II 1 79: 12v: o0201079.012va

DOCUMENTO:

o0201079.012va

vedi immagine

I. Trascrizione testo e dati essenziali

DATA:

1421 agosto 16

REGESTO:

Assegnazione di parte dell'abitazione del Papa in Santa Maria Novella al generale dell'ordine di San Domenico con patti per restituzione.

FONTE:

AOSMF

II 1 79

c. 12v-13v

deliberazioni
dei consoli e degli operai

TITOLO:

Magistri Lionardi

TESTO:

Operarii Opere prelibati invicem in(1) palatio dominorum consulum et universitatis Artis Lane in audentia parva in numero otto collegialiter congregati. Item postulatione eis facta pro parte venerabilis patris et sacre pagine magistri Leonardi Stasii fratrum ordinis Sancti Domenici generalis continente partem infrascriptam domus et habitationis facte in loco fratrum predictorum pro Communi Florentie sibi pro eius habitatione concedi et habito super predictis invicem et etiam prout asseruerunt una cum dominis consulibus Artis Lane civitatis predicte colloquio et consilio et cum eis pratica retenta et ipso etiam magistro Leonardo per duos ex ipsis operariis verbotenus audito et cum eo pratica retenta, et considerantes eius postulationem Communis Florentie vel dicte Artis et officii operariorum in nullum cedere honoris vel preheminentie detrimentum, volentes ipsius domini generalis postulationibus tamquam benemerito de speciali gratia complacere, premisso et facto inter eos solepni et secreto scruptinio ad fabas nigras et albas et obtento partito secundum ordinamenta providerunt atque deliberaverunt quod dicto magistro Leonardo domino generali predicto dumtaxat concedatur //(c. 13) et assignetur et sic eidem concesserunt et assignaverunt de habitatione in dicto conventu et loco fratrum predictorum facta pro sanctissimo domino summo Pontifice infrascripta pars, videlicet sala vetus dicte habitationis cum duabus cameris parvis super ea existentibus cum scalis, introytu et exitu existentibus a parte anteriori dicte sale, videlicet iuxta viam que dicitur della Scala; in qua parte habitationis predicte ipse magister Leonardus dominus generalis predictus stare et habitare et moram trahere possit et sibi liceat cum omni eius comitiva pro suo libito voluntatis et inde discedere et redire pro suo libito voluntatis predicto; et ipsas duas cameras parvas destruere et destrui facere et de eis unam costruere et construi facere et fieri possit et sibi liceat pro libito voluntatis sue, suis tamen propriis sumptibus et expensis.
Eo tamen excepto quod nullam aliam(2) partem habitationis predicte pro dicto summo Pontifice facte in dicto loco apprehendere vel habitare seu tenere possit nec sibi per premissa intelligantur concessa quam sit superius expressum, nisi primo obtenta licentia dominorum consulum et officii operariorum predictorum pro tempore existentium.
Hoc(3) tamen expresse reservato quod nullum signum vel arma Communis Florentie vel dicte Artis Lane de dicto loco possit vel debeat removere nec aliud vel alia modo aliquo ponere vel addere, sed arma et signa in dicto loco ad presens existentia totaliter conservare. Si autem super infermeria vel alio loco dicti conventus hedificare, construere vel actare vellit, id faciat pro libito voluntatis sue, non dapnificando in totum pro aliqua parte habitationem pro dicto domino Papa factam.
Eo quoque addito expresso et declarato quod quotienscumque Commune Florentie et seu dominium ipsius Communis vellet aliquem dominum vel baronem vel alium in dicta habitatione seu parte dicto domino generali concessa, et tam postquam dictas cameras de novo actaverit propriis sumptibus, prout supra dicitur, quam ante, mictere vel sibi pro habitatione consignare, teneatur et debeat ipse dominus generalis de dicta habitatione discedere et quo voluerit habitare extra dictam habitationem pro dicto summo Pontifice factam donec et quousque ipse dominus vel alius in ipsa parte habitaverit vel steterit.
Hoc etiam super addito et intellecto quod ipse magister Leonardus dominus generalis predictus teneatur et debeat ad omnem requisitionem et voluntatem Artis Lane predicte et dominorum consulum dicte Artis de dicta habitatione sibi concessa discedere et quo voluerit pergere et ipsam habitationem prout nunc est liberam dicte Arti et universitati et officio operariorum totaliter derelinquere vacuam et expeditam relapsare, etiam postquam in ea hedificaverit vel construi fecerit quod et prout supra sibi conceditur; //(c. 13v) et claves dicte habitationis officio operariorum dicte Opere pro tempore existentium reddere et restituere. Et quod quando contingerit ipsum magistrum Leonardum dominum generalem predictum pro eius negotiis vel alia quacumque de causa velle de civitate Florentie discedere et ad alia loca pergere vel accedere, teneatur et debeat dictas claves dicte habitationis dicto officio operariorum totaliter relinquere, restituere et relapsare.
Et quod per predicta vel aliquod eorum nullum ius queratur in habitatione predicta vel eius parte dicto domino generali vel alicui eius successori vel dictis fratribus vel conventu quoquo modo. Et quod de predictis manu notarii dicte Opere publica conficiant scriptura, promissio et obligatio recipiatur a dicto domino generale.
Qui dominus generalis die XX dicti mensis constitutus in presentia mei notarii infrascripti in loco fratrum predictorum et audito tenore dicte deliberationis et de contentis in ea plenarie informatus promixit mihi Dino notario infrascripto pro dicta Arte Lane et dominis consulibus et operariis predictis recipienti in omnibus et per omnia secundum formam et tenorem dicte deliberationis et contentorum in eo obligavit etc. renuntiavit etc.