II 1 79: 52v: o0201079.052vb

DOCUMENTO:

o0201079.052vb

vedi immagine

I. Trascrizione testo e dati essenziali

DATA:

1421 dicembre 23

REGESTO:

Termine di pagamento per resto di gabelle in parte cassate per povertà al Comune di Cortona e lettera ai Priori della città di Cortona per esazione del debito.

FONTE:

AOSMF

II 1 79

c. 52v-53

deliberazioni

TITOLO:

Cortone

TESTO:

Item(1) intellecto, viso atque cognito qualiter Commune civitatis Cortone restat debitor Opere prelibate in florenis centum auri pro gabella bonorum inmobilium et seu etiam pro gabella macinati in florenis auri centum, ut costat in registro tertio dicte gabelle bonorum comitatus carta 133, licet ibidem appareat deliberatio facta continens quod ipsum Commune a dicta quantitate liber intelligatur et absolutum, quod quidem preter formam ordinamentorum undecumque processerit et processisse videtur; et cognito etiam qualiter gabella macinati seu delle bocche imposita fuit comitatinis pro tribus annis tunc initiandis de mense maii anni MCCCCXII et ut sequebatur finiendis, pro qua gabella ipsum Commune Cortonii descriptum fuit debitor dicti Communis Florentie pro quolibet anno in libris(2) III^M CCCXII soldis VIIII, reducta postea ad libras III^M CCXXXVI soldos III;(3) et qualiter ipsa gabella macinati fuit postea de anno MCCCC(4) et mense iulii dicti anni per opportuna consilia Populi et Communis Florentie pro anno secundo et tertio remota, cassa et anullata(5) solum et dumtaxat illis(6) comitatinis qui subeunt et supportant extimum ordinarium comitatus Florentie incameratum in camera Communis Florentie et non aliis comitatinis ullo modo; et(7) qualiter ipsum Commune Cortonii prout pro eius parte fuit dictis operariis pluries enarratum non comprehenditur in gratia absolutionis dicte gabelle macinati, quia extimum ordinarium dicti comitatus non subportat(8) prout superius enarratur; et qualiter prout fuit assertum ipsum Commune confixum tam in gratia dicte reformationis(9) et altera reformatione comprehendi quam etiam in quadam deliberatione facta per quosdam officiales, de qua constat manu ser Laurentii Pauli tunc notarii dictorum officialium in favorem dicti Communis continente et contra formam et effectum(10) ordinamentorum dictarum gabellarum totaliter disponente, ipsam quantitatem Communi Florentie non solverunt; et qualiter postea(11) quantitates restantes solvi fuerunt dicte Opere per auctoritatem habentes concesse et attribute, et per consequens exactio dicti debiti ipsorum officio pertinet et expectat; et qualiter ipsi(12) Communi coram ipsis operariis(13) et etiam eorum in officio precessoribus pluries citato ad solvendum(14) allegante non teneri(15) rationibus(16) et causis superius nominatas,(17) quibus omnibus auditis, intellectis et examinatis et omnibus bene discussis atque cognitis; et finaliter intellecta(18) paupertate hominum et personarum dicte civitatis et comitatus Cortonii(19) et qualiter ipsum Commune Cortonii seu eius homines et etiam dicti sui comitatus ad presens in maiori sunt paupertate constituti quam tempore quo dicte quantitates solvi debebant, et quod huiusmodi gravedo quare inoppinate dicto Communi supervenit rationibus et causis superius allegatis; et habita super(20) predictis et infrascriptis deliberatione solepni et super hiis retenta pratica cum Niccolao Angeli magistri Vannis cive cortoniensi et sindico et procuratore comunitatis predicte, volentes quod dicte //Opere de quantitate predicta integre satisfiat, sed cum quam habiliori modo fieri potest, premisso et facto inter eos solepni et secreto scruptinio et obtento partito ad fabas nigras et albas secundum ordinamenta Opere prelibate, providerunt, ordinaverunt atque deliberaverunt quod dictum Commune Cortonii cum eius comitatu possit, teneatur et debeat dictam quantitatem debitam pro resto primi anni dictarum gabellarum et quantitatem debitam pro integra solutione vere sortis dicte gabelle macinati secundi e tertii anni que est librarum sex milium quadrigentorum settuaginta duorum soldorum sex f.p.(21) dare et solvere dicte Opere in terminis et temporibus infrascriptis, videlicet florenos auri settuaginta hinc ad per totum mensem ianuarii proxime futuri, et a dicto mense ianuarii ad per totum mensem ianuarii tunc proxime futuri anni MCCCCXX secundi alios florenos settuaginta auri, et sic successive quolibet anno de mense ianuarii florenos auri settuaginta usque ad integram solutionem totius dicte quantitatis restantis pro primo anno et integre solutionis(22) quantitatis dictorum secundi et tertii annorum; et sic observando ulterius non gravetur.
Eo tamen expresse apposito et intellecto quod in quocumque termino defecerit aliquam ex dictis solutionibus, gravari possit pro integra quantitate restante, et intelligatur terminus ut supra dicitur ad solvendum adsignatus totaliter revocatus.
Eo etiam addito quod pro dictis primis florenis LXX solvendis per totum mensem ianuarii proxime futuri ipsum Commune teneatur et debeat ydonee satisdare et aliter terminus predictus minime intelligatur assignatus; et ad sic solvendum(23) in terminis et pagis et modis predictis ipsi Communi Cortone terminum statuerunt.
Presente Niccolao Angeli magistri Vannis cive cortoniense predicto ac etiam sindico et procuratore dicti Communis Cortonii ad quedam faciendum et maxime ad infrascripta, ut constare vidi(24) manu ser Tomasii Iohannis Stefani civis florentini, cancellarii dicti Communis Cortonii rogati sub die XIII mensis decembris presentis; et dicto sindicario et procuratorio nomine dicti Communis predicte deliberationi et terminis et omnibus et singulis sumptibus sponte consentiente et de speciali gratia fieri petente(25) et affirmante et presentibus Filippozo Giovenchi de Bastariis, Piero Iohannis Giuntini magistro populi Sancti Petri Maioris de Florentia et Corso Bartholomey populi Sancti Frediani nuntio dicte Opere civibus florentinis testibus ad predicta vocatis et habitis.
Et deliberaverunt etiam dicti operarii(26) quod pro eorum parte scribatur lictera Prioribus civitatis Cortonii predicte continens quod in dicto Communi et civitate inponant et exigi faciant quantitatem supradictam sub modo et forma quibus(27) et prout fuit a principio inpositionis deliberatum et impositum. Supradicta quantitas librarum sex milium quingentarum reducta ad libras sex milia quadrigentas propria manu actavi et scripsi quia per errorem in maiori quantitate scripseram dictum Commune debitorem.