II 1 76: 34v: o0201076.034vd

DOCUMENT:

o0201076.034vd

view image

Referenced in:

Battista, Canonica

I. Transcription of text and essential data

DATE:

1419 dicembre 14

SUMMARY:

Tax set for house acquired and rules for the assignment of houses to canons in accordance with seniority and positions held.

SOURCE:

AOSMF

II 1 76

c. 34v-35

resolutions
dei consoli e degli operai

TEXT:

Consules Artis Lane et operarii Operis suprascripti insimul in domo dicte Artis et loco solite residentie dictorum consulum in sufficientibus numeris congregati advertentes ad emtionem factam pro Opere anno proxime preterito de domo filiorum Ardinghi Uguicciozi de Ricciis et considerantes qualitatem dicte domus et volentes ipsam domum tassare et quantum solvi debeat dicto Operi et ipsius Operis camerario pro ea recipienti per illum canonicum cui assignabitur pro sua habitatione, omni modo etc. dictam domum tassaverunt in florenis triginta quinque auri et sic et tantum solvi voluerunt et solvi debere declaraverunt et mandaverunt per quemlibet cui assignabitur et concedetur pro sua habitatione et totiens quotiens concedetur et qualibet vice etc.
Item concesserunt etc. domum suprascriptam antiquiori ex canonicis Sancte Marie del Fiore in canonicatu ipsam volenti, prout disponit ordo concessionum domorum canonicorum, et quod fiat discussio inter omnes etc., dummodo respondeatur et qui eam vult respondeat hinc ad per totum mensem(1) ianuarii proxime futuri; quo termino elapso, si non respondetur per aliquem ex antiquioribus domino Dino de Pecoris uno ex dictis canonicis quod ipsam velit, tunc et eo casu et non facta dicta responsione concesserunt ipsam dicto domino Dino de Pecoris canonico pro sua habitatione,(2) finito tamen tempore locationis facte Iovacchino Ardinghi de Ricciis per operarios dicti Operis, videlicet a kalendis novembris 1421 in antea, et dummodo antequam intret dictam domum solvat dictam tassam etc.
//
Item advertentes dicti consules et operarii ad quoddam ordinamentum hactenus factum in dicto Opere per quod disponitur in effectum quod in concessionibus domorum canonicorum debeat fieri discussio inter canonicos et ipsas domos concedere antiquiori(3) seu antiquioribus in tempore canonicatus(4) ipsam et seu ipsas domos(5) volentibus etc.; et considerantes quod prepositus dictorum canonicorum est dignior inter omnes canonicos quod ipse prepositus priorem locum inter omnes canonicos retinet etiam si omnibus aliis in tempore etatis sive dignitatis canonicatus existeret, preter solum in dictis concessionibus domorum; et volentes quod ipse prepositus in concessionibus domorum obtineat primum locum quemadmodum facit in omnibus aliis rebus, omni modo etc. deliberaverunt etc. quod in dictis concessionibus domorum et quandocumque fiat aliqua concessio alicuius domus pro habitatione alicuius canonici per operarios dicti Operis quod ipse prepositus intelligatur esset antiquior et dignior omnibus aliis et in tempore etatis et dignitate canonicatus, etiam si veritas esset quod ipse esset(6) omnibus aliis tam in etate quam dignitate iunior, et prius aliquo alio requiri debeat; et si volet domum tunc concedendam ex nunc tamquam antiquiori intelligatur sibi concessa, cum solutione tamen tasse dicte domui assignate et facte; et hoc locum habere voluerint in kalendis mensis februarii proxime futuri(7) in antea et non prius etc.