II 1 79: 26: o0201079.026a

DOCUMENT:

o0201079.026a

view image

I. Transcription of text and essential data

DATE:

1421 settembre 17

SUMMARY:

Ruling regarding the allocation of funds to be decreed for a supply of lumber with penalty to the supplier if he should not respect the consignment.

SOURCE:

AOSMF

II 1 79

c. 26

resolutions

TEXT:

Operarii Opere prelibati invicem in loco eorum audentie more solito in sufficienti numero congregati servatis servandis secundum ordinamenta deliberaverunt quod Nolfus Benedicti de Vicorati conductor lignaminis a dicta Opera et qui prout assertum fuit per eum incidi fecit et partim trahi de Alpibus(1) secundum formam sue conducte et etiam asseritur non traxisse ad sufficientiam pro observantia eius prefate conducte, si et in quantum fidem faciat dicto eorum officio vel provisori infra otto dies proxime futuros quod de lignaminibus sue conducte traxerit et conduxerit ad flumen Decomani vel Moscie, videlicet ad loca consueta, traina centum, intelligatur sibi factum(2) vel fiat sibi stantiamentum librarum centum et ei dari et solvi possit pro parte solutionis dictorum centum trainorum; et quod, si et in quantum infra XV dies proxime futuros post dictos otto conduxerit et posuerit ad loca et ut supra alia centum traina lignaminis predicti, sibi etiam(3) solvatur et tradatur pro parte solutionis eorumdem quantitas librarum centum; et quod postea ipsis lignaminibus ut supra infra dictum tempus conductis secum fiat computum et integre sibi solvi et satisfieri possit et debeat eo modo et forma et prout et sicut in prima eius locatione continetur et fit mentio, non obstantibus quibuscumque postea in contrarium vel aliter deliberatis. Eo tamen expresse apposito, quod(4) si deficeret in conducendo ut predicitur,(5) possit et debeat sibi detrahi et retineri de quantitate promissa(6) quantitas soldorum quinque pro quolibet traino deficiente conduci ad utilitatem dicte Opere et dapnum dicti Nolfi, que quantitas post defectum statim per provisorem dicte Opere ad eius computum describatur et debitor dicte Opere efficiatur pro dicto defecto in soldis quinque pro traino ut supra deficiente. Et ex nunc omnibus observatis predictis et non aliter intelligatur et sit ab omni pena incursa per inobservantiam dicte sue prime conducte et contenta in ea absolutus et plenissime liberatus, presente dicto Nolfo et predictis omnibus consentiente, ratificante, promictente et affirmante.

NOTES:

¹ Parola corretta con "b" depennato dopo "Alp-".

² Segue depennato "et f-".

³ Segue depennato "satisfa-".

⁴ Segue depennato "in q".

⁵ Segue depennato "teneatur et debeat".

⁶ Segue depennato "soldos".

Transcription:

II. Analysis of document

Indices

NAMES AND ROLES:

Nolfo di Benedetto da