space Studies
italian
english
space Fonti Date Indici Soggetti1 Soggetti2 Reference Testi
DOCUMENTO: o0201079.057avedi immagine  
I. Trascrizione testo e dati essenziali
stairDATA: stair1421 settembre 24
stairREGESTO: stairAllogagione di quadroni di terracotta e di angoli.
FONTE:
AOSMF stairII 1 79 stairc. 57-57v a allogagioni
stairTESTO:
    Vir prudens Paulus olim Soldi Soldini provisor dicte Opere, sequens commissionem sibi factam per nobiles et prudentes viros operarios Opere supradicte de qua constat manu mei Dini notarii infrascripti, omni modo, via, iure et forma quibus magis et melius potuit, locavit et concessit Cambio olim Antonii Mattei vocati Ferro fornaciario de Campi comitatus Florentie presenti et conducenti pro se et suis heredibus ad faciendum et coquendum et seu fieri et quoqui faciendum et ad Operam et in Opera prelibata conducendum et ponendum et seu poni et conduci suis propriis sumptibus faciendum in Communi Campi et de terreno ipsius Communis trecenta miliaria quadronum terre bene cocta et facta(1) et recipientia ad sensum et voluntatem dictorum operariorum pro pretio infrascripto et in terminis et sub pactis et condictionibus infrascriptis, videlicet:
    Debet namque ipse conductor ipsos quadrones qualitatis supra specificate conducere ut prefertur in tempore quinque annorum proxime futurorum initiandorum die primo mensis martii proxime futuri et ut sequitur finiendorum, videlicet quolibet anno ipsorum annorum quinque miliaria sessaginta et non pauciora, inter quos sint et esse debeant anguli opportuni et requisiti ad quantitatem predictam sub illis mensuris, formis, longitudinis, altitudinis et grossitie et in modonis sibi per ipsum provisorem et caputmagistrum dicte Opere tradendis et consignandis.
    Debet namque dicta Opera et seu operarii pro ea vel provisor de pecunia dicte Opere dare et solvere eidem Cambio pro pretio et nomine pretii dictorum quadronum pro quolibet miliario libras viginti f.p. integre et sine aliqua diminutione. Et si de novo pro ipsis quadronibus mictendis intra civitatem gabella imponeretur vel solvi deberet etiam sumptibus dicte Opere solvi debeat et non dicti conductoris.
    Debet(2) etiam ut supra dicta Opera et officiales de pecunia Opere predicte mutuare dicto conductori ad presens et antequam incipiat dictos quadrones facere libras sexcentas f.p., quas restituere teneatur hoc modo, videlicet et non aliter ullo modo, pro quolibet miliario ipsorum quadronum mictendorum sibi persolvantur libre decem otto manualiter et libre due sibi retineantur et excomputentur usque ad quantitatem librarum centum viginti f.p. pro quolibet anno; ita quod in dictis quinque annis dicte conducte ipsas quantitates mutui per viam dicti excomputi solverit et satisfecerit.
    Et quod de libris quadringentis ad quas dicte Opere tenetur dictus Cambius ut heres dicti sui patris occasione alterius conducte quadronum cum Opera facte //ad presens restituat ipsi Opere et seu eius camerario pro ipsa Opera recipienti libras ducentas f.p. et residuum, videlicet alias libras ducentas, solvere et restituere teneatur et debeat in primo anno huius presentis nove(3) conducte per ipsum Cambium facte de qua supra proxime fit mentio.
    Et quod ab omne et toto eo ad quod dicta Opera eidem olim Antonio et seu dicto Cambio eius heredi quolibet tenetur et obligatus est occasione dicte veteris conducte et contentorum in ea, et e converso dictus Antonius et seu Cambius dicte Opere, salvis tamen supra specificatis, dicta Opera et Cambius et quilibet eorum sint liberi et totaliter absoluti.
    Predicta quidem promixit una pars alteri et e converso solepnibus stipulationibus hinc inde intervenientibus perpetuo firma et rata habere, tenere, actendere, observare et adimplere et contra non facere vel venire per se vel alium in iudicio vel extra de iure vel de facto sub pena et ad penam dupli eius unde pro tempore ageretur et lix vel questio foret et sub refectione dapnorum et expensarum ac interesse litis et extra; que pena totiens commictatur et peti et exigi possit cum effectu quotiens contra predicta vel aliquod eorum actum, gestum seu factum fuerit, qua pena soluta vel non commissa, exacta seu gratis remissa vel non, predicta omnia et singula perpetuo firma perdurent, pro quibus omnibus et singulis observandis et firmis tenendis dictus provisor dicto nomine obligavit dicto conductori pro se et suis heredibus recipienti dictam Operam et eius bona dumtaxat presentia et futura; et dictus Cambius dicto provisori pro dicta Opera recipienti se et suos heredes et bona presentia (et) futura; renumptiaverunt omni privilegio etc., quibus precepi per guarentigiam etc.
NOTE: 1 "cocta et facta" desinenza corretta da "cocte et facte".
2 Parola corretta da "debeat".
3 Parola corretta da "nonem".
stairRAPPORTI: stairLa commissione cui si fa riferimento è nello stesso bastardello: stairO0201079.018b; le fideiussioni relative si trovano subito di seguito in data del 26 settembre: stairO0201079.057va; in data del 24 ottobre: stairO0201079.058a.
Trascrizione: gb
II. Analisi del documento
Indici
stairNOMI E QUALIFICHE: stairPaolo di Soldo stairSoldini  - stairprovveditore
 - stairoperai
stairDino di Cola  - stairnotaio dell'Opera
stairCambio d'Antonio di Matteo stairFerro da stairCampi  - stairfornaciaio a Campi
staireredi di Cambio d'Antonio di Matteo stairFerro
 - staircapomaestro
stairCambio erede e figlio d'Antonio di Matteo da stairCampi
 - staircamarlingo
stairLUOGHI: stairCampi, terreno del Comune
stairISTITUZIONI: stairComune di Campi
Ricerca guidata
stairPERSONALE:
stairaltre menz. - interni
stairPaolo di Soldo stairSoldini, provveditore - ha commissione di allogare quadroni
operai - danno commissione di allogare a provveditore
stairPaolo di Soldo stairSoldini, provveditore - dà misure per quadroni
capomaestro - dà misure per quadroni
stairOGGETTI:
stairmodelli/disegni
modani per quadroni
stairMATERIALI:
stairacquisti - terrei
terracotta, quadroni, 300.000 - allogagione
terracotta, angoli
stairaltre menz. - terrei
terracotta, quadroni - gabella pagata da Opera
quadroni, allogagione precedente - restituzione di anticipo
Riferimenti
stairCRONOLOGICI: 1421/2 marzo 1 - 1426/7 febbraio 28
Analisi: gb
top of page left Codice right left Data right Ritorna guida Contatto home
© 2015 Opera di Santa Maria del Fiore