|
Item, absentibus tamen Luca Manetti de Filicaria et Loysio Alexandri ser Lamberti eorum collegis, intellecto qualiter tempore quo imposite fuerunt nove gabelle inter alias fuit imposita gabella que dicta fuit delle bocche sive del macinato, qua una cum aliis fuit imposita pro tempore trium annorum de mense ...(1) anni MCCCCXIII initiatorum, et pro dicta gabella fuit imposita pro quolibet anno ipsorum trium annorum infrascriptis communibus de Potestaria Plebis Sancti Stefani medietas quantitatis ad pedem cuiuslibet eorum descripte, videlicet:
|
|
Communi Plebis Sancti Stefani librarum trecentarum duodecim soldorum sex
|
|
Comuni Mignani librarum viginti sex soldorum duorum
|
|
Communi val Savignonis librarum decem novem soldorum sedecim
|
|
Communi Carignonis librarum quattuordecim soldorum otto
|
|
Communi Branciolini librarum triginta quinque(2) soldorum duorum
|
|
Communi Ruoti librarum centum decem settem soldorum quattuordedim
|
|
Communi Collis Lungi librarum ottuaginta quattuor soldorum duodecim
|
|
Communi Baldignani et Sigliani librarum ducentarum triginta quinque soldorum sedecim
|
|
Communi Sintigliani librarum settuaginta settem soldorum otto f.p.
|
|
Communi della Rocca librarum settuaginta quinque soldorum duodecim
|
|
Communi Bulciani et Bulcianelli librarum viginti settem soldorum decem otto
|
|
Communi Lantignani librarum sedecim soldorum quattuor f.p.
|
|
Communi Castellaris librarum viginti tres(3) soldorum otto
|
|
Que omnes quantitates ad unam reducte in duobus annis faciunt summam librarum mille sessaginta sex soldorum sex f.p., et qualiter ipse quantitates restantes fuerunt postea per auctoritatem habentes dicte Opere concesse et attribute, et qualiter ipsa communia undecumque processerit solvere restarent dictas quantitates pro secundo et tertio annis; et intellectis Sante Iohannis de dicto Communi Plebis et Sante Nucci de Ruoti ambobus de dicta Potestaria et pro tota ipsa Potestaria pro solutione ipsius quantitatis comparentibus asserentibus ipsa communia et quodlibet eorum fore in tali egestate constituta quod absque longo termino ad solutionem ipsius quantitatis devenire non possent, ymo totaliter eis impossibile redderetur, et finaliter ipsa communia recomendantibus asserentibus se a dicta Potestaria commissionem habere paciscendi, promictendi et obligandi(4) terminum petendi et recipiendi prout et quemadmodum ipsis(5) operariis videbitur convenire; et volentes circa predicta prout utile fore(6) crediderunt maxime eorum impossibilitate providere, premisso et facto inter eos solepni et secreto scruptinio ad fabas nigras et albas et obtento partito secundum ordinamenta vigore auctoritatis et potestatis eisdem competentis et omni modo, via, iure et forma quibus melius potuerunt providerunt, ordinaverunt et deliberaverunt quod communia Potestarie predicte possint, teneantur et debeant ipsam quantitatem librarum mille LXVI soldorum sex dare et solvere dicte Opere et seu camerario ipsius Opere pro dicta Opera recipienti in sex annis proxime futuris et in sex pagis, videlicet quolibet anno primorum quinque libras ducentas f.p. et in anno sexto et ultimo residuum quantitatis suprascripte, faciendo solutionem primi anni in //kalendis mensis ottobris proxime futuri et sic quolibet anno ipsorum sex annorum successive solutio fiat de quantitate pro anno debita in kalendis ottobris cuiuslibet usque ad integram solutionem quantitatis suprascripte. Eo tamen expresse addito et intellecto quod in quocumque termino defecerit solutionem supradictam, intelligatur et sit benefitium et gratiam dicti termini pro residuo quantitatis debite revocata et gravari possit pro integra quantitate restante. Hoc etiam intellecto quod inobservantia unius vel plurium ipsorum communium in solutionibus faciendis aliis observantibus non noceant ullo modo; presentibus predictis Sante Iohannis et Sante Nucci et pro ipsis communibus et tota dicta Potestaria predicta omnia fieri potentibus intelligentibus atque sponte ratificantibus et approbantibus.
|
