II 1 78: 26: o0201078.026b

DOCUMENT:

o0201078.026b

view image

I. Transcription of text and essential data

DATE:

1421 aprile 18

SUMMARY:

Reduction of the rent of the quarry of the hill of Vincigliata for disagreement over the price and agreement to quarry only sandstone blocks for the cupola.

SOURCE:

AOSMF

II 1 78

c. 26

resolutions

TEXT:

Item recordantes qualiter die XVIIII mensis februarii proxime preteriti Ugo Bartholomei de Alexandris civis et mercator florentinus locavit ad affictum mihi notario infrascripto(1) vice et nomine officii operariorum et Opere recipienti de eorum commissione totum podium Vincigliate pro tempore trium annorum dicto die initiandorum pro pretio florenorum XLV auri quolibet anno ad fodiendum et conducendum et habendum de dicto podio quoscumque macignos et lapides et cum salvo et aliis in dicta locatione et conducta scripta manu mei notarii predicti insertis et annotatis; et intellecto et audita qualiter super ipsa locatione et conducta pro parte dicti Ugonis(2) undecumque processerit, sed comprehendi satis clare potest ob relationem ipsis operariis factam per preticatorem cum Ugone predicto, seu propter non claram expressionem intentionis dicti Ugonis(3) sive dicti Ugonis culpa sive preticatoris causa, eo mota fuerunt quedam dubia et(4) orta est discordia et intricatio, volentes discordias totaliter resecare et(5) tam dicte Opere quam dicto Ugoni iustitiam ministrare et ea facere in predictis que utilia et honorabilia fore portarunt(6) pro utraque partium providere, disponere et ordinare servatis servandis ut supra providerunt et deliberaverunt quod pretium et quantitas locationis predicte pro dicto podio quod et que est pro quolibet(7) anno ut supra dicitur florenos XLV auri intelligatur et sit reductum et sic reduxerunt ad rationem florenorum quadraginta auri pro anno et ad rationem predictam dicto Ugoni(8) et non maiorem solvi posse et debere per camerarium dicte Opere pro tempore existentem.

Cum hoc tamen pacto expresso et declarato(9) quod de ipso podio fodi cavari, conduci et haberi possint et debeant pro dicta Opera et ad ipsam Operam solum et dumtaxat pertinere(10) omnes macigni et lapides de hiis qui in ipso podio existunt qui necessarii sunt et expedientes pro cupola maiori dicte Opere tantum et non pro alia causa seu laborerio ullo modo, et quod omne aliud genus lapidum in dicto podio existentes et dicte cupole non necessarium dicto Ugoni remaneat et remanere debeat omnino et expresse, presente ser Niccolao filio dicti Ugonis et pro eo et eius vice et nomine prout asseruit et predicta omnia ratificante et approbante.

NOTES:

¹ "Dinum Cole".

² Segue depennato "certa dubia mota fuere".

³ Segue depennato "causam".

⁴ Segue depennato "facta".

⁵ Segue depennato "de".

⁶ Lettura incerta: nel testo "potarut" con segno di abbreviazione.

⁷ Segue depennato "no-".

⁸ Segue espunto "et".

⁹ Desinenza corretta da "declarationi".

¹⁰ Aggiunto nel margine con richiamo nel testo.

BIBLIOGRAPHY: