II 2 1: 143v: o0202001.143va

DOCUMENT:

o0202001.143va

view image

Referenced in:

Becattini, Selva

I. Transcription of text and essential data

DATE:

1431 giugno 15

SUMMARY:

Extraordinary rulings pertaining to supplies of mortar and broad bricks in times of particular economic hardship.

SOURCE:

AOSMF

II 2 1

c. 143v

resolutions

TITLE:

Provisio facta circa quadronos et calcem

TEXT:

Nobiles viri(1)
Bernardus domini Blaxii de Guaschonibus
Filippus Niccolai de Giugnis
Bartolomeus Bencivennis dello Scharfa
Bertus Francisci de Filicaria
Andreas Michaelis de Vellutis et
Michael Benedicti ser Michaelis
operarii Opere Sancte Marie del Fiore de Florentia, existente preposito dicti offitii prefato Bernardo de Guaschonibus, existentes omnes congregati collegialiter in Opera in loco eorum audientie pro factis dicte Opere utiliter peragendis servatis servandis, audito et intellecto quod Opera prefata indiget pecunia et qualiter eius introytus sunt diminuti et extenuati et exitus suus est augmentatus et qualiter ob predicta ipsa est oppressa a multis debitis que adscendunt ad quantitatem librarum sex milium et non habet unde solvere, volentes predictis obsistere et utilitati dicte Opere providere deliberaverunt quod nullus fornaciarius quadronum terre(2) et calcine possit mictere in Opera aliquod(3) genus dicti laborerii sine eorum partito et deliberatione; et quod eorum scribanus qui est super giornatis deputatus(4) aliquam aliam(5) quantitatem dicti laborerii acceptare non(6) teneatur nisi fuerit deliberatum per eorum offitium ut supra(7) sub pena(8) remotionis eius offitii ad quem deputatus est, cum hoc excepto quod Ugholinus Andree de Bagnachavallo fornaciarius Opere possit ad sui libitum conducere seu conduci facere ad Operam usque in quantitatem sex milium quadronum terre,(9) cum hoc excepto(10) quod eidem per eorum offitium non possit aliqua quantitas pecunie stantiari hinc ad otto menses proxime futuros vel in(de) ad annum tunc proxime futurum; et quod postea quando pro laborerio dicte cupole Opera prefata indigeret quadronibus seu calce, Filippus ser Brunelleschi et caputmagister prefate Opere teneantur et debeant solum et dumtaxat conduci facere in Opera illud laborerium quadronum et calcis quibus Opera pro cupola indigeret a debitoribus Opere et ponere ad eorum computum donec et quousque Opere de eius debitu fuerit satisfactum;(11) et si debitores Opere non haberent laborerium ad fulciendum Operam ad sufficientiam, tunc expensis dictorum debitorum teneantur accipere ab aliis conductoribus prefate Opere.