space Studies
italian
english
space Fonti Date Indici Soggetti1 Soggetti2 Reference Testi
DOCUMENTO: o0202001.078vgvedi immagine  
I. Trascrizione testo e dati essenziali
stairDATA: stair1427/8 febbraio 24
stairREGESTO: stairAssoluzione in favore di San Gimignano sulla vertenza dei legati testamentari.
FONTE:
AOSMF stairII 2 1 stairc. 78v-79v g deliberazioni
stairTITOLO: stairAbsolutio facta in favorem Communis Sancti Geminiani(1)
stairTESTO:
    In Dei nomine amen.
    Nobiles ac prudentes viri
    Silvester Tomasii de Popoleschiis
    Pierus Iohannis Andree Nerii Lippi
    Lucas domini Masi de Albizis
    Nerius Gini de Capponibus et
    Pierus Cardinalis de Oricellariis
operarii Opere Sancte Marie del Fiore de Florentia existentes collegialiter congregati et cohadunati in loco eorum audientie pro factis dicte Opere utiliter peragendis, absente tamen Bartolomeo Iacobi de Ridolfis eorum in dicto offitio collegha, et existente preposito dicti offitii Nerio Gini prefato, advertentes ad quamdam litem, questionem ac differentiam vertentem inter Commune Sancti Geminiani vallis Else comitatus Florentie et eius homines et personas ex una parte et Operam prelibatam et suos operarios ex altera occaxione cuiusdam gravamenti facti per exactores prefate Opere quibusdam hominibus et personis dicti Communis Sancti Geminiani ad instantaim prefate Opere pro quadam asserta debita solutione legatorum testamentorum hominum et personarum dicti Communis fieri debenda per prefatos homines dicti Communis Opere predicte vigore ordinamentorum Populi et Communis Florentie de materia disponentium, et considerantes allegationes factas coram eorum offitio pro parte dicti Communis per eius oratores effectualiter concludentes prefatum Commune non teneri nec obligatum esse solutioni legatorum prefatorum testamentorum nec subiacere quantum ad predictas ordinamentis de dicta materia disponentibus, vigore pactorum initorum inter(2) magnificum Commune Florentie ex una parte et prefatum Commune Sancti Geminiani ex parte altera tempore submissionis facte de dicta terra Sancti Geminiani, ac etiam vigore prescriptionis et interpetrationis dudum decurse quomodo prefatum Commune Sancti Geminiani stetet annis quinquaginta et ultra quibus nullum gravamentum seu noxia vel novitas(3) eidem illata fuit per dictam Operam seu eorum offitium; et viso quodam consilio reddito ad instantiam prefate Opere per egregium legum doctorem dominum Ghuiglielminum Francisci Tanaglia in effectum concludens prefatum Commune Sancti Geminiani et eius homines et personas ad solutionem prefatorum legatorum seu testamentorum teneri et obligatos esse prefate Opere prout disponitur per ordinamenta dicte Opere de materia disponentia quemadmodum alii comitatini comitatus Florentie maxime actento quod prefata legata sunt exceptuata in pactis dicti Communis Sancti Geminiani in ea parte ubi dicitur dictum Commune et eius homines esse immunes et exemptos ab omnibus et singulis impositis prestantiis, datiis, gabellis, et muneribus Communis Florentie realibus et personalibus seu mixtis tam in dictis quam indicendis seu imponendis, salvo quondam gabella contractuum, testamentorum et ultimarum voluntatum et sententiarum solvere teneantur Communi Florentie seu eius offitialibus vel habentibus ius vel causam a dicto Commune prout solvunt seu solvent alii comitatini civitatis Florentie; et visis quibusdam consiliis redditis per egregios legum doctores dominum Iohannem Ieronimi de (E)ugubio, dominum Bonacursum de Montemagno et dominum Bonacursum domini Niccolai de Torellis cives et advocatos florentinos coram uffitio ipsorum operariorum exibitis et productis per Angelum Michaelis de Sancto Geminiano oratorem dicti Communis in quibus quidem in effectum concluditur dictum Commune Sancti Geminiani et eius homines et personas non teneri nec obligatos esse