ad ipsam Operam et in ipsa Opera eorum sumptibus et expensis in terminis et temporibus infrascriptis, videlicet quolibet mense ex proxime futuris hodie initiandis numerum viginti quinque ad minus, usque ad integram satisfactionem suprascripte quantitatis et seu quantitatis sexcentorum,(4) computando in ipsis 600 settuaginta iam factis et seu pro parte ad ipsam iam conductis; et si in aliquo mense defecerint facere et conducere dictam quantitatem XX quinque dicte Opere et ad utilitatem dicte Opere solvere et in manibus(5) camerarii dicte Opere pro ipsa Opera recipientis libras centum f.p.
|
|
Et si contingerit ipsos mori conductores vel aliquem fortuitum casum contingere, qua propter dictam conductam adimplere non possent, de quo stetur et stari debeat declarationi operariorum pro tempore existentium, facta declaratione predicta a dicta pena et a parte conducte propter dictos casus vel aliquem eorum non servate(6) sint liberi et totaliter excusati.
|
|
Et e converso debent dicti operarii et Opera de pecunia dicte Opere ipsis conductoribus dare et solvere et seu dari et solvi facere pro pretio et nomine pretii dictorum lapidum et seu macignorum soldos quadraginta quinque et ad rationem soldorum XLV pro quolibet bracchio integre et sine ulla diminutione ipsis macignis, ut supra dictum est, in dicta Opera conductis.
|
|
Et si contingerit ipsos conductores fodere et gubernare aliquos macignos de maneribus predictis, vel aliqua earum et ultra quantitates predictas de minori mensura, quam sint supra nominati et ipsos conducere velle dicte Opere satisfieri debeat eisdem pro eorum pretio secundum discretionem operariorum pro tempore existentium, si dictis operariis videbitur ipsos recipere velle, quod quidem in eorum voluntate consistat.
|
|
Et debent ipsi operarii et Opera ut supra ipsis conductoribus mutuare florenos quinqueginta auri quos excomputare debeant et possint ipsi conductores in ultima quantitate eis debenda pro ipsis macignis conducendis.
|
|
Et debent ut supra ipsis conductoribus comodare libras centum coniorum de ferro et libras XXV di biette quos rehabere debeat ipsa Opera postquam dicti conductores ipsos fuerint operati et non primo si ipsis conductoribus non videretur.
|
|
Ac etiam cogere debent ipsi operarii et Opera et seu cogi facere quoscumque carradores ad conducendum ad ipsam Operam dictos lapides et macignos conducendos non excedendo tamen qualibet carrata pretium librarum quattuor f.p., et propterea pro observantia premissorum dicti conductores debeant ydonee satisdare per fideiussorem approbandum pro provisore dicti officii.
|
|
Que omnia promixit una pars alteri et e converso solepni stipulatione hinc inde intervenientibus actendere, observare et adimplere et contra non facere vel venire per se vel alium in iudicio vel extra, de iure vel de facto, obligantes predicti operarii predictis conductoribus ut supra recipientibus dictam Operam et eius bona presentia et futura et predicti conductores dictis operariis pro dicta Opera recipientibus se et(7) quemlibet eorum et eorum et cuiuslibet eorum heredes et bona omnia et singula presentia et futura, renumptiantes etc. per guarentigiam etc.
|
