II 1 86: 22v: o0201086.022va

DOCUMENTO:

o0201086.022va

I. Trascrizione testo e dati essenziali

DATA:

1425 giugno 12

REGESTO:

Ordine al provveditore di fare precetto ai debitori di prestanze per termine di pagamento e loro invio a specchio.

FONTE:

AOSMF

II 1 86

c. 22v

deliberazioni

TITOLO:

Quod assignetur terminus debitoribus Opere per totum presentem mensem

TESTO:

Nobiles ac prudentes viri
Simon Francisci ser Gini
Bartolus Nofrii de Bischaris
Tomasius Bartolomei de Barbadoris
Donatus Pieri de Vellutis
Andreas Raynaldi de Rondinellis
operarii Opere Sancte Marie del Fiore de Florentia existentes collegialiter congregati et cohadunati in loco eorum audientie pro factis dicte Opere utiliter peragendis, absente tamen Gualterio Iohannis de Biliottis eorum collega, dato, misso, facto et cellebrato inter eos solempni et secreto scruptineo ad fabas nigras et albas et obtento partito deliberaverunt, statuerunt ac ordinaverunt quod provisor Opere prefate(1) teneatur et debeat in scriptis fieri facere preceptum de solvendo omnibus et singulis debitoribus Opere prelibate omnes et singulas quantitates pecunie in quibus apparent et sunt descripti debitores dicte Opere per totum presentem mensem iunii,(2) et elapso dicto termino debeant gravari in here et persona; ac etiam quod notarius et provisor dicte Opere vadant et coram Dominis et collegiis exponant necessitatem Opere prefate et quod eisdem placeat providere quod dicti debitores Opere elapso termino per dictos operarios eisdem statuendos possint micti ad speculum, prout alii non solventes prestantias.