dicte Opere ad solutionem dictorum legatorum //(c. 79) maxime quia dictum Commune Sancti Geminiani et eius homines et persone sunt exempta et immunia a prefato(4) onere prefatorum legatorum ex eo quod reservatio facta in dictis pactis non comprendit nec artat dictum Commune et eius homines ad dictam solutionem dictorum legatorum sive testamentorum de quibus in dictis ordinamentis continetur et posito casu licet non concesso sed expresse negato ut supra quod dictum Commune et eius homines ad prefatam solutionem teneantur obstat prescriptio longissimi temporis quod prefatum Commune et eius homines non tenentur ad dictam solutionem quomodo constat non solvisse nec fuisse coactos ad prefatam solutionem dictum Commune et eius homines annis quinquaginta et ultra, ac etiam concluditur per dicta consilia dictas reservationes factas in dictis pactis comprendere solum et dumtaxat gabellam contractuum et testamentorum et ultimarum voluntatum in aliis statutis sive ordinamentis gabellarum predictarum et non onus prefatorum legatorum sive testamentorum de quo onere locuntur ordinamenta edita in favorem dicte Opere, et quod nullo modo sub nomine gabelle dictum onus testamentorum sive legatorum Opere comprendi potest; et viso quodam alio consilio reddito ad requisitionem eorum successorum per egregium legum doctorem dominum Michaelem de Acoltis civem aretinum et advocatum florentinum continente in effectum prefatum Commune Sancti Geminiani et eius homines et personas non teneri nec obligatos esse ad solutionem legatorum testamentorum prefate Opere rationibus et causis infrascriptis aliis consiliis contentis; et visis quibusdam aliis consiliis redditis ad instantiam et requisitionem nostrorum antecessorum per egregios legum doctores, videlicet per prefatum dominum Ghuiglielminum Francisci Tanaglia et dominum Blaxium Lapi de Niccolinis cives et advocatos florentinos per que in effectum continetur dictum Commune Sancti Geminiani et eius homines et personas teneri et obligatos esse prelibate Opere ad solutionem legatorum testamentorum tam factorum quam fiendorum per homines et personas de dicto Communi Sancti Geminiani quemadmodum alii comitatini civitatis Florentie, actento maxime quod in pactis dicti Communis prefata legata sunt exceptuata, quoniam dicitur in eis dictum Commune esse immune, excepto quam a gabella contractuum, testamentorum et ultimarum voluntatum et quod onus prefatorum legatorum est gabella quia nichil aliud est quam novum nomen in civitatibus aliquibus ut in nostra in aliis autem dicuntur datia in aliis dogana etc.; et viso quodam punto formato de consensu partium predictarum supra dicta lite, et quodam consilio reddito super dicto punto per famosissimum utriusque iuris doctorem dominum Florianum de Sancto Petro de Bononia per quod apparet dictum Commune Sancti Geminiani et eius homines teneri dicte Opere ad solutionem dictorum legatorum rationibus in eo contentis; et viso quodam alio consilio super dicto punto reddito per famosissimum utriusque iuris doctorem dominum Iohannem de Ymola ad instantiam prefate Opere per quod clare concluditur dictum Commune Sancti Geminiani et eius homines et personas non teneri nec obligatos esse ad solutionem dictorum legatorum sive testamentorum seu onerum predictorum rationibus et causis in dicto consilio narratis; et visis et examinatis pactis predictis et ordinamento dicte Opere de verbo ad verbum ad ipsorum plenam et claram intelligentiam, et demum audito oretenus pro parte dicti Communis egregio legum doctore domino Nello Iuliani Martini cive et advocato florentino et pro parte dicte Opere,(5) audito domino Ghuiglielmino Tanaglia utriusque iuris(6) doctore, cive et advocato florentino et eorum allationibus, et tandem recollecto inter se ipsos(7) dictam litem in duobus consistere, videlicet: utrum dictum onus legatorum sive