II 2 1: 213v: o0202001.213vc

DOCUMENTO:

o0202001.213vc

vedi immagine

I. Trascrizione testo e dati essenziali

DATA:

1434 aprile 13

REGESTO:

Commissione per la scelta di un consulente per le prestanze.

FONTE:

AOSMF

II 2 1

c. 213v

deliberazioni

TITOLO:

Commissio data Lotto Bartoli de Bischeris et ser Bartholomeo notario Opere eligendi unum consultorem ad consulendum super rationem Antonii Betti

TESTO:

Nobiles viri
Iacobus domini Raynaldi de Gianfigliazis
Antonius Bartolomei de Ridolfis
Antonius Leonardi de Raffacanis et
Ubertinus Iacobi de Risalitis
operarii dicte Opere existentes collegialiter congregati in loco eorum residentie pro factis dicte Opere utiliter peragendis, absentibus aliis eorum collegis, advertentes ad quoddam(1) rapportum factum per Lottum Bartoli de Bischeris electum per eorum offitium pro parte Opere una cum Iohanne Vieri de Altovitis electo per offitiales Montis pro eorum parte ad revidendum et in calculo ponendum rationes camerariorum prestantiarum qui fuerunt ab anno Domini millesimo quadringentesimo vigesimo primo citra de sex denariis pro libra ad ipsorum manus perventis(2) a pluribus personis vigore reformationis consiliorum Populi et Communis Florentie et de hiis quos dicti camerarii recipere debebant et tenebantur vigore reformationum predictarum et aliarum factarum tam in favorem Opere quam dictorum offitialium Montis super ratione camerariatus Antonii Tomasii de Minerbettis, per quem declaraverunt dictum Antonium debitorem Opere in quantitate et summa florenorum ...(3) quod dictus Antonius tenebatur et obligatus erat secundum eorum conscientias recipere a quibusdam civibus qui solverunt eorum catasta posita de mense augusti et settembris anni Domini MCCCCXXXI per totum mensem ianuarii 1431 cum certis emolumentis et assignamentis datis eisdem per quamdam provisionem factam in eorum favorem de dicto mense ianuarii 1431, secundum ordinamenta dicte Opere et dictorum offitialium Montis, et hec si et in quantum videatur discretioni dictorum offitialium, propterea ea que dictus Antonius camerarius predictus allegavit dictos tales(4) personas non fuisse comprehensos ad prefatam solutionem denariorum sex pro libra quia non fuit nec est gratia; volentes igitur dicti operarii unicuique ius et iustitiam ministrare deliberaverunt quod super predictis habeatur consilium sapientis expensis Opere(5) et, ut mature super predictis procedatur, commisserunt mihi Bartolomeo notario Opere et Lotto rationerio predicto ambobus existentibus in concordia eligendi unum sapientem quem voluerint ad consulendum super predictis in dicto rapporto intentatis de iure in predictis omnibus eorum conscientias onerando.