II 2 1: 231v: o0202001.231ve

DOCUMENTO:

o0202001.231ve

vedi immagine

I. Trascrizione testo e dati essenziali

DATA:

1435 aprile 27

REGESTO:

Assoluzione di un camarlingo delle prestanze dal debito denunciato dai revisori per quanto riguarda i 6 denari per lira dovuti da pupilli e vedove, ritenuti esenti.

FONTE:

AOSMF

II 2 1

c. 231v

deliberazioni

TITOLO:

In favorem Mattei Marci Bartoli

TESTO:

Prefati operarii existentes collegialiter congregati in loco eorum solite residentie pro factis dicte Opere utiliter peragendis, advertentes ad quemdam raportum factum per Bernardum Iohannis de Altovitis et Lottum Bartoli de Bischeris rationerios Opere ad revidendum rationes plurium camerariorum prestantiarum de ratione Mattei Marci de Bartolis olim camerarii prestantiarum de sex denariis pro libra perventis ad suas manus de pecunia Opere, per quem raportum dicti rationerii declaraverunt dictum Matteum debitorem dicte Opere in florenis auri viginti vel circa rationibus et causis in dicto raportu contentis; et considerantes quamdam deliberationem factam per eorum offitium modo et forma(1) in ea insertis; et auditis(2) et intellectis allegationibus factis per dictum Matteum et inter alias qualiter ipse indoctus legibus Communis Florentie et dicte Opere habuit recursum ad ser Filippum ser Ugholini ser Pierutii notarium reformationum Communis Florentie et petiit ab eo consilium utrum solvere tenebantur Opere et Monti sex denarios pro libra pupilli et vidue(3) vigore provisionis facte per consilia opportuna populi et Communis Florentie de solvendo duo catasta pro mense quolibet, et solutiones dictorum duorum catastorum describerentur ad Montem prout et quemadmodum scribi debent alie(4) solutiones fiende(5) per cives qui solvent omnes prestantias impositas quolibet mense et habeant interesse ut prefati cives solventes omnia catasta cuiuslibet mensis; et qualiter dictus Filippus dixit ad nullum solutionem sex denariorum dictos pupillos et viduas teneri et obligatos fore, ex eo quod nullam gratiam receperunt quia solvunt integrum seu veram sortem et infra tempus quatuor mensium, et quod contra ius et iustitiam faciebat accipiendos dictos sex denarios dicta de causa pro Opera; et intellecto quod ser Filippus illud idem dicto eorum offitio in palatio confirmavit, volentes eidem iustitiam ministrare, deliberaverunt quod dictus Matteus non possit vel debeat aliqua de causa pro dicta declaratione contra eum facta de qua apparet in libris dicte Opere gravari vel molestari personaliter vel in bonis nec posse per aliquod offitium ipsorum operariorum nec per aliquos eorum ministros micti ad speculum Communis Florentie pro dicta declaratione contra eum facta, que tantum veniret contra viduas et pupillos et non per alia de causa. Cum hac modificatione quod, si ullo umquam tempore appareret dictos pupillos et viduas soluisse dicta de causa dicto Matteo aliquid occaxione predicta, ex tunc prout ex nunc et ex nunc prout ex tunc declaraverunt dictum Matteum verum et legiptimum debitorem dicte Opere pro ea quantitate pecunie quam recepisset cum pena dupli dicte quantitatis et ipsum gravari debere et posse realiter et personaliter ad solvendum dictam quantitatem cum pena dupli et pro dicta quantitate micti debere ad speculum Communis Florentie per provisorem dicte Opere sine aliqua alia deliberatione sed solum habita de dictis solutionibus vera informatione.

NOTE:

¹ Segue depennato "ut".

² Corretto su "audita".

³ Segue depennato "cv-".

⁴ Corretto su "alias".

⁵ Corretto su "fiendas".

Trascrizione:

II. Analisi del documento

Indici

NOMI E QUALIFICHE:

Bernardo di Giovanni

Altoviti -