II 2 1: 66: o0202001.066d

DOCUMENTO:

o0202001.066d

vedi immagine

I. Trascrizione testo e dati essenziali

DATA:

1427 agosto 28

REGESTO:

Conferma di prezzi a maestri scalpellatori per certi lavori alla Lastra e variazione di prezzo per altri lavori, con modifiche alle misure.

FONTE:

AOSMF

II 2 1

c. 66-66v

deliberazioni

TITOLO:

Pretia laborerii seu concii castri Lastre

TESTO:

Nobiles ac prudentes viri
Vannozius Iohannis de Serragliis
Bartolomeus Iacoponis Gherardini
Andreas ser Landi Fortini et
Iohannes Lapi de Niccolinis
operarii Opere Sancte Marie del Fiore de Florentia existentes collegialiter congregati et cohadunati in loco eorum audientie pro factis dicte Opere utiliter peragendis, absentibus Iohanne Honofrii de Bischaris et Francischo Vierii de Guadagnis eorum collegha,(1) actendentes ad quedam pretia facta per eorum antecessores Bertino Pieri de Septignano et Masoni de dicto loco magistris scharpelli pro quodam concio facto pro edifitio murorum, portarum et antiportorum //castri Lastre Communis Ghanghalandi comitatus Florentie sub die XXVIII mensis februarii anni Domini MCCCCXXVI, prout apparet in presenti libro a c. 52, et considerantes quod(2) aliqua pretia suprascriptorum pretiorum fuerunt et sunt aliquantulum minus ydonea et iusta, idcirco prefati operarii volentes unicuique ius et iustitiam ministrare, dato, misso, facto et celebrato inter eos solempni et secreto scruptineo ad fabas nigras et albas et obtento partito primo et ante omnia confirmando et approbando suprascripta(3) pretia alias deliberata et ordinata exceptis pretiis infrascriptis, videlicet quod eis per eorum camerarium debeat solvi ad rationem soldorum settem pro qualibet posta turrium minorum et ad rationem soldorum novem pro qualibet posta turrium portarum et reduxerunt omnes lapides postarum, becchatellorum, turrium et portarum ad medium blachium(4) pro qualibet lapide dictarum postarum per longiorem partem, in summa sunt dicte poste turrium minorum septuaginta, et quod ad rationem soldorum settem pro quolibet blachio dictarum septuaginta postarum solvatur in summa reduxerunt quod pro qualibet posta solvantur libre due soldi decem otto(5) denarii quattuor f.p., in totum summant libre ducente septem et soldus unus et denarii quattuor f.p.; et pro qualibet posta(6) becchatellorum a sparabeccho turrium portarum, que sunt XXVII poste,(7) solvatur ad rationem soldorum novem pro quolibet blachio, que poste summant blachia decem et tres quinti alterius blachii, summat pretium pro qualibet posta libr(e) quattuor sold(i) quindecim et denar(ii) quattuor f.p., in totum pro omnibus postis libre centum viginti otto et soldi quattuordecim, retinendo nichilominus eis omnem quantitatem pecunie quam dare tenerentur dicte Opere; et pro compensatione dictarum postarum turrium portarum que fuerunt maioris mensure quam facere tenebantur, videlicet lapides misse in muro uno sexto alterius blachii, summat qualibet posta dictarum lapidum blachium unum, et pro eis solvantur pro dicta maiori mensura, videlicet XXVII blachiorum, in totum libre decem f.p., que libre decem eisdem magistris dentur pro omni et toto eo quod petere possent pro suprascriptis pretiis factis per dictos eorum antecessores minus debito secundum videre ipsorum et pro compensatione saettilium portarum que fecerunt; et hec omnia fiant eis, si et in quantum ratificent et confirment omnia suprascripta, alias presens deliberatio sit ipso iure nullius valoris, efficacie vel momenti.