II 2 1: 177v: o0202001.177ve

DOCUMENT:

o0202001.177ve

Referenced in:

Battista, Canonica

I. Transcription of text and essential data

DATE:

1431 dicembre 23

SUMMARY:

Partition of a house in order to make lodgings for two canons and assignment of one part.

SOURCE:

AOSMF

II 2 1

c. 177v

resolutions
dei consoli e degli operai

TITLE:

Divisio domus(1) in qua habitat dominus Iohannes de Eugubio fienda pro duobus canonicis

TEXT:

Nobiles viri
Matteus Nuccii de Solosmeis
Andreas ser Landi Fortini
Loysius Alexandri ser Lanberti
Bernardus domini Laurentii de Ridolfis
Bernabas Bartoli de Bischaris et
Simon Francisci
consules Artis Lane civitatis Florentie(2) ac etiam nobiles viri
Antonius Bartolomei de Ridolfis
Niccolaus domini Donati de Barbadoris
Agustinus Gini de Capponibus et
Bernardus domini Iacobi de Salviatis
operarii Opere prefate existentes omnes collegialiter congregati et cohadunati in audientiam operariorum dicte Opere pro factis dicte Opere utiliter peragendis, absentibus aliis eorum collegis, servatis solempnitatibus opportunis deliberaverunt quod domus domini Iohannis Tetaldini empta per dictam Operam ab hospitali Sancte Marie Nove in qua moratur dictus Iohannes de Eugubio dividatur, et fiant due domus pro duobus canonicis ecclesie maioris florentine, quarum partium una assignata sit et ex nunc intelligatur esse et sit assignata domino Niccolao magistri Iohannis Banduccii canonico florentino pro eius habitatione pro eo tempore quo placuerit offitio operariorum et non aliter, cum hoc quod tassa domus destructe eidem assignate soluta per dictum dominum Niccolaum schomputetur et schomputari debeat in tassa presentis domus de novo eidem assignate; et si presens tassa esset maior, illud plus quod excedit ad rationem quinque pro centinario solvere teneatur prefatus dominus Niccolaus.