II 1 81: 8v: o0201081.008va

DOCUMENT:

o0201081.008va

view image

I. Transcription of text and essential data

DATE:

1422 agosto 7

SUMMARY:

Confirmation of the resolution on the tare for broad bricks with order to the administrator to register it in the accounts of the kilnmen under penalty of dismissal from his office, registration as debtors of those who purchased lumber at a lower price than was due and term for removing 7 cartloads of broad bricks.

SOURCE:

AOSMF

II 1 81

c. 8v-9

resolutions
dei consoli e degli operai

TEXT:

Nobiles viri domini consules Artis et universitatis Lane civitatis Florentie una cum nobilibus viris operariis Opere Sancte Marie del Fiore civitatis Florentie in audientia inferiori palatii dicte Artis more solito in sufficientibus numeris congregati, intellecto qualiter die IIII presentis mensis operarii Opere supradicti rationibus et causis in scripturis inde rogatis insertis diminuerunt pretium quadronum terre cocte tunc ad ipsam Operam conductorum per quoscumque fornaciarios pro cupola maiori tantum in quarta parte et ipsum pretium reduxerunt ad libras quindecim f.p. pro quolibet miliario prout latius in dicta deliberatione continetur, premisso et facto inter eos solepni et secreto scruptinio ad fabas nigras et albas et obtento partito secundum ordinamenta, cognito prout asseruerunt quod quadrones de quibus in ipsa deliberatione supra allegata minoris mensure et qualitatis sunt quam esse debent in dapnum Opere prelibate, confirmaverunt ipsam taram, reductionem et diminutionem pretii ipsorum quadronum et deliberationem predictam in qualibet sui parte et ad cautelam iterum et de novo deliberaverunt ea omnia et singula que sunt in dicta deliberatione operariorum comprehensa et deliberata.
Ac etiam providerunt et deliberaverunt quod(1) provisor dicte Opere teneatur et debeat dictam quantitatem tare et diminutionis dicti pretii ponere et describere ad computum et rationem dictorum fornaciariorum in libris dicte Opere penes eum existentibus; et taliter actare et facere quod dicta Opera de ipsis quadronibus conductis ut predicitur maius pretium pro quolibet miliario non solvat libris quindecim f.p.; et seu ipsos fornaciarios singula tamen singulis referendo pro defectu commisso in ipsis quadronibus recepisse quantitatem tare diminutionis predicte per totum presentem mensem agusti sub pena et ad penam privationis sui officii provisoratus si predicta in dicto termino facere et observare neglixerit seu(2) non fecerit, intelligendo dumtaxat licet supra expressum fuerit de conductis quadronum ad presens vigentibus.
Item teneatur et debeat provisor predictus per totum mensem settembris proxime futuri in libris auctenticis dicte Opere ponere et describere in debitores dicte Opere quemcumque hactenus emit,(3) recepit seu habuit de lignaminibus dicte Opere pro minori pretio quam sit debitum et hactenus consuetum et ordinatum in ea quantitate et summa quam minus debito atque solito solverit Opere prelibate sub pena privationis officii ut supra.
Item teneatur et debeat provisor predictus sub eadem pena facere et procurare cum effectu quod //quicumque inmicti fecit in ipsam Operam settem carratas quadronum de quibus et prout et sicut fit mentio in deliberatione supra facta per officium dictorum dominorum consulum et operariorum manu mei Dini notarii predicti(4) ipsos quadrones de ipsa Opera extrahi et exportari faciat(5) et quo voluerunt transmicti hinc ad per medium presentem mensem agusti, ita et taliter quod ad computum dicte Opere nulla solutio de eis vel eorum occasione poni, describi vel fieri possit. Et ad sic extrahendum infra dictum terminum ipsi qui inmiserunt vel inmicti fecerunt ipsos quadrones per ipsum provisorem effectualiter(6) compellantur sub pena predicta.