II 1 81: 7v: o0201081.007va

DOCUMENTO:

o0201081.007va

Citato in Studi:

Becattini, Selva

I. Trascrizione testo e dati essenziali

DATA:

1422 agosto 4

REGESTO:

Revoca della precedente delibera sul prezzo di vendita per il legname e nuovo provvedimento.

FONTE:

AOSMF

II 1 81

c. 7v

deliberazioni

TITOLO:

Lignamina non vendantur minori pretio solito

TESTO:

Operarii Opere supradicti invicem in loco eorum audientie numero sex more solito sufficienter congregati exequentes prout asseruerunt deliberationem dominorum consulum Artis Lane civitatis Florentie super infrascriptis factis premisso et facto inter eos solepni et secreto scruptinio ad fabas nigras et albas et obtento partito secundum ordinamenta deliberaverunt quod omnis deliberatio hactenus et usque in presentem diem facta per quodcumque officium operariorum dicte Opere(1) que contineret quod lignamina dicte Opere alicui venderentur pro minori pretio librarum quinque et soldorum decem f.p. pro traino ex nunc intelligantur(2) et sit totaliter revocata, cassa et anullata et in eo gradu et esse ac si numquam facta fuisset.
Providentes in super quod de cetero ullo umquam tempore nemini vendi possint dari vel tradi pro minori pretio quam sit hactenus ordinatum et consuetum et etiam ipso pretio primo soluto quam lignamina alicui consignentur.
Item quod quicumque hactenus emit, habuit vel recepit aliqua lignamina de silva et in silva Opere predicte absque pretio per eum soluto teneatur et debeat ipsi Opere et camerario dicte Opere pro ipsa Opera recipienti dare et solvere quantitatem debitam et consuetam, videlicet ad rationem soldorum viginti f.p. pro quolibet traino in ipsa Opera posito et ad sic solvendum possit et debeat realiter et personaliter conveniri.