 TEXT:
|
|
Prefati operarii, absentibus Iohanne de Riccialbanis, Batista Doffi de Arnolfis, Verio de Rondinellis et Filippo de Giugnis eorum collegis, considerantes Iohannem Bartolomei de Castro Florentino apparere debitorem Opere in florenis auri viginti sex pro gratiis suarum prestantiarum, prout apparet per libros prefate Opere, et reperto dictum Iohannem solvisse Iohanni de Niccolis ut provisori Opere florenos auri sedecim, prout apparet per quaternum capse Niccolai de Barbadoris,(2) et audito prefato(3) Iohanne(4) de Niccolis narrante dictam quantitatem florenorum sedecim recepisse(5) pro quadam summa florenorum quam eidem alia de causa dare tenebatur(6) in summa quadam seu partita florenorum quinquaginta, quam summam prefatus Iohannes Niccoli petiit declarari per prefatum Iohannem de Castro Florentino, et viso libro dicti Iohannis Niccoli et partita dicte quantitatis florenorum auri quindecim, volentes igitur prefati operarii unicuique ius et iustitiam ministrare et Operam prefatam suum debitum fovere, deliberaverunt quod si per totam diem vigesimam presentis mensis octobris prefatus Iohannes Niccoli(7) non declaraverit et ostendiderit alia iura quam superius oblata non teneri nec obligati esse ad solutionem dicte quantitatis florenorum sedecim fiendam prefate Opere, teneatur et debeat solvere prefate Opere, elapso dicto termino, dictam quantitatem florenorum auri sedecim, et quod provisor dicte Opere teneatur et(8) debeat eumdem Iohannem Niccoli cogere et compellere seu cogi et compelli facere omnia iuris remediis ad solvendum dicte Opere dictam quantitatem florenorum auri sedecim. Et in casu quo dictus Iohannes Niccoli aliud ostendiderit provisori Opere ultra superius allegata teneatur et debeat provisor dicte Opere coram eorum offitio prima vice qua congregabitur eorum offitium reportare quid ostendidit prefatus Iohannes Niccoli.
|
|
