 TEXT:
|
|
Item intellecto qualiter Pardus Antonii fornaciarius de Vulterris hactenus ab eorum officio certam conductam fecit de quadronibus, de qua(1) tradere restat certam quantitatem, et certam florenorum auri quantitatem mutuo recepit, de qua excomputare debebat pro quolibet miliario certam summam; et qualiter de presente secum facta est seu fieri debet certa nova conducta de quadronibus et runpi primi, et quod super dicta prima solvere restat florenos auri ducentos et super nova recipere debet mutuum florenorum 130, et quod excomputare non posset in primo anno dicte nove conducte dictos florenos ducentos pro veteri et pro nova centum, deliberaverunt quod Pardus predictus pro nova conducta,(2) pro qua tradere et conducere debet 200 milia quadronum et excomputare unum pro miliario, excomputet dicto miliario; et reliquos centum excomputet in secundo anno, ultra ducentos excomputandos secundum formam sue conducte, ita quod in secundo anno super 200 milia excomputet florenos trecentos.
|
|
