II 2 1: 139v: o0202001.139ve

DOCUMENTO:

o0202001.139ve

vedi immagine

I. Trascrizione testo e dati essenziali

DATA:

1431 marzo 27

REGESTO:

Revoca di gravamento per un errore e nuova iscrizione al libro dei debitori.

FONTE:

AOSMF

II 2 1

c. 139v

deliberazioni

TITOLO:

In favorem heredum ser Iacobi ser Lupi de Sancto Iusto

TESTO:

Nobiles viri
Alexander Ughonis de Alexandris
Bernardus Iacobi de Arrigis
Gualterius Iohannis de Biliottis et
Rusticus Iohannis ser Nigi
operarii prefate Opere, absentibus aliis eorum collegis, servatis servandis considerantes quoddam debitum librarum viginti quinque ad quod quidam ser Iacobus ser Lupi de Sancto Iusto cives pisanus(1) tenebatur et obligatus erat ad solvendum prefate Opere pro quadam ghabella banchi civitatis Pisarum empta per eum una cum quibusdam aliis notariis pisanis, de qua solvitur Opere ad rationem denariorum quattuor pro qualibet libra dicti debiti, prout apparet in registro comitatus Pisarum a cc. 86, 87; et considerantes quamdam fideiussionem factam per Antonium Pieri(2) Lapotii civem florentinum ad preces et mandata dicti ser Iacobi sub die XXX mensis iulii anni Domini MCCCCXXI de solvendo illud quod dictus ser Iacobus solvere tenebatur prefate Opere per totum mensem settembris tunc proxime futuri, de qua constat in libris Opere(3) manu ser Dini Cole notarii tunc dicte Opere; et considerantes quoddam depositum factum per dictum Antonium sub die XXVI settembris anni Domini MCCCCXXI in manibus Iohannis domini Foresis de Salviatis tunc camerarii dicte Opere de libris viginti quinque pro prefata fideiussione, prout(4) de dicto deposito constat(5) in quaterno dicti Iohannis camerarii prefati a c. 75; et considerantes quod prefati Iohannes camerarius et ser Dinus notarius miserunt et posuerunt atque scripserunt ad introytum generalem dicte Opere prefatum depositum die XI decembris anni Domini MCCCCXXI, prout apparet in introytum dicti Iohannis a c. 118 sub nomine cuiusdam ser Antonii Bartoli de Sancto Cassiano civis pisani, et cancellaverunt quoddam debitum ad quod dictum ser Antonius obligatus erat Opere pro quadam alia emptione gabelle banchi civitatis Pisarum per eum facta, prout apparet in rigistro(6) comitatus Pisarum a c. 72; et considerantes quoddam gravamentum factum per exactores Opere dicto ser Iacobo et suis heredibus propter dictum debitum;(7) et actento quod predicta cancellatio fuit facta potius per errorem quam alia de causa in preiudicium dicti ser Iacobi et malitiose per dictum ser Bartolum(8) predicta consentientem, volentes igitur unicuique ius et iustitiam ministrare servatis solempnitatibus opportunis declaraverunt dictam solutionem librarum XXV positam ad introytum dicti Iohannis sub nomine dicti ser Antonii Bartoli fuisse et esse fittitiam et non veram et poni debuisse et debere(9) ad introytum Opere sub nomine dicti ser Iacobi ser Lupi et in rigistro describi ad pedes partite debiti dicti ser Iacobi et dictum ser Antonium Bartoli de novo describi debitorem dicte Opere in dicta quantitate librarum viginti quinque et omnes expensas occursas et factas dicta de causa per dictum ser Iacobum solvi debere per dictum ser Antonium et eius heredes et(10) detentores bonorum ipsius ser Antonii et pignus ablatum dicto ser Iacobo restitui debere eidem ser Iacobo et eius heredibus, cum hac tamen iustificatione quod si dictus ser Antonius seu eius heredes(11) senserint se gravatos possint comparere prefato eorum offitio recepturi iustitiam infra mensem proxime futurum initiandum die notificationis facti dicti partiti; et ut predicta executioni mandentur deliberaverunt quod scribatur una littera Potestati Pisarum huius effectus et gravet dictum ser Antonium et eius heredes ad solvendum Opere dictam quantitatem et ad resarciendum dictas expensas dictis heredibus dicti ser Iacobi cum dicta iustificatione.