II 1 75: 25v: o0201075.025va

DOCUMENT:

o0201075.025va

view image

I. Transcription of text and essential data

DATE:

1419 maggio 6

SUMMARY:

Oath of wardens and order to respect the terms of a contract for work on the vaults of the main hall of the Pope's residence.

SOURCE:

AOSMF

II 1 75

c. 25v

resolutions

TEXT:

Prudentes et discreti viri
Iacobus Vannis de Vecchiettis
Pierus domini Zanobi de Mezola
Lucas domini Masi de Albizis et
Iohannes Andree Betti de Minerbettis
cives honorabiles et lanifices florentini operarii Operis Sancte Marie del Fiore maioris cathedralis ecclesie florentine, una cum
Iohanne Mattei de Corsinis et
Forese Antonii de Sacchettis
eorum in dicto officio collegis licet tunc absentibus, insimul in dicto Opere et loco eorum solite audientie pro dictorum eorum officio exercendo more solito collegialiter adunati, dictis tamen Piero, Luca et Iohanne de novo intrantibus ad dictum officium primo et ante omnia iuratis ad sancta Dei evangelia scripturis corporali manu tactis ad delationem mei Laurentii Pauli notarii dicti Operis de dicto eorum officio bene, fideliter, legaliter et sollicite faciendo et exercendo et pecuniam dicti Operis conservando et ipsam non expendendo nisi si, prout, ubi et quando crediderunt fore utile pro dicto Opere et de dicto Opere nichil quomodolibet extrahendo directe vel indirecte in venditione, mutuo vel dono vel alio quoquo modo; et formam hedificii dicti Operis sequendo secundum formam modelli ad id designati et facti, positi et existentis iuxta campanile dicte ecclesie et alia quelibet faciendo que facere tenentur et debent secundum formam statutorum et ordinamentorum Communis Florentie et universitatis Artis Lane et dicti Operis sub pena in dictis ordinamentis contenta.(1) Advertentes ad quandam locationem factam per eorum precessores in officio et seu(2) per alium ex commissione dictorum eorum precessorum, licet verbotenus et per scriptam privatam, in certis magistris de faciendo et murando voltas sale maioris habituri Pape in Sancta Maria Novella pro soldis quinque f.p.(3) pro quolibet bracchio omnibus suis expensis exceptis mattonibus sive mezanibus et calce;(4) et ad quandam aliam locationem dicto modo et ut supra factam certis aliis magistris de intonicando dictam maiorem salam pro(5) denariis quinque f.p. pro quolibet bracchio omnibus eorum expensis excepto solum calcem, omni modo etc. deliberaverunt etc. quod capomagister sive vice capomagister et provisor dicti Operis mensurent dictas voltas et dictum murum intonicatum et quod dictis magistris solvatur secundum dictas locationes etc.; et ipsis magistris summas eis debitas secundum dicta locationes et mensuras stantiaverunt,(6) ut constat in stantiamentis in isto a c...