Item prefati operarii intellecto quod(3) Ghodentius(4) filius Dini de Spolena(5) conductor(6) lignaminis silve Opere conduxit(7) de presenti anno a prefato eorum offitio ad conducendum a silva Opere usque ad Operam certam quantitatem lignaminis mensuris eidem exibitis per caputmagistrum prefate Opera, et considerato quod prefatus(8) conductor(9) non conduxit(10) lignamen prefatum secundum mensuras eidem(11) traditas et intellecto quod retroactis temporibus male servivit prefate Opere et eidem Opere potius dampnum quam utile attulit, idcirco deliberaverunt quod in futurum per offitium ipsorum operariorum eidem(12) conductori(13) nulla conducta lignaminis concedi possit tam per viam directam quam per viam indirectam, et quod notarius Opere tam presens quam futurus possit capere partitum aliquod contra predicta disponens sub pena remotionis sui offitii et de facto a prefato eius offitio intelligatur et sit capsus.
