 TEXT:
|
|
Simili modo et forma informati predicti consules et operarii qualiter die ...(1) proxime preteriti tunc operarii dicte Opere(2) rationibus et causis in deliberatione insertis deliberaverunt quod Antonius ...(3) Mazetti a Communi Pisarum haberet et recipere et habere deberet quibuslibet duobus mensibus tunc futuris florenos decem auri, prout constat manu ser Laurentii Pauli tunc notarii Opere supradicte, et informati qua de causa predicta processerunt iustis causis moti prout asseruerunt ipsam provisionem et partitum in quantum circa negotium dicti Antonii et Communis Pisarum(4) contineat et omnia et singula in ea contenta revocaverunt, cassaverunt et anullaverunt, ipsaque omnia et singula deliberanda, providenda, disponenda,(5) declaranda et exequenda commiserunt discretioni et prudentie operariorum ipsius Opere tam presentium quam futurorum hinc ad per totum mensem aprilis proxime futuri; et quod quicquid(6) per ipsos operarios vel duas partes eorum(7) provisum, deliberatum, declaratum et stantiatum fuerit, valeat et teneat et possit et debeat effectualiter observari et executioni mandari, omni oppositione et contradictione cessantibus penitus et remotis.
|
|
