II 1 81: 27: o0201081.027c

DOCUMENT:

o0201081.027c

view image

I. Transcription of text and essential data

DATE:

1422 novembre 5

SUMMARY:

Cancellation of debt to sons declared not heirs and demand of payment from the true heir; renunciation of testamentary legacies for dowry remaining to the spouse and letter to the Podestà of Radda for demand of payment of the debtors.

SOURCE:

AOSMF

II 1 81

c. 27

resolutions

TITLE:

Galeotti de Ricasoli

TEXT:

Item intellecto Galeotto Bettini de Ricasolis narrante qualiter ipse pluries gravatus fuit ut heres dicti sui patris et qualiter ipse Bettinus ultimum testamentum condidit in quo sibi heredem instituit quendam Petrum Simonis de Brolio, ut patere dixit manu ser Miccaelis ser Fatii notarii florentini, et propterea ipse(1) heres ultimi testamenti gravari debet et non primi, et finaliter eius conclusione intellecta deliberaverunt quod ipse(2) Petrus heres ultimi testamenti gravetur et non ipse Galeottus et Gilius eius frater pro debitis ad que dicte Opere tenerentur heredes dicti Bettini;(3) et in casu quo heres alius dicti Bettini vel alia bona sua non reperirentur, tunc et eo casu ad solutionem debiti dicti olim Bettini dicte Opere ipse Galeottus et Gilius possint et debeant realiter et personaliter conveniri.
Ac etiam declaraverunt pro testamento olim condito per Niccolettam olim filiam Nerii domini Bindacci de Ricasolis olim per eam conditi antequam nuptui traderetur(4) solutionem(5) legatorum Opere fiendorum in testamentis fieri non debere, cum post dictum testamentum nupta(6) fuerit Antonio Iohannis de Spinis et sibi tradita et mortua sit et eius bona pro dotibus remanserint dicto olim viro suo.
Et quod scribatur lictera pro eorum parte Potestati Radde continens quod gravet dictos heredes Bettini pro ea quantitate quam solvere debet pro eius prestantiis et gratiis.