II 2 1: 148: o0202001.148g

DOCUMENTO:

o0202001.148g

vedi immagine

I. Trascrizione testo e dati essenziali

DATA:

1431 settembre 25

REGESTO:

Giuramento di operai; approvazione di fideiussore.

FONTE:

AOSMF

II 2 1

c. 148

deliberazioni

TITOLO:

Iuramentum duorum operariorum. Approbatio fideiussionis Silvestri Iohannis charradore(1)

TESTO:

Nobiles viri
Bernardus ser Lodovici Doffi
Iohannes domini Raynaldi de Gianfigliazis
Antonius Bartolomei de Ridolfis
Nuccius Benintendis de Solosmeis et
Bernardus domini(2) Iacobi de Salviatis
operarii Opere Sancte Marie del Fiore de Florentia, delato primo et ante omnia per me notarium infrascriptum(3) dictis Iohanni domini Raynaldi et Bernardo de Salviatis iuramento, iuraverunt ad sancta Dei evangelia scripturis corporaliter manu tactis bene et legaliter offitium prefatum exercere prout tenentur secundum formam statutorum Communis Florentie et Artis Lane civitatis Florentie, remotis hodio, amore timore, prece, pretio et omni alia humana gratia ac existentes una cum aliis superius nominatis eorum collegis collegialiter congregati et cohandunati in loco eorum audientie pro factis dicte Opere utiliter peragendis, absentis aliis eorum collegis,(4) considerantes quamdam venditionem factam per Nuccium Benintendis de Solosmeis eorum collegam de ipsorum commissione(5) de ducentis viginti sex capitibus pignorum Laurentio Zenobii Brogiotti civi florentino pro pretio librarum quadringentarum octuaginta quinque soldorum quindecim solvendo hinc ad sex menses proxime futuros, in quantum ydonee fideiusserint de solvendo dicto termino dictam quantitatem approbandam per ipsorum offitium; et considerantes quod prefatus Laurentius obtulit se paratum dare et prestare velle in prefatum fideiussorem Silvestrum Iohannis charradorem de Florentia; et viso quod dictus Silvester pro dicta quantitate est ydoneus fideiussor, prefatum Silvestrum in bonum et ydoneum fideiussorem pro dicta quantitate approbaverunt et commiserunt eorum notario dictam fideiussionem capiat ad omnem requisitionem prefati Laurentii sine suo preiudicio et dampno.