|
Item postea dictis anno et indictione et die secundo mensis maii.
|
|
Certum est quod die nono mensis aprilis anno MCCCCXX primo Paulus Soldi Soldini provisor Opere prelibate vigore commissionis sibi facte per tunc operarios dicte Opere locavit Pardo Antonii fornaciario de Vulterris tunc presenti et conducenti pro se et suis heredibus ad faciendum(1) in fornace domini habatis et habatie Settimi comitatus Florentie unum milione quadronum terre cocte et ipsos conducendum ad ipsam Operam suis sumptibus pro pretio librarum XVIIII soldorum decem pro quolibet miliario in certis temporibus et cum certo mutuo quantitatis(2) et sub certis pactis et penis in scripturis tunc inde per me notarium infrascriptum(3) rogatis, insertis et contentis, et qualiter postea de maiori summa conducenda est praticatum atque relatum et conclusum maxime sub formis et modis inferius nominandis, unde hodie hac presenti suprascripta die Paulus Soldi provisor suprascriptus(4) exequi volens circa premissa et infrascripta commissionem sibi per officium dominorum operariorum factam et vigore ipsius commissionis omni modo, via et iure quibus melius potuit locavit et concessit Gherardo Bernardi Canneri populi Sancti Iacobi ultra Arnum de Florentia presenti et procuratori et procuratorio nomine ipsius Pardi recipienti et conducenti et pro eius heredibus prout de procura et mandato ipsius Gherardi patet manu mei Dini notarii infrascripti ad faciendum et componendum et seu fieri et componi faciendum in fornace predicta mille sexcenta miliaria quadronum terre cocte qualitatis, bonitatis et mensure et sub modonis et formis et condictionibus cum quibus et(5) de quibus et prout et sicut fit mentio in locatione et conducta de qua supra continetur et pro termino et pretiis infrascriptis, videlicet:
|
|
In primis ipse conductor dicto nomine teneatur et debeat ipsos quadrones dare, tradere,(6) consignare et conducere dictis operariis pro dicta(7) Opera recipientibus ad ipsam Operam et in ipsa Opera propriis sumptibus et expensis dicti conductoris in tempore et termino quattuor annorum proxime futurorum initiatorum tamen die primo mensis martii proxime preteriti et ut sequitur finiendorum, dando, conducendo et consignando ut supra quolibet anno ipsorum quattuor annorum quartam partem ipsorum quadronum.
|
|
Salvo tamen et excepto quod quolibet eveniente casu fortuito vel iusto aliquo impedimento propter quod dictum laborerium fieri et conduci non posset ut prefertur a parte dictarum promissionum et conducte dumtaxat quam ob dictam causam observare non posset intelligatur et sit legiptime excusatus, de quo stetur declarationi operariorum dicte Opere pro tempore existentium.
|
|
Eo tamen expresso quod dictis casibus seu impedimento advenientibus,(8) mutuum sibi fiendum super ipsa conducta et de quo infra dicetur pro dicto tempore quo defecerit restituere dicte Opere protinus teneatur et ad restituendum compellatur omnino.
|
|
Hoc etiam addito et expresse apposito, quod si in aliquo anno ex dictis quattuor deficeret in conducta predicta ultra alia dapna ad quorum restitutionem dicte Opere tenerentur vigore presenti conducte possint operarii dicte Opere eisque liceat adimpleri, perfici et compleri facere atque conduci facere usque in quantitatem deficientem //(c. 59) a quocumque et per quemcumque fornaciarium et conducere volentem et pro quocumque pretio seu pretiis etiam maioribus quibus costaret usque in quantitatem deficientem sumptibus, dapno et expensis ipsius conductoris.
|
|
Et quod in totali quantitate debita pro dictis(9) quattuor annis sit et esse debeat debita quantitas et numerus angulorom qui in dicto numero computentur.
|
|
Eo quoque expresso, addito et intellecto, quod si operariis pro tempore existentibus videretur et seu iudicarent dictam Operam non indigere quadronibus debendis in anno ultimo presentis conducte, facta tamen sibi conductori notificatione per duos menses ante ipsum annum, ad ipsum emendum et recipiendum dicti operarii vel Opera minime teneantur, sed intelligatur pro dicto ultimo anno finita et non durare.
|
|
Debent namque dicti operarii et Opera ipsi conductori ut supra recipienti de pecunia tantum dicte Opere mutuare super dicta conducta pro ipsis quattuor annis mutuare(10) florenos auri quingentos, in qua quantitate inclusi intelligantur et sint floreni trecenti quos penes se habet de pecunia dicte Opere super veteri conducta, de qua supra in principio fit mentio, quam(11) quantitatem florenorum quingentorum auri dictus conductor possit et sibi liceat mutuo retinere et ad sui utilitatem uti et frui toto tempore dicte conducte, sed in anno ultimo predicto excomputare in quadronibus pro ipso ultimo anno conducendis et per ipsam viam dictam quantitatem restituere in fine dicti primi anni.
