II 2 1: 145v: o0202001.145vf

DOCUMENT:

o0202001.145vf

view image

I. Transcription of text and essential data

DATE:

1431 luglio 13

SUMMARY:

Revocation of demand of payment for forced loans pertaining to a farm on account of error of identity of person.

SOURCE:

AOSMF

II 2 1

c. 145v-146

resolutions

TITLE:

Pro domina Agnoletta de Falchoneriis et in favorem detentorum cuiusdam poteris per eam venditi

TEXT:

Prefati operarii congregati ut supra,(1) absentibus Thomaxio de Corbinellis et Michaele Benedicti ser Michaelis eorum collegis, advertentes ad quodam gravamentum factum ad petitionem ipsorum offitii contra personam domine Agnolette filie olim Iacobi Pauli de Covonibus populi Sancti Pauli de Florentia et uxoris olim Nerii Chiarissimi de Falchoneriis, que domina moratur in populo Sancti Petri Scheradii de Florentia, tamquam(2) detentricem infrascripti poderis, videlicet unius poteris cum domo pro domino et laboratore, colunbaria, volta sub terra, curia, furno, puteo et area et cum terris partim vineat(is) et partim laborat(ivis) cum pergolis et arboribus fructiferis et non fructiferis positi in comitatu Florentie in populo Sancti Donati sive Sancti Iacobi a Torri loco dicto Polverosa, quibus omnibus a I via publica, a II bona ecclesie Sancti Iacobi de Polverosa, a III domini Christofani Anfrionis de Spinis in parte(3) et in parte heredum domine Belloze, a IIII ecclesie Sancti Romuli de Florentie in parte et in parte Baldassarris de Obliachis sive eius heredum, infra predictos confines vel alios veriores, pro sex prestantiis impositis tempore offitialium novarum gabellarum de anno 1412, ad quas sunt descriti debitores filii et heredes Nerii Chiarissimi de Falchoneriis(4) in florenis auri sex, prout apparet in registro prestantiarum Sancti Iohannis a c..., quod podere asseritur per exactores Opere fore obligatum pro dictis prestantiis tamquam bona filiorum et heredum dicti Nerii Chiarissimi; et considerantes quoddam laudum coram eorum offitium(5) productum per prefatam dominam Agnolettam(6) inter prefatam dominam Agnolettam ex parte una et dominum Rossum Andreozi advocatum florentinum(7) ex parte alia et quamdam dominam Nannam ex parte alia fuisse et esse latum et datum per certos arbitros et arbitratores de anno //Domini ab eius incarnatione millesimo quadringentesimo duodecimo, indictione quinta et die vigesima tertia mensis agusti, per quod apparet,(8) rationibus et causis in dicto laudo contentis,(9) quod omne et quodcumque ius conpetens vel competiturum seu quod competere posset vel poterit in futurum dicto domino Rosso vel suis heredibus in et super dicto poteri e bonis supra cont(entis) et confinatis vel alioquo eorum occaxione emptionis facte de dicto potere et bonis per dictum dominum Rossum de anno Domini MCCCLXXXXIIII, indictione secunda et die quinto decimo mensis aprilis ab offitialibus Sex venditionum Communis Florentie tunc pro tempore existentibus, vel occaxione traditionis possessionis dicti poteris,(10) esset, spectaret et pertineret iure plenissimo dicte et ad dictam dominam Agnolettam et ipsum ius dicto laudo adiudicaverunt eidem domine Agnolette, salvo et reservato domine Agnole filie quondam Filippi Ieronomini et uxori quondam Chiarissimi de Falchoneriis omni iure quod ipsa domina Agnola haberet in dicta bonis utendi, fruendi et usufructandi toto tempore vite sue; et actento quod per predicta apparet dictam dominam Agnolettam fuisse diversam personam a domina Agnola quondam uxore Chiarissimi de Falchoneriis et matrem dicti Nerii Chiarissimi, et quod dicta domina Agnoletta non habet aliquod interesse in hereditate Nerii et domine Agnole; et viso quod per predicta omnia clare constat et apparet prefatum potere non potuisse nec posse fore obnoxium per dicto debito, idcirco predictis et aliis iustis rationibus et causis volentes unicuique ius et iustitiam ministrare omni modo, via et iure quibus melius ac validius potuerunt, declaraverunt prefatum potere non fuisse nec fore obligatum dicto debito florenorum sex pro dictis sex prestantiis impositis prefatis filiis et heredibus Nerii Chiarissimi Falchonieri et matri, et dictam dominam Agnolettam non potuisse nec posse gravari seu molestari pro dicto debito occaxione dicti poteris, et omne gravamentum dicta occaxione eidem domine Agnolette factum et illatum sine aliqua solutione propterea fienda tam debiti quam expensarum revocandum fuisse et esse et ex nunc revocaverunt et anullaverunt, et mandaverunt eorum provisori quod restituat eidem gravamentum factum dicta occaxione sine solutione expensarum exactoris et prefati debiti;(11) ac etiam mandaverunt mihi notario Opere ad pedes dicte partite prefati debiti inmarginem quo deinceps per exactores nec ad petitionem eorum offitii prefatam dominam Agnolettam nec prefatum potere et detentores eiusdem posse et debere gravari et molestari ullo umquam tempore pro dicto debito; et mandaverunt a quibuscumque(12) predicta omnia(13) inviolabiliter observari debere, sub pena eorum arbitrii de facto aufferenda et eorum Opere applicanda.(14)

NOTES:

¹ Da "congregati ..." aggiunto nell'interlinea.

² Segue depennato "possesso-".

³ Con segno di abbreviazione superfluo per la "-m" finale in tre dei quattro casi della frase "in parte" qui raggruppati.

⁴ Segue depennato "pro f-".

⁵ "eorum offitium" nell'interlinea a sostituzione di "nobis" depennato.

⁶ Segue depennato "per quod constat e apparet".

⁷ Segue depennato "et al-".

⁸ "per quod apparet" aggiunto in margine con richiamo nel testo.

⁹ Segue depennato "prefatum dominum Rossum fuisse et esse condempnatum".

¹⁰ Segue depennato "sit expe-".

¹¹ Segue depennato "et m-".