 TEXT:
|
|
Paulus Soldi Soldini provisor suprascriptus (dicte Opere) vigore commissionis sibi a dictis operariis facte locavit Iohannis Antonii Pucci civi florentino fornaciario(1) pro se et sociis conducenti et eorum heredibus infrascriptam conductam(2) calcine, videlicet:
|
|
In primis debet et teneatur dictus Iohannes et socii durante tempore trium annorum proxime futurorum initiandorum in kalendis mensis aprilis proxime futuri conducere et conduci et dari et tradi facere dicte Opere et ad dictam Operam omnibus ipsius Iohannis et sociorum propriis sumptibus et expensis quolibet mense dicti temporis modia viginti calcine bone, excepto tamen in quolibet anno ipsorum trium annorum a medio mense decembris usque ad per totum mensem februarii cuiuslibet anni ipsorum trium, in quo tempore dictam calcinam dare et conducere non teneantur; et hoc pro pretio librarum trium et soldorum trium quolibet modio absque aliqua diminutione. Si deficerent in dando et conducendo dictam calcinam ut predicitur, operarii possint sumptibus dictorum conductorum usque in dictam quantitatem modiorum ab aliis emere et habere. Et non teneatur dicta Opera dictam calcinam recipere contra suum velle et si non summerent in aliquibus mensibus, non possit ipsa Opera pro aliis mensibus ipsos(3) conductores cogere ad dandum et conducendum maiorem summam modiis viginti predictis contra eorum velle. Debet et teneat ipsa Opera ipsis conductoribus mutuare(4) statim florenos centum, de quibus ipsi conductores quolibet mense dicti temporis ipsi Opere restituere teneant in pecuniis florenos quattuor auri, exceptis mensis decembris, ianuarii et februarii, in quibus tribus mensibus ad restitutionem dictorum florenorum minime teneantur dicti conductores, sive dent calcinam sive non, pro quibus omnibus observandis et firmis habendis et tenendis dictus Iohannes dicti nomine obligavit dicto provisori et mihi notario infrascripto(5) vice et nomine dicte Opere recipienti se et eius heredes et bona presentia et futura. Pro quo quidam Iohanne(6) et eius precibus et mandatis in omnibus et singulis suprascriptis et quolibet eorum penes dictum Paulum et me notarium predictum ut supra recipientes
|
|
Lucas Iohannis Bonini et
|
|
Andreas Nofrii lastraiuolus
|
|
cives florentini et quilibet eorum fideiusserunt et in solidum promictentes se facturos et curaturos ita et taliter omni iuris et facti exceptione remotis quod dictus Iohannes dictis nominibus actendet et observabit omnia suprascripta, alias de eorum proprio actendere et observare promixerunt, et propterea ut supra obligaverunt se et quemlibet eorum et omnia(7) eorum et cuiuslibet eorum bona presentia et futura renumptiaverunt etc.
|
|