|
|
Eo tamen expresso, quod si pro dicto quarto anno ipsos quadrones non conducent, quia ipsi Opere non expediret ut supra dicitur, in fine tertii anni(12) dicte conducte dictam quantitatem mutui restituere et excomputare teneatur.
|
|
Item debeant dicti operarii et Opera pro pretio ipsorum quadronum dare et solvere ipsi conductori, ipsis in Operam conductis ut supra dicitur, pro quolibet miliario ipsorum quadronum libras decem novem et soldos quindecim f.p. sine aliqua diminutione.
|
|
Ac etiam debeant ipsi operarii dicto conductori ut supra recipienti auxilium prestare et favorem in gravando et gravari faciendo carradores ad conducendum ipsos quadrones pro pretiis debitis atque iustis.
|
|
Et debeat(13) de(14) observantia premissorum ipse conductor dicto nomine ydonee satisdare.
|
|
Cassando, irritando et anulando veterem conductam de qua supra fit mentio pro quattuor ultimis annis ipsius solum et dumtaxat in ea parte et partibus in qua et quibus per presentem et in presenti disponitur et non in reliquis, sed in reliquis ipsa veteri in suo robore permanente.
|
|
Eo quoque addito, quod si de novo gabella indiceretur pro inmictendo ipsos quadrones civitate Florentie sumptibus dicte Opere tantum persolvatur.
|
|
Predicta quidem omnia et singula promixerunt(15) et convenerunt dicte partes dictis modis et nominibus sibi invicem et vicissim, videlicet una pars alteri et e converso solepni stipulatione hinc inde intervenientibus perpetuo firma et rata habere, tenere, actendere, observare et adimplere et contra non facere vel venire per se //(c. 59v) vel alium in iudicio vel extra aliqua ratione, iure, modo vel causa de iure vel de facto sub pena et ad penam(16) dupli eius unde pro tempore ageretur et lix esset solepni stipulatione promissa et sub refectione dapnorum et expensarum ac interesse litis et extra, que pena totiens conmictatur et peti et exigi possit cum effectu quotiens contra predicta vel aliquod eorum actum, ventum aut quomodolibet attentatum fuerit. Qua pena soluta etc. predicta firma perdurent etc. pro quibus omnibus etc. obligaverunt dicte partes etc., renumptiaverunt etc., quibus precepi per guarentigiam etc.
|
|
Acta fuerunt predicta omnia in civitate Florentie in loco audientie ipsorum operariorum, presentibus Matteo magistri Falconis populi Sancte Marie Maioris de Florentia, Carolo Iohannis fornarii populi Sancte Lucie Omnium Sanctorum, Francisco Iohannis Comucci de Sancto Gaudentio comitatus Florentie testibus ad predicta vocatis et habitis.
|
|
Post predicta, Gherardus Bernardi Canneri predictus habens notitiam ad plenum de promissionibus et obligationibus et omnibus et singulis contentis et insertis et locatione predicti facta per dictum Paulum Soldi dicto nomine die secundo presentis mensis ipsi Gherardo ut supra procuratorio nomine dicti Pardi recipienti, sciens tamen ad ea vel eorum aliquod non teneri, sed volens teneri et efficaciter obligari sponte et ex certa scientia et non per errorem iuris vel facti precibus et mandatis suimet ipsius procuratoris et procuratorio nomine predicti(17) Pardi penes dictum Paulum provisorem predictum et me notarium infrascriptum pro dicta Opera et eius vice et nomine recipienti et stipulanti fideiussit et fideiussor(18) extitit suo proprio et privato nomine et promixit dicto Paulo et mihi Dino ut supra recipientibus se facturum et curaturum ita et taliter omni iuris et facti exceptione remotis quod dictus Pardus omnia et singula supra pro eo per ipsum Gherardum dicto nomine promissa perpetuo actendet, faciet et observabit, alias de suo proprio facere, actendere et observare promixit et propterea obligavit dicto Paulo et mihi Dino ut supra stipulantibus se et eius heredes et bona omnia et singula presentia et futura, renumptiavit etc., per guarentigiam etc.
|
|
Ac etiam statim ser Niccolaus ser Verdiani de Castro Florentino civis et notarius florentinus intellecta suprascripta locatione et conducta et promissionibus et obligationibus per ipsum Gherardum dicto nomine factis et omnibus in ea contentis et insertis, sciens se non teneri nec obligatum esse, sed volens teneri et efficaciter obligari ut supra in omnibus et singulis suprascriptis, penes dictum Paulum et me notarium infrascriptum ut supra stipulantes(19) usque in quantitatem et summam solum et dumtaxat florenorum trecentorum auri et non maiorem ullo modo fideiussit et fideiussor et promissor extitit et promixit etc. dicto Paulo et mihi notario ut supra stipulantibus(20) se facturum et curaturum etc. quod dictus Pardus supra promissa pro eo actendet etc., alias de suo(21) proprio, precibus et mandatis predicti Gherardi(22) procuratoris predicti et procuratorio nomine predicto actendere et observare promixit usque in dictam quantitatem florenorum trecentorum et non ultra si solvenda veniret(23) et propterea obligavit etc., renumptiavit etc., per guarentigiam etc.
|
