 |
|
|
|
| DOCUMENT: |
o0201081.056a | view image |
|
| I. Transcription of text and essential data |
|
 DATE:
|
 1422 agosto 28 |
|
SUMMARY:
|
Contract to kilnman of broad terracotta bricks with advance of part payment.
|
|
SOURCE:
|
| AOSMF |
II 1 81 |
c. 56-56v |
a |
allogagioni |
|
|
TEXT:
|
|
Item postea dictis anno et indictione et die XX octavo dicti mensis agusti.
|
|
Operarii Opere supradicti invicem ut supra more solito et in loco eorum audientie in sufficienti numero congregati servatis servandis secundum ordinamenta vigore auctoritatis et potestatis eisdem competentis et omni modo, via et iure quibus melius potuerunt, locaverunt et concesserunt Antonio olim Vannozi fornaciario populi Sancti ...(1) presenti et conducenti pro se et suis heredibus ad faciendum et componendum et seu fieri et componi faciendum in fornace domini abbatis et abbatie Settimi existente prope et penes dictam abbatiam et de terreno ibi prope existente miliaria(2) sexcenta quadronum terre cocte(3) ad minus, et si maiorem numerum poterit seu volent, maiorem numerum faciat et componat, qui bene sint cocti et facti et de bona terra secundum quod consuetudo est coqui et fieri in fornace predicta et receptibiles pro cupola maiori dicte ecclesie Sancte Marie del Fiore construenda in tempore et terminis infrascriptis sub(4) forma et modono(5) lateris(6) ligni existentis in ipsa Opera et sibi tradendi signati signo et bulla dicte Opere, que forma et modonus(7) seu later ligni est penes provisorem dicte Opere, ad quam formam et mensuram longitudinis, latitudinis et altitudinis debeant conduci et reduci cocti dicti quadrones conducendi(8) cum infrascriptis pactis, modis, condictionibus et pretiis, videlicet:
|
|
Primo namque debet dictus Antonius conductor ipsos quadrones prout supra dictum est de bona terra bene coctos et stasionatos et receptibiles ad voluntatem(9) operariorum dicte Opere et eorum caputmagistri conducere, dare, tradere et consignare dictis operariis seu dicti officiis(10) ministris ad recipiendum deputatis ad ipsam Operam et in ipsa Opera propriis sumptibus et expensis omnibus dicti conductoris in tempore et termino(11) trium annorum futurorum initiandorum die primo mensis aprilis proxime futuri(12) anni MCCCCXX tertii, videlicet die finis prime locationis dicte fornacis facte per olim operarios dicte Opere Pardo Antonii fornaciario de Vulterris et sociis et ut sequitur finiendorum, dando quolibet anno ipsorum trium annorum tertiam partem ad minus dictorum sexcentorum miliariorum ipsorum quadronum, aut maiorem numerum et quantitatem si de maiori poterit seu volet ut supra dicitur, in Opera et loco supradictis, pro quo tempore trium annorum initiando et finiendo ut supra dicitur intelligatur et sit(13) dicta fornax olim per operarios dicte Opere ab ipso domino abate conducta eidem Antonio locata et pro eodem pretio et pensione pro quo et qua ab ipso domino abate per ipsos operarios conducta fuit et per ipsum Antonium persolvendo domino abbati et abbatie predicte.
|
|
Eo tamen addito, apposito et intellecto, quod si in aliquo anno ex dictis tribus deficeret in conducendo ut predicitur debitam quantitatem quadronum, perfici, compleri, adimpleri,(14) emi et conduci possint per operarios dicte Opere a quocumque et per quemcumque fornaciarium et pro quocumque pretio etiam maiore quam sit eidem Antonio pro quolibet miliario(15) debitum et promissum //sumptibus, dapno et expensis ipsius Antonii dumtaxat et non Opere prelibate; et e converso:
|
|
Debent(16) dicti operarii pro dicta Opera eidem Antonio conductori ut supra recipienti de pecunia dicte Opere mutuare florenos auri quadringentos, de quibus continue possit et sibi liceat retinere florenos auri ducentos et ipsos restituere in quadronibus conducendis et per viam excomputi in anno ultimo dicte conducte et non primo si ipse non voluerit; reliquos vero ducentos habere et recipere paulatim prout et quando transmictet ipsos quadrones et ipsos excomputare in quadronibus transmictendis prout pro rata tanget, et ipsum mutuum primorum ducentorum tradere et seu tradi facere in principio tempore dicte conducte conductori prefato vel eius procuratori legiptimo.
