II 1 80: 26: o0201080.026b

DOCUMENT:

o0201080.026b

view image

Referenced in:

Becattini, Selva

I. Transcription of text and essential data

DATE:

1422 aprile 24

SUMMARY:

Authorization to the administrator to contract out the transport of log rafts from the port of Dicomano to that of San Francesco.

SOURCE:

AOSMF

II 1 80

c. 26

resolutions

TITLE:

Commissio in provisorem locandi lignamina Matteo Betti

TEXT:

Operarii Opere supradicti invicem ut supra more solito in sufficienti numero congregati, absente tamen Andrea de Rondinellis eorum collega, intellecto qualiter die ultimo mensis martii proxime preteriti fuit per eorum officium inter cetera provisum et ordinatum rationibus et causis in deliberatione insertis quod Bettus Iohannis de Businis teneretur et deberet solvere Laurentio Pauletti trainatori soldos IIII f.p. pro quolibet fodere lignaminis(1) Opere tracti de supra piscariam dicti Betti ad portum Sancti Francisci ultra solitum, ac etiam teneretur conducere seu conduci facere suis sumptibus atque periculo quecumque lignamina dicte Opere conducenda(2) de supradictam eius piscariam usque ad dictum portum Sancti Francisci cum pactibus et effectibus in ipsa deliberatione insertis; et intellecto Matteo filio dicti Betti tam super predictis loquente quam super infrascriptis, et volentes quod iuste deprecanti non denegetur assensus actento maxime quod per infrascripta in dapnum dicte Opere non providetur, sed potius in eius securitatem atque comodum,(3) premisso et facto inter eos solepni et secreto scruptinio ad fabas nigras et albas et obtento partito inter eos secundum ordinamenta, vigore auctoritatis et potestatis eisdem competentis et omni modo, via, iure et forma quibus melius potuerunt, providerunt et deliberaverunt quod Paulus Soldi Soldini provisor dicte Opere vel eius in officio successor possit, teneatur et debeat dicto Matteo predicto pro se et suis heredibus conducere volenti locare(4) et concedere ad conducendum de portibus Decomani et Moscie de Mucello comitatus Florentie ad portum Sancti Francisci prope muros civitatis Florentie quecumque fodera lignaminis cuiuscumque maneriei dicte Opere ad ipsam Operam pro ipsa Opera conducenda per quoscumque conductores dicte Opere dicto Matteo locare volentes ad conducendum pro pretiis solitis et consuetis solvendis per ipsos(5) conductores lignaminis more solito ipsi Matteo, videlicet soldos sex pro traino exigendos per ipsum Matteum a conductoribus suprascriptis(6) et cum pacto solito inter cetera, quod foderator(7) predictus, videlicet ipse Matteus et etiam alii, si alii foderare et conducere vellent, teneantur et debeant carradoribus qui trahent ipsa lignamina de aqua Arni portus Sancti Francisci ipsam Operam dare et solvere more solito soldos quattuor pro trahino quolibet trahendo ipsorum foderatorum sumptibus et expensis. Et quod facta locatione et conducta predicta modo et forma predictis per ipsum provisorem dicto Matteo et per ipsum Matteum prestita fide tam de observatione contenta in ipsa conducta fienda quam de conservatione indepnitatis dicte Opere quocumque modo et forma omnia et singula contenta in deliberatione de qua supra in principio presentis fit mentio intelligantur et sint totaliter revocata, cassa et anullata et ex nunc predictis factis ipsam in omnibus et per omnia revocaverunt.

NOTES:

¹ Segue depennato "trac-".

² Segue depennato "sup-".

³ Parola corretta.

⁴ Segue depennato "et conducere".

⁵ Segue depennato "car-".

⁶ "videlicet ... suprascriptis" aggiunto in margine.

⁷ Parola con desinenza corretta.

LINKS:

La commissione viene ricordata nell'allogagione di legname nello stesso bastardello:

O0201080.057vc.

Transcription: