II 1 86: 31: o0201086.031a

DOCUMENTO:

o0201086.031a

vedi immagine

I. Trascrizione testo e dati essenziali

DATA:

1424/5 marzo 15

REGESTO:

Affitto della bottega detta Galea a frate Bernardo maestro d'occhi di vetro con termine per inizio delle vetrate.

FONTE:

AOSMF

II 1 86

c. 31-31v

allogagioni

TITOLO:

Locatio apotece de la Galea fratri Bernardo

TESTO:

In Dei nomine amen, MCCCCXXIIII indictione III die XV martii. Actum in Opera chatedralis ecclesie Florentie, presentibus testibus ad infrascripta omnia et singula vocatis, habitis et rogatis Pardo Antonii fornaciario(1) de Vulterris habitatore in populo abbatie Septimi et Taddeo Iohannis populi Sancti Petri Maioris de Florentia. Pateat publice quod Bernardus Amerigii de Donatis de Florentia ut et tamquam procurator et procuratorio nomine nobilium virorum Schiatte Uberti de Ridolfis, Simonis Mariotti de Orlandinis, Antonii Tedicis de Albizis et Bianchi Silvestri magistri Benvenuti et Francisci Benedicti de Strozziis et Andree Niccolai de Giugnis operariorum Opere Sancte Marie del Fiore de Florentia(2) dictis nominibus locavit et concessit ad pensionem fratri Bernardo quondam Stefani de Florentia et fratri ordinis fratrum predicatorum et Sancte Marie Novelle de Florentia presenti et conducenti pro se et suis heredibus unam apotecam vocatam la Galea de l'Opera sitam in populo Sancti Michaelis Vice Dominorum de Florentia in via que dicitur la via da' Fondamenti //dal canto di Balla, cui a I via, a II Opera predicta, a III et IIII Opera predicta, ad habendum, tenendum et possidendum pro tempore et termino unius anni proxime futuri initiandi die primo mensis aprilis proxime futuri et finiendi ut sequitur(3) pro pretio infrascripto et(4) cum infrascriptis pactis et condictionibus,(5) videlicet quod, si dictus frater Bernardus inceperit et initium dederit(6) duobus oculis vitrei quos tenetur facere prefate Opere in chatedrali ecclesia florentina hinc ad per totam diem primam mensis maii proxime futuri, habeat dictam apotecam ad pensionem pro pensione et nomine pensionis florenorum auri sex; et in casu quo dicto tempore non inceperit laborare dictos oculos, habeat dictam pensionem pro pretio florenorum otto auri; et possit gravari realiter et personaliter predictis non obstantibus ad restitutionem florenorum auri quinquaginta quos in una parte habuit mutuo a prefata Opera et in alia parte pro florenis auri quattuordecim quos etiam habuit mutuo a dicta Opera(7) et sic pro dictis quantitatibus possint(8) eius fideiussores gravari, videlicet Scholaus Iohannis Tosinghi pro summa tantum florenorum quinquaginta et infrascriptus(9) Iacobus Gueriantis pro summa tantum florenorum quattuordecim et(10) infrascriptus Dominicus dictam pensionem et omnia dampna et expensas ex inde secuturas;(11) quam apotecam dictus Bernardus promisit dicto nomine eidem fratri Bernardo non retollere durante dicto tempore sed ab omni homine, universitate et loco legiptime defendere etc.

Versa vice(12) dictus frater Bernardus et Dominicus Andree ortolanus populi Sancte Marie Novelle de Florentia et quilibet eorum in solidum etc. promiserunt dicto Bernardo dicto nomine recipienti dictam apotecam in fine dicti temporis relapsare et dimictere vacuam et expeditam et in eo statu quo ad presens est seu in meliori et dare et solvere dicte Opere dictam pensionem modis, condictionibus et temporibus suprascriptis etc. Quam(13) locationem et omnia predicta promisit una pars alteri et altera alteri firma et rata habere et tenere etc. et contra non facere vel venire etc. sub pena florenorum auri(14) centum etc., que pena etc., qua pena etc. pro quibus etc. obligavit dictus Bernardus dictam Operam et eius bona; et dicti frater Bernardus et Dominicus et quilibet eorum in solidum se et eorum et cuiuslibet ipsorum in solidum heredes et bona etc. renumptiantes etc. quibus precepi guarentigiam etc.

NOTE:

¹ Segue depennato "populi Sancti".

² Segue depennato "pr-".

³ Segue depennato "et".

⁴ "pro pretio infrascripto et" aggiunto nell'interlinea con richiamo nel testo.

⁵ Segue depennato "et quod".

⁶ Segue depennato "quod".

⁷ Segue depennato "pro d-".

⁸ Segue depennato "dictus inf-".

⁹ Segue depennato "Dominicus" sostituito in margine da "Iacobus Gueriantis".

¹⁰ Segue depennato "dictus".

¹¹ "et ... secuturas" aggiunto in margine con richiamo nel testo.