II 2 1: 150: o0202001.150c

DOCUMENT:

o0202001.150c

view image

I. Transcription of text and essential data

DATE:

1431 ottobre 26

SUMMARY:

Assignment of a house to a canon and of part of his previous house to the baptizer at San Giovanni.

SOURCE:

AOSMF

II 2 1

c. 150

resolutions

TITLE:

Pro domino Francischo della Casa et pro battezerio prepositi

TEXT:

Nobiles viri
Agustinus Gini de Capponibus
Bernardus Lodovici Doffi
Niccolaus Pieri Tomasi de Popoleschis
Nuccius Benintendis de Solosmeis
operarii prefate Opere existentes collegialiter congregati et cohadunati(1) in domo Artis Lane pro factis dicte Opere utiliter peragendis, existente preposito prefato Agustino et absentibus aliis eorum collegis, servatis servandis consignaverunt pro eius domo et habitatione in claustro capituli florentini domino Francischo Filippi Ghezi della Casa canonico florentino licet absenti et Bernardo(2) filio dicti Filippi et fratri carnali dicti domini Francisci presenti et pro dicto domino Francischo petenti et recipienti domum in qua dominus Amerighus de Medicis olim prepositus prefati capituli stabat et habitabat, que est prope portam prefati claustri, pro eo tempore quo placuerit dicto eorum offitio ac etiam offitio dominorum consulum Artis Lane civitatis Florentie, si et in quantum solvat tassam prefate domus alias factam et solutam per prefatum dominum Amerighum illis terminis alias per eorum offitium factis prefato domino Francischo de tassa domus quam ad presens tenet a prefata Opera, et si et in quantum relapset libere disgombratam ad presens domum quam nunc tenet a dicta Opera de novo fideiubendo de solvendo prefatam tassam dictis terminis alias statutis per eorum offitium, cum hoc quod prima tassa schomputetur in secunda tassa, habita consideratione quod in dicta domo non stetit ultra unum mensem ad plus. Ac etiam consignaverunt battezerio prepositi Sancti Iohannis unam partem domus in qua stabat prefatus dominus Francischus ad declarationem dicti battezerii pro eo tempore quo placuerit dictis duobus offitiis et cuilibet eorum.