testamentorum quod per dictam Operam sive eius parte petitur sit gabella nec ne, et an posito quod esset gabella utrum prefatum Commune et eius homines et persone teneantur et obligati sint ad solutionem dictorum legatorum dicte Opere quemadmodum alii comitatini civitatis Florentie vigore pactorum initorum inter dictum Commune Sancti Geminiani et Commune Florentie in ea parte in qua dicitur dictum Commune Sancti Geminiani tractari et reputari et haberi debere quemadmodum veri et antiqui comitatini civitatis Florentie obstante cursu annorum quinquaginta et ultra; et visis et examinatis pluries inter se ipsos omnibus predictis insimul collectis et connessis et maxime verbis pactorum predictorum et statuti seu reformationis dicte Opere de dicta materia disponentium, et considerato quod secundum forum eorum conscientie videtur dictum onus legatorum non fore nec nuncupari quovis modo posse gabellam ex eo quod gabella legatorum testamentorum que sunt consueta solvi per alios comitatinos civitatis Florentie gabelle contractuum, etiam solvuntur per homines et personas de dicto Communi Sancti Geminiani et illa sub nomine gabelle comprenduntur et non onus predictum, et quod debeant parte actari in solutione legatorum prefatorum testamentorum //(c. 79v) quemadmodum in alii comitatini constat fore adsurdum(8), ex eo quod in dictis pactis factis iam annis septuaginta et ultra dicitur quod debeant haberi et reputari tamquam veri et antiqui comitatini civitatis Florentie intelligitur reservatis que continentur in prefatis pactis que faciunt eos immunes ab omnibus oneribus exceptis gabellis predictis, in quibus onus predictum quod dicte Opere solvi debet pro testamentis sive legatis non continetur: idcirco prefati operarii volentes unicuique ius et iustitia ministrare, prefatisque litibus silentium perpetuum inponi vigore eorum balie, auctoritatis et potestatis eis in hac parte date, concesse et tribute secundum ordinamenta Populi et Communis Florentie et omni modo, via et iure quibus melius potuerunt,(9) Dei nomine invocato pro tribunali sedentes dato, misso, facto et celebrato inter ipsos omnes solempni et secreto scruptineo ad fabas nigras et albas et obtento partito per quattuor fabas nigras redditas pro sic, una alba in contrarium reperta, declaraverunt dictum Commune Sancti Geminiani et eius homines et personas non tenuisse nec obligatos fuisse nec teneri vel obligatos esse dicte Opere vel alicui offitiali pro ea ad aliquam solutionem dictorum legatorum testamentorum et quarumcumque aliarum ultimarum voluntatum factorum et factarum per homines et personas dicti Communis Sancti Geminiani a tempore quod dicta pacta fuerunt inita et facta per dictum Commune Florentie et Commune Sancti Geminiani citra, nec etiam in futurum prefate Opere et ipsum Commune et eius homines et personas a predictis et quolibet predictorum absolverunt et reddiderunt perpetuo absolutos et omne et quodcumque gravamentum eis vel alicui eorum factum ad petitionem dicte Opere usque in presentem diem revocaverunt et anullaverunt et mandaverunt omnia pignora dicta de causa eis ablata restitui debere libere(10) sine aliqua solutione propterea fienda et ipsos et quemlibet eorum in statum pristinum reponendo ac etiam mandaverunt mihi Bartolomeo notario(11) prefate Opere in quibuscumque registris seu libris(12) dicte Opere omnes homines et personas que qualitercumque reperientur descripte in debitores dicte Opere pro dictis legatis capsari et cancellari et in futurum inhibuerunt mihi notario prefato ac etiam cuicumque alii meo successori non posse in debitorem quovis modo dicta de causa distribuere nec etiam per aliquem(13) exactorem gravari et molestari quovis modo, non obstantibus ordinamentis seu reformationibus circa prefatam materiam loquentibus quoquo modo, mandantes predicta omnia inviolabiliter osservari debere.
