II 1 79: 47v: o0201079.047vb

DOCUMENT:

o0201079.047vb

view image

I. Transcription of text and essential data

DATE:

1421 dicembre 5

SUMMARY:

Term of payment to the Commune of Valenzano and Podesteria of Subbiano for debt for gabelle on persons.

SOURCE:

AOSMF

II 1 79

c. 47v-48

resolutions

TEXT:

Operarii(1) Opere supradicti invicem in loco eorum audentie more solito in sufficienti numero congregati intellecto qualiter Commune Valenzani sub Potestaria Subbiani districtus Aretii comitatus Florentie debitor est dicte Opere pro gabella delle bocche secundi et tertii annorum posita in anno MCCCCXII in libris LXVI soldis XII,(2) et de per se Potestaria Subbiani predicta pro eadem causa et pro(3) dicto tempore duorum annorum in libris quadrigentis sessaginta quattuor soldis otto f.p., et qualiter ipsa Potestaria et Commune coactum ad solutionem dicti debiti pro eorum parte per Christofanum Rinaldini de Savarniano et Bontadosum Guiducci de Belfiore dicte Potestarie allegatum fuit ad solutionem dicti debiti devenire non posse, obstante paupertate in qua asseruerunt homines eorumdem locorum fore costitutos, nisi cum longo termino in favorem eorumdem provideatur; et ipsorum allegatione audita et intellecta ac etiam prout asseruerunt cognito sic esse, et considerantes operarii predicti quamplures homines de ipsa Potestaria quibus dicta gabella imposita fuit mortui sunt et de eorum bonis pars reperitur et aliquorum nicchil; et quod hii qui remanserunt solvere sunt pro illis secundum ordinamenta coacti, precibus et de voluntate et consensu suprascriptorum Christofani et Bontadosi asserentium ad infrascripta faciendum plenum et ydoneum ab ipsa Potestaria habere mandatum et sic etiam per licteras pro parte dicte Potestarie et Miccaelis de Rittafedis Potestatis dicte Potestarie demostratum fuit, volentes(4) in favorem ipsorum providere et tamen dicte Opere facere quam melius fieri potest integre satisfieri, premisso et facto inter eos solepni et secreto scruptinio et obtento partito ad fabas nigras et albas secundum ordinamenta(5) vigore eorum officii auctoritatis, potestatis et balie eis concesse et attribuite et omni modo, via, iure et forma quibus magis et melius potuerint, providerunt, ordinaverunt et deliberaverunt quod Potestaria Subbiani predicta ac etiam ipsum Commune Valenzani pro parte sibi supra specificata et eorum homines et persone possint, teneantur et debeant ipsas quantitates et summas supra declaratas per se vel alium quemcumque pro eis dare et solvere dicte Opere et seu camerario ipsius Opere pro ipsa Opera recipienti hinc ad decem annos proxime futuros, videlicet quolibet anno ipsorum quinque annorum decimam partem dicte quantitatis usque quo integre satisfecerint de quantitate et summis supradictis et sic eidem terminum statuerunt. Et sic observando ulterius vel //aliter ad solutionem minime gravari possint per aliquem rectorem vel officialem, nuntium vel exactorem seu aliam quamcumque personam personaliter vel in bonis. Eo tamen expresse apposito, quod in quocumque termino defecerint solutionem, gravari possint ad solutionem totius et integre quantitatis supra declarate restantis, mandantes predicta omnia per quemlibet inviolabiliter observari et executioni mandari, omni oppositione cessante.

NOTES:

¹ In margine: "Pub(licatum) et r(egistratum)".

² "soldis XII" aggiunto nell'interlinea.

³ Macchia d'inchiostro.

⁴ Segue depennato "ipsorum".

⁵ Segue depennato "providerunt, ordinaverunt atque deliberaverunt quod".

Transcription:

II. Analysis of document

Indices

NAMES AND ROLES:

Cristofano di Rinaldino da

Savarniano