 TEXT:
|
|
Operarii suprascripti, absentibus tamen dictis Iacobo(1) et Lapo(2) eorum collegis, insimul ut et ubi supra congregati causa, modo et forma suprascriptis, deliberaverunt etc. quod Tellus Iohannis cimator possit quolibet mense de mensibus proxime futuris initiandis de mense iunii proxime futuri solvere florenum unum auri usque ad integram satisfactionem totius eius quod solvere debet Operi pro sex prestantiis, et quod de predictis debeat ydonee satisdare; et si in uno dictorum terminorum deficeret, gravetur pro tota summa, et facta fideiussione et postea solutionibus in dictis terminis, non gravetur etc. Et quia, secundum quod ipse dixit, ipse gravatur a populo suo ad solvendum quolibet anno novarum gabellarum florenum unum auri, in totum florenos tres, et rei veritas est quod ipse non est datus pro debitore dicto populo nisi solum pro tribus soldis f.p. quolibet anno in totum pro soldis novem f.p., scribatur quod ipse Tellus non gravetur et quod sibi id quod solverit ultra soldos novem in totum restituatur etc.
|
|
