II 2 1: 99v: o0202001.099va

DOCUMENTO:

o0202001.099va

vedi immagine

I. Trascrizione testo e dati essenziali

DATA:

1428/9 gennaio 28

REGESTO:

Elezione di avvocato e liberazione di eredi da legati testamentari troppo gravosi e loro assoluzione.

FONTE:

AOSMF

II 2 1

c. 99v

deliberazioni

TITOLO:

Absolutio filiorum et heredum ser Macharii de Aretio

TESTO:

Prefati quidem operarii, advertentes ad quamdam litem per eorum offitium motam filiis et heredibus ser Macharii de Aretio pro quodam legato facto per quemdam dominum Stefanum quondam Marci de Aretio plebanum plebis de Rancho et hospitalarium hospitalis Sancte Marie della Misericordia de(1) Aretio Opere Sancte Marie del Fiore et quod clare constitit ipsis operariis prefatum legatum fuisse inane et factum potius causa iniuriandi filiis et heredibus domini Bonifatii de Aretio quam per elemosinam; et advertentes(2) ad quamdam informationem eis datam per quam in effectum apparet dictos filios ser Macharii heredes dicti domini Stefani teneri et obligatos esse prefate Opere ad emendationem dicti legati et ad dandum et tradendum prefate Opere tot bona que sint ad valutam dicti legati, volentes equidem in predictis de iure procedere et unicuique ius et iustitiam ministrare commiserunt predicta omnia consilio sapientis ad consulendum super predictis de iure an dicti filii ser Macharii ad resarciendum Opere dicta bona teneantur prefate Opere nec ne, et in eorum sapientem et consultorem eligerunt egregium legum doctorem dominum Iohannem Yeronimi de Eugubio civem florentinum ad consulendum ut dictum est super predictis de iure; et adtendentes ad consilium redditum per eumdem dominum Iohannem super predictis, per quod(3) clare concludit dictos(4) filios dicti ser Macharii(5) et heredes dicti domini Stefani pro dicto legato in nichilo prelibate Opere teneri et obligatos esse rationibus et causis in dicto consilio insertis; et habito inter se ipsos ultra predicta alio maturo consilio et solempni deliberatione, intendentes unicuique ius et iustitiam ministrare, dato, misso, facto et celebrato inter eos solempni et secreto scruptineo et obtento partito prefatos filios et heredes prefati ser Macharii pro(6) dicto legato et contentis in eo(7) declaraverunt non teneri nec obligatos esse, ipsosque hac presenti deliberatione liberaverunt et absolverunt et totaliter reddiderunt absolutos et liberatos, et hec fecerunt dummodo prefati filii dicti ser Macharii solvant pro dicto advocato unum florenum auri.(8)

Et hec acta fuerunt in Opera in eorum audientia dictis anno et die per ipsos operarios(9) et presentibus testibus ad hec vocatis, habitis et rogatis Batista Antonii caputmagistro Opere et Bernardo Amerigi de Donatis provisore etiam dicte Opere.

NOTE:

¹ Segue depennato "Aetio".

² Segue depennato, su nuova riga, "quod".

³ Parola scritta su macchia d'inchiostro.

⁴ Segue depennato "heredes".

⁵ Iniziale corretta.

⁶ Corretto su segno per "quod".

⁷ Segue depennato, su nuova riga, "liberaveru-".

⁸ Da "et hec fecerunt" aggiunto in un secondo momento.

⁹ "per ipsos operarios" aggiunto nell'interlinea con richiamo nel testo.

Trascrizione:

II. Analisi del documento