 TEXT:
|
|
Item intellecto qualiter tempore quo imposite fuerunt nove gabelle inter alia fuit imposita gabella que dicta fuit delle bocche sive del macinato pro tempore trium annorum de mense novembris anni MCCCCXIII initiatorum et pro dicta gabella pro bocchis solvere //(c. 19v) debentibus imposita fuit communibus de Potestaria Castri Focognani(1) de quibus infra particulariter fiet mentio quantitas in totum inter omnia librarum ducentarum settuaginta otto(2) soldorum undecim f.p. pro anno quolibet, et quod quantitas pro anno primo dictorum trium debita reperitur integre persoluta, et pro annis secundo et tertio ipsa communia debitricia restare in quantitate librarum quingentarum quinqueginta settem soldorum duorum f.p.; et intellecto qualiter ipsa communia debitricia sunt tante quantitatis quia putaverunt comprehendi in gratia remotionis dicte gabelle pro secundo et tertio anno facte in fine dicti primi anni in qua vere comprehensa fuere solum et dumtaxat communia et loca comitatus supportantia extimum ordinarium comitatus incameratum in Camera Communis Florentie et non alia ullo modo et inter que ipsa communia comprehensa non sunt; et intellecto qualiter quantitates solvi restantes pro dictis gabellis fuerunt dicte Opere iam sunt plures anni elapsi per auctoritatem habentes adiudicate; et intellecto de paupertate hominum et personarum communium predictorum et qualiter gratiam indigent de termino longiori; et intellecto ser Iacobo Iohannis de Rassina ambaxiatore et mandatario dictorum communium asserente et confitente dictum debitum et quantitatem esse verum et solvi debere, volentes ipsam quantitatem exigere et etiam impotentie communium predictorum compati et prout iustum fore crediderunt providere, servatis servandis ut supra providerunt, ordinaverunt et deliberaverunt quod dicta Potestaria Castri Focognani et eius communia predicta et infrascripta possint, teneantur et debeant ipsam quantitatem librarum VCLVII soldorum II in dictis duobus annis debita(3) dare et solvere dicte Opere et seu camerario ipsius Opere pro ipsa Opera recipienti quolibet anno futuro hodie initiando libras sessaginta f.p. usque quo integre dicte Opere solverint et satisfecerint de tota ipsa quantitate (librarum) 557 soldorum 2; et ad solvendum in dicti terminis et temporibus et modo et forma predictis ipsis communibus et Potestarie terminum statuerunt et sic observando in solutionibus predictis ad maiorem quantitatem solvendam annuatim minime cogi vel conveniri possint nec etiam alius(4) vel alii pro eis ullo modo capi vel gravari.
|
|
Eo quoque in predictis addito et expresse apposito quod in quocumque termino defecerint solutionem facere de dictis libris sessaginta pro anno intelligatur et sit benefitium et gratiam dicti termini pro tempore tunc futuro et quantitate restante revocatum, cassum et anullatum et pro omni quantitate restante post defectum possint et debeant realiter et personaliter conveniri, non obstantibus supradictis; presentibus ser Iacobo Iohannis(5) mandatario et ambaxiatore predicto et predictis omnibus consentiente(6) et ratificante.
|
|
//(c. 20)
|
|
Communia et loca dicte Potestarie Castri Focognani sunt hec, videlicet:
|
|
Commune Castri Focognani,
|
|
Commune Socane,
|
|
Commune Casalecchi,
|
|
Commune Vanne,
|
|
Commune Caprarie,
|
|
Commune Salutii,
|
|
Commune Rassine,
|
|
Commune Pontenane,
|
|
Commune Cardi,
|
|
Commune Montis Aguti,
|
|
Commune Faltone,
|
|
Commune Bagnene,
|
|
Commune Talle et
|
|
Commune Lorenzane.
|
|
