II 2 1: 36v: o0202001.036vc

DOCUMENT:

o0202001.036vc

view image

Referenced in:

Terenzi, Maestranze

I. Transcription of text and essential data

DATE:

1426 luglio 11

SUMMARY:

Letter to the supervisors of Pisa for supply of white marble, injunction of supplier and summons of the notary of testaments.

SOURCE:

AOSMF

II 2 1

c. 36v

resolutions

TITLE:

Littera provisoribus Pisarum

TEXT:

Nobiles ac prudentes viri
Loysius Alexandri ser Lanberti
Silvester Tomasii de Popoleschiis
Niccolaus Andree del Palagio
Iulianus Tomasii Ghuccii et
operarii Opere Sancte Marie del Fiore de Florentia, delato eidem Loysio corporali iuramento ad delationem mei notarii infrascripti,(1) qui Loysius iuravit corporaliter ad sancta Dei evangelia scripturis corporaliter manu tactis eius offitium bene et diligenter exercere secundum formam ordinamentorum dicte Opere, existentes omnes(2) collegialiter congregati et cohadunati in loco eorum solite residentie pro factis dicte Opere utiliter peragendis, absentibus tamen Filippo Niccolai de Giugnis et Antonio Michaelis de Vellutis eorum in dicto offitio collegiis, dato, misso et celebrato inter eos solempni et secreto scruptineo ad fabas nigras et albas et obtento partito deliberaverunt quod scribatur littera provisoribus civitatis Pisarum quod placeat eis locare barchaiuolis de Portoveneri ad conducendum marmorem album prefate Opere ad civitatem Pisarum eorum periculo pro pretio florenorum triginta trium pro quolibet miliari; et pro predictis exequendis precipiatur Bertino de Septignano conductori dicte Opere quod vadat Pisas ad dictos provisores et(3) libras centum pro dando et solvendo dictis barchaiuolis pro conducendo dictum marmorem;(4) scribatur per Iulianum Tomasii Ghuccii camerario civitatis Pisarum quod solvat dictis barchaiuolis dicto marmore conducto,(5) ac etiam scribatur dictis provisoribus(6) quod ille notarius pisanus deputatus super exactione testamentorum Opere non fuit coram eis ut promisit, prout continetur in eorum litteris, et quod citetur eum quod eius offitium faciat sollicite et fideliter et eidem bene providebitur adeo quod erit contentus.