|
|
Item debeant prefati operarii ut supra pro dicta Opera pro pretio ipsorum quadronum dare, solvere et tradere ipsi conductori ut supra stipulanti pro quolibet miliario ipsorum quadronum, ipsis primo in ipsa Opera eiusdem(17) conductoris propriis sumptibus et expensis omnibus conductis et debite consignatis, libras decem novem f.p. integras et absque aliqua diminutione, detractione vel retentione fienda,(18) et sic per camerarium solvi et dari possit et per eum et notarium dicte Opere ad exitum poni, viso dumtaxat stantiamento propterea facto per operarios Opere prelibate; eo quoque excepto, quod si gabella aliqua Communi Florentie deberetur pro mictendo Florentiam ipsos quadrones, sumptibus dicte Opere tantum et non conductoris persolvatur.
|
|
Item debeant operarii dicte Opere pro tempore existentes ac etiam teneantur ad requisitionem dicti conductoris, cum quadrones fecerit et cesserit(19) operari, cum effectu quod a carradoribus conducantur pro iusto pretio habendo pro vectura et recipiendo, quod pretium super Operam persolvetur, detrahatur de pretio dictarum librarum XVIIII eidem conductori debito pro quolibet miliario.
|
|
Debeat etiam ipse Antonius conductor antequam dictam quantitatem mutui in totum vel pro parte aliqua recipiat ydonee satisdare penes provisorem(20) et notarium dicte Opere pro ipsa Opera recipienti pro observantia et de observantia premissorum et dicti mutui restitutione per fideiussorem unum vel plures approbandum per officium Opere prelibate et non aliter.
|
|
Predicta quidem omnia et singula promixerunt dicte partes dictis nominibus(21) sibi in viam et vicissim solepni stipulatione hinc intervenientibus perpetuo actendere et observare et contra non facere vel venire per se vel alium aliqua ratione vel causa in iudicis vel extra de iure vel de facto sub pena et ad penam dupli eius unde pro tempore ageretur etc. et sub refectione dapnorum et expensarum etc. obligantes etc. renumptiantes etc. per guarentigiam etc. cum protestatione facta per operarios quod per predicta nolunt se obligare etc., sed solum dictam Operam etc.
|
|
| NOTES: |
1 Spazio bianco per il nome del popolo.
2 Segue depennato "duc-".
3 Segue depennato "bene coctorum et fac-".
4 Parola corretta.
5 Parola con desinenza corretta.
6 Aggiunto nell'interlinea con richiamo nel testo.
7 Segue depennato "est".
8 Parola corretta da "conduci".
9 Segue depennato "dictorum".
10 Così nel testo.
11 Segue depennato "q-"; segue ripetuto nel testo "termino".
12 Segue depennato "videlicet die finis".
13 "et sit" aggiunto in margine con richiamo nel testo.
14 Segue depennato "et".
15 Parola corretta da "miliarium".
16 Segue depennato "namque" corretto su "namquam".
17 Segue depennato "propriis".
18 Segue depennato "vis-".
19 Nel testo "cosserit".
20 Segue depennato "dicte Op-".
21 Segue depennato "perpetuo".
|
| LINKS: | Si fa riferimento alla commissione al provveditore nello stesso bastardello di deliberazioni: O0201081.010vc. |
|
BIBLIOGRAPHY:
|
Saalman 1980, n. 161-8, citato.
Saalman 1980, n. 180-1, estratto.
|
|
Transcription:
|
gb
|
|
| II. Analysis of document | |
| Indices |
|
|
NAMES AND ROLES:
|
Antonio di Vannozzo
- fornaciaio
- abate di Settimo locatore fornace
Pardo d'Antonio da Volterra
- fornaciaio
- compagni di Pardo d'Antonio fornaciaio
- provveditore
- notaio dell'Opera
|
|
PLACES:
|
Settimo, badia, fornace
|
|
INSTITUTIONS:
|
badia di Settimo
Comune di Firenze
|
| Guided research |
|
|
PERSONNEL:
|
| other ments. - intern. |
|
|
|
DESTINATIONS:
|
| Duomo - cupola/tambour |
| cupola maggiore - allogagione di quadroni |
|
|
|
OBJECTS:
|
| models/designs |
| modano di legno per quadroni bollato con segno dell'Opera |
|
|
|
MATERIALS:
|
| purchase - earthen |
| terracotta, quadroni, 600.000 - allogagione |
|
| other ments. - wood |
| legno, mattone - modano per quadroni |
|
|
|
Analysis:
|
gb
|
|
