II 1 85: 3: o0201085.003c

DOCUMENT:

o0201085.003c

view image

I. Transcription of text and essential data

DATE:

1424 novembre 22 (1)

SUMMARY:

Order to master builder, administrator and scribe to compile each one a written report about the workers on a daily wage basis, so that the wardens are fully informed and can set their salaries.

SOURCE:

AOSMF

II 1 85

c. 3

resolutions

TEXT:

Existente preposito nobili viro Antonio Tomasii Ghuccii cum offitio et auctoritate solitis.
Supradicti domini operarii invicem in loco solito eorum audientie more solito in sufficienti numero congregati, absentibus tamen Bernardo Verii de Guadagnis et Antonio Tomasii Ghuccii eorum collegis, misso, facto et cellebrato inter eos solempni et secreto scruptineo ad fabas nigras et albas et obtento partito secundum ordinamenta dicte Opere deliberaverunt quod
Batista Antonii caputmagister Opere Sancte Marie del Fiore de Florentia et
Bernardus Amerigi de Donatis provisori(2) dicte Opere et
Filippozo(3) Giovenchi de Bastariis scribano(4) dicte Opere
faciant quilibet ipsorum de per se unam scriptam, in qua ponantur nomina et prenomina omnium, qui laborant ad diem in dicta Opera, et quantitates, quas dictis laborantibus videtur eisdem convenire pro qualibet die, qua laborabunt in dicta Opera pro eorum salario et mercede pro tempore et termino sex mensium initiatorum die primo octobris proxime preteriti et finitorum die ultimo martii proxime futuri 1425; et postea dictas scriptas prefato modo factas ac compositas reportare prima vice qua congregabuntur operarii prefati pro eorum offitio exercendo coram dictis operariis, ad hoc ut prefati operarii videant et cognoscant et habeant plenissimam informationem de faciendo dictis laborantibus pro dicto tempore salarium condecens.