    Et predicta omnia et singula suprascripta acta fuerunt in(14) Opera prefata et in loco eorum(15) residentie per dictos operarios pro tribunali sedentes ut supra(16) sub anno Domini ab eius salutifera(17) incarnatione millesimo quadringentesimo vigesimo septimo indictione sexta die vigesimo quarto mensis februarii presentibus testibus ad hec vocatis, habitis et rogatis Bernardo Amerigi de Donatis provisore dicte Opere et Corso Bartolomei populi Sancti Fridiani de Florentia.
NOTE: 1 Nota nel margine: "publicata et reddita Communi prefato die" con spazio per la data, mai aggiunta.
2 Segue depennato "d-".
3 Segue depennato "edita".
4 Segue depennato "op-".
5 Segue depennato "v-".
6 Parola corretta.
7 Da "inter" aggiunto nell'interlinea con segno di richiamo nel testo.
8 Così nel testo.
9 Da "vigore eorum" aggiunto nel margine con richiamo nel testo.
10 Segue depennato "sine".
11 "Bartholomeus magistri Antonii de Sancto Miniate".
12 "seu libris" aggiunto nell'interlinea con richiamo nel testo.
13 Segue depennato "rectorem".
14 Segue depennato "lo-".
15 Segue depennato "au-".
16 Da "pro tribunali" aggiunto nell'interlinea con richiamo nel testo.
17 Aggiunta nell'interlinea con richiamo nel testo.
stairRAPPORTI: stairSi fa riferimento ad una petizione da parte del Comune di San Gimignano, riassunta nella delibera in data 25 ottobre 1426, ove la questione viene affidata al Tanaglia, nello stesso libro: stairO0202001.042b. Riassunti di consigli di questi si hanno, in data 25 ottobre 1426 e 7 maggio 1427, relativamente nello stesso libro: stairO0202001.043d; stairO0202001.058vd. Una delibera, in data 23 luglio 1427, testimonia la consegna e la lettura dei consigli di Floriano da Bologna e Giovanni da Bologna, nello stesso libro: stairO0202001.063vc.
Trascrizione: rb
II. Analisi del documento
Indici
stairNOMI E QUALIFICHE: stairSalvestro di Tommaso stairPopoleschi  - stairoperaio
stairPiero di Giovanni d'Andrea di Neri di Lippo  - stairoperaio
stairLuca di messer Maso stairAlbizzi  - stairoperaio
stairNeri di Gino stairCapponi  - stairoperaio
stairPiero di Cardinale stairRucellai  - stairoperaio
stairBartolomeo di Jacopo stairRidolfi  - stairoperaio
 - stairesattori
 - stairoratori del Comune
stairGuglielmino di Francesco stairTanaglia, messer   - stairdottore in legge
stairGiovanni di Girolamo da stairGubbio, messer   - stairdottore in legge
stairBonaccorso da stairMontemagno, messer   - stairdottore in legge
stairBonaccorso di messer Niccolò stairTorelli, messer   - stairdottore in legge
stairAgnolo di Michele da stairSan Gimignano  - stairoratore
stairMichele stairAccolti  - stairdottore in legge
stairBiagio di Lapo stairNiccolini, messer   - stairdottore in legge
 - staircomitatini
stairFloriano da stairSan Pietro di Bologna  - stairdottore in legge
stairGiovanni da stairImola  - stairdottore in legge
stairNello di Giuliano stairMartini  - stairdottore in legge
 - stairufficiali
stairBartolomeo  - stairnotaio dell'Opera
 - stairdebitori
stairBernardo d'Amerigo stairDonati  - stairprovveditore testimone
stairCorso di Bartolomeo da stairSan Frediano di Firenze  - stairtestimone
stairLUOGHI: stairSan Gimignano di val d'Elsa
stair(Firenze), contado
stairFirenze
stairISTITUZIONI: stairComune di San Gimignano
stairPopolo e Comune di Firenze
Ricerca guidata
stairFINANZE:
stairgabelle
gabella dei contratti
stairtestamenti
stairPERSONALE:
stairaltre menz. - interni
esattori - gravano debitori
Riferimenti
stairDOCUMENTARI: stairOrdinamenti del Popolo e Comune di Firenze
Analisi: ls
top of page left Codice right left Data right Ritorna guida Contatto home
© 2015 Opera di Santa Maria del Fiore