II 2 1: 120: o0202001.120f

DOCUMENTO:

o0202001.120f

vedi immagine

I. Trascrizione testo e dati essenziali

DATA:

1429/30 gennaio 4

REGESTO:

Commissione a un operaio per l'esame delle retribuzioni del provveditore e del capomaestro per la misurazione dei lavori a Lastra e Malmantile.

FONTE:

AOSMF

II 2 1

c. 120-120v

deliberazioni

TITOLO:

Pro provisore et caputmagistro

TESTO:

Item prefati operaii advertentes ad quamdam postulationem factam alias eorum offitio per Batistam Antonii caputmagistrum Opere per quam narravit pluries mandato eorum offitii una cum Bernardo de Donatis provisore Opere mensuravisse castra Lastre et Malmantilis et qualiter prefatus Bernardus pro suo labore habuit et recepit certas quantitates pecunie(1) seu fuit positus creditor de certa quantitate pecunie retenta quibusdam magistris Lastre pro parte contingente dictis magistris de dicta mensura; et quod(2) nichil(3) eidem de suo labore fuit provisum nec curavit habere, ex eo quod erat in Opera ad instantiam prefati offitii et salarium propterea ab Opera percipiebat, sed postquam fuit data certa pars provisori occaxione prefati laboris, videtur sibi conveniens habere et participare etiam pro suo labore aliquam partem, quam partem discretioni operariorum dimictit; et volentes investigare de veritate predictorum //invenerunt fuisse factam quamdam deliberationem per eorum antecessores per quam fuit data et attributa potestas prefato provisori quod pro rata deberet retineri facere de eorum stantiamentis magistris Lastre usque in quantitatem librarum triginta pro Opera pro expensis factis per ipsam Operam pro mensurando dictum castrum Lastre pro parte contingente prefatis magistris, ex eo quod reperitur prefatam Operam expendisse circa florenos auri viginti. Et considerantes postea per eorum alios antecessores fuisse deliberatum quod omnis quantitas pecunie que est in quaterno Niccolai Andree Nerii Lippi olim camerarii Opere de qua Opera est creditrix dicte quantitatis eleveretur a computo Opere et poneretur ad computum prefati Bernardi provisoris;(4) et reperto quod dicta quantitas adscendit ad quantitatem librarum quinquaginta duarum vel circa de quibus Opera est creditrix in dicto quaterno(5) pro retentione facta prefatis magistris, et considerantes iniquum valde fuisse quod prefata deliberatio fuerit facta, videlicet quod a computo Opere eleveretur prefata quantitas et poneretur ad computum prefati provisoris, actento quod prefata Opera expendidit in prefatis mensuris(6) florenos auri viginti vel circa, et actento quod prefatus provisor habet bonum salarium a prefata Opera et quod facte fuerunt expense eidem et aliis quando mensuraverunt prefatum castrum de pecunia Opere tantum, et audito(7) et pluries per eorum offitio(8) examinato prefato provisore circa predicta, moti ad preces prefati provisoris deliberaverunt quod Bertus Iacobi de Arrigiis unus ex prefato offitio videre teneatur predicta omnia et disponere et facere prout eidem placuerit;(9) et quicquid sibi visum fuerit circa predicta fiendum intelligatur et sit ac si factum, provisum ac deliberatum foret per eorum offitium et executioni demandari debeat ac si per offitium esset deliberatum ac firmatum.

NOTE:

¹ Segue depennato "seu".

² Segue depennato "ipse".

³ Segue depennato "de".

⁴ Da "eleveretur..." aggiunto in margine.

⁵ Segue depennato "que p-".

⁶ Segue depennato "dict-".

⁷ Segue depennato "p-".

⁸ Così nel testo.

⁹ Da "et disponere..." aggiunto nell'interlinea con richiamo nel testo.

RAPPORTI:

La seconda delibera citata, per il trasferimento di fondi al conto del provveditore, è quella datata 29 agosto 1429: