II 1 81: 6v: o0201081.006vb

DOCUMENTO:

o0201081.006vb

vedi immagine

I. Trascrizione testo e dati essenziali

DATA:

1422 luglio 23

REGESTO:

Dichiarazione della commissione eletta per valutare forniture di quadroni non corrispondenti al modano e suo consiglio di deferire a maestri e fornaciai la quantificazione della tara dei prezzi.

FONTE:

AOSMF

II 1 81

c. 6v-7

deliberazioni

TITOLO:

Declaratio quadronum terre

TESTO:

Pagnozus Bartholomey de Ridolfis
Filippus Andree de Salviatis
Franciscus Taddey Giani Gherardini et
Iohannes Ghezi della Casa
cives honorabiles florentini invicem in audientia dictorum operariorum solepniter congregati volentes sibi commissa per officium operariorum supra die XVII presentis mensis in infrasciptis exequi et executioni mandare, examinatis atque discussis omnibus que poterant circa premissa una cum Filippo ser Brunelleschi et Batista Antonii caputmagistro dicte Opere presentibus et infrascriptis assentientibus et etiam prout dixerunt cum Laurentio Bartolucci aurifice tunc absente et per me notarium(1) audito, dixerunt et retulerunt mihi notario infrascripto se vidisse de quadronibus terre cocte in ipsam Operam iam a fornaciariis de quibus in commissione fit mentio conductis quamplures et plurium qualitatum et quantitatum ponderis et ipsos omnes visos vel aliquem eorum iudicant secundum eorum conscientias et videre non esse qualitatis et mensure debite et secundum modonum et mensuram eis demostratam tempore quo conductam fecerunt de eisdem cum operarii dicte Opere fuerunt; et dixerunt quod iudicant quemdam modonum ligni ad presens in ipsa Opera existentem et tunc in eorum presentia existentem esse rectum modonum et mensuram pro omni parte et versu secundum et prout esse debet secundum eorum intentionem et demostrationem tempore quo(2) fecerunt locationem de qua supra dicitur.
Et quod de minorando pretium dictorum quadronum dictis fornaciariis nicchil disponunt vel dicunt sed bene dixerunt quod habeantur magistri et fornaciarii per operarios et examinetur et iudicetur prout eis in predictis videbitur convenire; et quod non vident posse pretium dictorum quadronum declarare quia partim est ponderis librarum undecim et onciarum quinque, //partim librarum duodecim, partim XIII et partim usque in XIIII et quod, si fient quadrones longitudinis, altitudinis et latitudinis et pro omni parte prout est modonum ligni super allegatum, videbitur detrimentum Opere et iuste poterit arbitrari.