II 2 1: 172v: o0202001.172va

DOCUMENTO:

o0202001.172va

vedi immagine

Citato in Studi:

Battista, Canonica

I. Trascrizione testo e dati essenziali

DATA:

1427 agosto 4

REGESTO:

Costruzione di case nel chiostro a nuovi canonici e permesso a due di loro di abitare fuori sino ad ultimazione dei lavori.

FONTE:

AOSMF

II 2 1

c. 172v

deliberazioni
dei consoli e degli operai

TITOLO:

Quod dominus Iohannes de Rondinellis et dominus Iacobus prior Sancti Michaelis canonici maioris ecclesie possint(1) stare in eorum habitatione et intelligatur infra claustrum habitare

TESTO:

Nobiles ac prudentes viri
egregius miles dominus Raynaldus domini Masi de Albiziis
Tomasius Iohannis Andree Nerii Lippi
Loysius Alexandri ser Lanberti
Lucas Gregorii Fecti Ubertini
Antonius Bartolomei de Ridolfis et
Silvester Tomasii de Popoleschiis
comsules Artis Lane civitatis Florentie existentes collegialiter congregati in palatio eorum residentie pro factis sacristie maioris ecclesie florentine utiliter peragendis, absentibus tamen Antonio Pieri Frontis et Antonio Niccolai de Businis eorum collegiis, advertentes ad creationem duodecim canonicorum de novo factam in maiori chattedrali ecclesia florentina per archiepiscopum et(2) eorum offitium una cum capitulo dicte ecclesie et considerantes quod prefati canonici vellent domos pro habitando intra claustrum canonicorum(3) dicte ecclesie pro faciendo continuam residentiam in dicta ecclesia prout tenentur et obligati sunt vigore iuramenti per eos prestiti, et considerantes presentialiter(4) prefatam Operam carere in domibus infra dictum(5) claustrum pro dictis habitationibus prefatorum canonicorum et quod necesse est emere domos que sunt infra dictum claustrum pro dictis eorum habitationibus et quod per dictos canonicos non stat quin faciant infra dictum claustrum residentiam continuam prout tenetur et qualiter pluries obtulerunt se paratos facere dictam residentiam et omnia alia ad que tenentur et obligati sunt, et considerantes infra alios canonicos(6)de novo creatos(7) dominum Iohannem Pieri Romigii de Rondinellis et dominum Iacobum priorem Sancti Michaelis Berteldi habere prope ecclesiam habitationes eorum benefitiorum comodas et actas ad presens ad interessendum quolibet die omni hore divini cultus in prefata ecclesia quemadmodum haberent habitationes ipsorum infra claustrum dicte ecclesie, habito prius inter eos solempni consilio et matura deliberatione, dato, misso, facto et celebrato inter eos solempni et secreto scruptineo ad fabas nigras et albas(8) et obtento partito deliberaverunt ac solempniter statuerunt quod prefati domini Iohannes Pieri de Rondinellis et Iacobus prior Sancti Michaelis Berteldi sine aliquo ipsorum preiudicio et dampno possint, teneantur et debeant stare et habitare in domibus eorum benefitiorum, videlicet: dominus Iohannes in domo ecclesie Sancti Iohannis Piccholini sita in via Largha seu Spadariorum civitatis Florentie et dominus Iacobus in domo ecclesie Sancti Michaelis Berteldi civitatis Florentie donec et quousque a prefata Opera habebunt domos infra claustrum dicte maioris ecclesie et quod(9) stando et habitando in dictis domibus eorum benefitiorum intelligantur stare et habitare infra claustrum dicte ecclesie et facere continuam residentiam in dicta ecclesia maiori et observare circa predicta constitutiones dicte ecclesie et prebendarum eorum canonicatuum, videlicet: eo tempore quo eisdem canonicis non assignabuntur domus in claustrum dicte ecclesie per operarios dicte Opere seu per eorum offitium.