II 1 80: 57v: o0201080.057vc

DOCUMENTO:

o0201080.057vc

vedi immagine

Citato in Studi:

Becattini, Selva

I. Trascrizione testo e dati essenziali

DATA:

1422 maggio 2

1422 maggio 15

REGESTO:

Allogagione quinquennale per foderatura e trasporto di legname tagliato e dolato nella selva dell'Opera, con fideiussione.

FONTE:

AOSMF

II 1 80

c. 57v-58

malleverie

TITOLO:

Mattei Betti de Businis

TESTO:

Item dictis anno et indictione et die secundo mensis maii.
Paulus olim Soldi provisor dicte Opere supradictus vigore commissionis sibi facte per officium operariorum dicte Opere, de qua constat manu mei notarii infrascripto,(1) locavit e concessit Matteo Betti de Businis de Florentia presenti et conducenti pro se et suis heredibus ad foderandum quecumque lignamina dicte Opere incidenda et dolanda in silva dicte Opere et per quemcumque seu quoscumque conductores lignaminis dicte Opere conducenda ad portum fluminis Moscie sive Decomani in tempore et termino(2) quinque annorum proxime futurorum ipsaque(3) lignamina seu fodera lignaminum ponenda et inmictenda in flumen(4) Sevis et per ipsum flumen in flumen Arni indeque conducendum et seu conduci faciendum temporibus debitis et requisitis ac etiam consuetis ad portum Sancti Francisci prope ianuam Iustitie civitatis Florentie intra tamen aquam fluminis Arni predicti durante toto dicto tempore quinque annorum periculo quocumque ac sumptibus et expensis quibuscumque //ipsius(5) Mattei conductoris predicti; et hoc pro pretio et nomine pretii cuiuslibet traini dicti lignaminis foderandi et conducendi ut(6) predicitur soldorum sex f.p.(7) sibi conductori solvendorum et dandorum sumptibus et expensis et de quantitate debenda pro traino a conductoribus lignaminum predictorum; pro qua solutione sibi ut predicitur fienda de pretio seu pretiis sibi debendis pro foderatura et conducta predicta ipse conductor stet et stare debeat solum et dumtaxat ipsis conductoribus et ipsi conductores eidem Matteo sint efficaciter obligati et ad aliquam solutionem propterea ipsa Opera eidem Matteo minime intelligatur vel sit quomodolibet obligata. Eo tamen apposito quod pro exactione dicte solutionis si expederit et cum ab ipso Matteo requisitio facta fuerit, sibi concedi et prestari debeat per officium operariorum presens et futurum auxilium et favorem totiens quotiens fuerit opportunum contra conductores lignaminum predictorum; et de conducendo ut predicitur et de conservendo ipsam Operam pro dictis lignaminibus conducendis in quocumque et pro quocumque periculo quolibet occurrendo debeat atque promixit ipse Matteus dicto Paulo pro dicta Opera ut supra(8) stipulanti ydonee promictere et cavere per fideiussorem unum et plures per officium operariorum approbandum.
Hoc etiam addito quod cuicumque conductori dicti lignaminis si voluerit liceat et licitum ipsa foderare et conducere et foderari et conduci facere ad ipsos portus et loca tam per se quam per alium conductorem non obstantibus supradictis; et pro predictis omnibus et singulis observandis et adimplendis et dapnis et interesse solvendis si contra factum fuit obligavit dictus Matteus dicto Paulo ut supra recipienti se et suos heredes et bona etc., renumptiavit etc. per guarentigiam etc.
Acta fuerunt predicta omnia in civitate Florentie in audientia ipsorum operariorum presentibus Bartolo Marci fornaciario de Campi comitatus Florentie, Francisco Iohannis Comucci de Sancto Gaudentio comitatus Florentie et Gherardo Bernardi Canneri populi Sancti Iacobi ultra Arnum de Florentia testibus ad predicta vocatis et habitis.
Postea vero die XV dicti mensis maii et presentibus Filippo Vannis de Oricellariis et Carolo Iohannis populi Sancte Lucie Omnium Sanctorum de Florentia testibus ad infrascripta omnia vocatis et habitis.
Constitutus in presentia mei Dini notarii infrascripti Bettus olim Iohannis de Businis pater suprascripti Mattei audita et intellecta suprascripta conducta facta per dictum Matteum eius filium et omnibus et singulis promissionibus et obligationibus in ea per ipsum Matteum factis, insertis et contentis, sciens se ad ea vel aliquod eorum non teneri nec obligatum esse, sed volens teneri et efficaciter obligari, sponte et ex certa scientia et non per errorem iuris vel facti precibus et mandatis dicti Mattei ac etiam eius proprio nomine fideiussit etc. promixit et se obligavit etc., renumptiavit etc. cui per guarentigiam etc.